204

131

Mezkûr Suların Sûret-i Zâbıta-i Sâbıkası

Mezkûr Saklâvî nehri mazarratının vuku’ bulmamasiçün evâilde ol civârda ve nehr-i mezbûr üzerinde olan aşâyire sedd etdirilüb Fırat'ın coşkunluğunda suyun tasallutu olan yerlere ale’l-istimrâr istihkâm vermek ve hark edeceği yerleri sedd etmek zımnında mahsûs bekçiler bırağılur. Ve enhâr-ı seb‘a-i merkûmenin dahî her birine Karaorman zabiti vaktiyle Dileym aşiretinden kifayet mikdârı adamlar gönderüb bir kaç gün zarfında sedd etdirdikden sonra bozulan yerlerini yapmak ve coşkunluk vaktinde kezâlik mevâki-i lâzimeyi muhâfaza eylemek üzere herir sedd üzerine beşer altışar hâne Fellâhlar ta‘yîn olunur. Ve bu havâlî ahâlîsi dolablar ite zer’ ve felâhat deliklerinden bir dolabın suyu ite zer‘ olunacak yerin [195] kış mahsûlâtından mîrî içün yarım tağar hınta ve yarım tağar şa‘îr ve yaz mahsûlâtından yarım tağar daru alınmak mu‘tâd iten işbu bekcilerin ol hizmetlerde bulunacaklarına mukâbil yalnız ol mikdâr hânelerin mezrû‘âtından bir şey alınmayup mu‘âf tutulurmuş. Dâvûd Paşa zamânından sonra mu'âfiyetleri lağv olunup bunlardan ve sâ’irinden mu‘tâddan fazla rüsûmât ahzına mübâderet olunduğundan harklara bakacak kimse kalmamış ve bu cihette bunların suları hevr-i mezkûru hâlet-i mcşrûhaya getürmekde bulunmuşdur. Dileym sancağı bahsinde zikr olunduğu üzere merhûm Necîb Paşa'nın binâ etmiş olduğu şeddin bir tarafı müşârün-ileyh'in evâhir-i hükümetinde bozulmuş olduğundan müşârün-ileyhden sonra yine evvelki fenâlıklar vuku‘ bulmakda idi. İmdi işbu Saklâvî şeddinin bozulan yeri ta‘mîr olunup bir daha kasden bozulmamasiçün bekçiler tahsîs olunsa ve dîger harklara dahî sâbıkı vechile zirâatları mahsûlâtında mu‘âf olmak üzere her birine beşer altışar ve belki onar hâne Fellâhlar ikâme olunsa bu madde zikr olunan kırk sâ‘at muhitinde olan yerlerin ma‘mûr ve abâdân olmasına ve havâya ârız olmakda bulunan ufûnet ve vehâmetin cüz’-i a‘zamı olan Akarkof hevrinde terâküm etmekde bulunan miyâh-ı râkidenin min ba‘d terâküm edememesine sebeb olacakları müberhen ve bu takdirce Saltanat-ı Seniyye, hazînece ve nüfûsça mütemetti‘ olacağı âzâde-i şekk ve zanndır.

* * *

Akarkûf Hevrinin Sakinleriyle Mahsûlâtı

Benî Temîm Tâ’ifesi
Hâne
Aded
200

Tafîl ve Zikayb ve Kerâkişe Tâ’ifeleri
Hâne
Aded
300

Elbû Deyrût Tâ’ifesi
Hâne
Aded 200