32

79
SEYÂHATNÂME-İ HUDÛD

[116] el-Fetle Tâ’ifesi
Nüfûs-ı zükûr
Aded
1600

el-İbrâhim Tâ’ifesi
Nüfûs-ı zükûr
Aded
200

C em‘an
Nüfûs-ı zükûr
Aded
4300
Cem‘-i yekûn
Nüfûs-ı zükûr
Aded
9550

Bâlâda murakkam tavâ’ifden Hazâ’il ve Hazâ’il’e mensûp olan tavâ’ifin
ekserîsi Hindiyye’den bed’ile Müntefik’e tâbi’Benî Hikeym aşîretinin makarrları
olan yerlere kadar Fırat nehrinin sâhil-i yemîninde Şâmiye’de ve baʻzıları Cezîre üzerinde Hindiyye tavâ’ifi nehr-i mezbûrun taraf-ı yemîninden münşa’ib hark- lardan ve suların çoşkunluğunda bi’t-tabi’ cereyan eden nehirlerden Kerbelâ-yı
Mu'allâ civarında peyda olmakta olan hevrler ki dâ’imâ menba’-ı tuğyan ve
menşe’-i bağî ve isyân olan Hindiyye nâm mahalde bulunup bunların hâl ve mişvârları taʻrîfden müstağnîdir. Bu tavâ’ifden Hazâ’il ve Hazâʻil’e mensâb olan tavâ’ifde birer mikdâr bedevî var ise de ağlebleri fellâh ve şâviye olup fellâhlarının ekserî zer’ve felâhatları çeltük cüz’îsi hinta ve şa’îrdir. Manda besler mi’dânları
da vardır. Hindiyye tavâ’ifinin cümlesi mi dân ve çeltük zirâ’at eder fellâhlardır.
İşbu Hazâ’il tavâ’ifi şürb-i hamr ve araka meyyâl olduklarından başka aşâyir kısmında nâbûd olan mahbûb dostluk bunlarda mevcûd ve ağleb evkâtta hevâ ü hevesleri ardında târ-ı pûd ve bezl-i vücûd ederler. Bunların güzelleri vâfir ve sabîlerinden yetmiş seksen yaşına varmış ihtiyârlarına varınca cümlesinin raks ettikleri gören ve işidenler indinde zâhirdir. Hâkim makâmında olan büyük [ 117 ] şeyhleri bile raks eder. Lâkin büyük büyükle , küçük küçükle raks ederler. İndle- rinde raks bilmemek, mu'ayyebâttandır. Kendülerince mûsikî âşinâdırlar. Hin-
diyye seddi üzerinde bulunulduğu esnada on sekiz yirmi yaşında şeyh-zâdelerinin biri raks edip seyr-i temâşâ olunmuş idi. Oyunlar beğenilmeyecek şey değildir. Bu makûle müteşahhıslar raks ederken varup meclis sahibinin veyâ ol meclisde bulunan hâtırlu büyük adamlardan birinin kucağına kapanmak âdetleri olduğundan usûllerince raks edenin bu hareketine mukâbil yâ kıyâm olunmak veyâhûd bir
hil’at ile ikrâm edilmek iktizâ eder.