m 3 (6c)

[In circles: Cordil-la. Guoril-la. Regan]

Cordel the yongest
doughter of kyng
leyr gouerned the londe
five yere. and than come
Morgan and Conador that
wer hyr susters sones.
and for enwye that she
shuld not regne: thei to
ke hyr and put hyr in
prison. and there she
died for sorwe. and than
thei departed the londe
betwex ham bothe.

[In circle: Morga-nus.]

Morgan had greet
strife long tyme
with hys cosyn Cunadok.
for this Morgan wold haue
had al the londe to hym
self. nut Cunadok raysed
greet peple and drove hy[m]
i[n] to Wales. and slue hym
in a place called Glough
morgan. and after he come
home ageyn and was
kyng.

[In circle: Cuna-dagi[us]]

Cunadok whan he
had slayn Morgan
regned thretti and thre
yere. and wel gouerned
the peple. and whan he
was deed he was buried
at newe troye.