fol. 43v

nayâ ca ōntetl in inhuehueuh centetl ātēmpa
quitzotzonaya niman ye quequezalo
ye ixpōliōhua niman cē tlācatl tlenama-
cac ācatl īyacapan huālitztia tzàtzitihuitz
quìtòtihuitz, "Mēxìcàyé tlê amāyi aocāc
īyōllô quimati? Āquìquê in immāc ma-
ni malchimalli? In incuauh zan acxō-
yacuahuitl" in ōquittaquê niman ye mo-
tepotztia iuhquin za ōtotopēuhtiyàquê ni-
man ic ommocaltzacquê. In īpan caltza-
ucticatca Etzalcualiztli cempōhual-
tica īpan Etzalcualiztli in ichtacā huāl-
quīz in ītlàtōl Motēuczoma quimilhuî
in tiachcāhuān, "Tlā quicaquicān in mēxì-
câ ca ye ōmilhuitl in àtlê quicuâ immā-
zahuān in tēteô otlàtlan in tolccuextli in
quincualtia. Auh in āxcān ye ontetl in
comontihuetzi . Auh inin mā oc moxonex-
calticān in tiachcāhuān mā ōtipōliuh-
tin ca in nēzcâ in tachcāhuān. Niman quìtò-
quê, "Ca ye cualli." Niman ye monāhuatiâ
zan yōhualtica in calaquiâ in māzatla-
cualli. Auh niman huāllâ in capidan
ìcuāc in ye no chicōmilhuitl īpan nèca-
līhuac īpan in yàquê tlaxcallān in te-
cuilhuitōntli ìcuāc in mic in motēuczoma
in ōonmic niman quihuālmamaltìquê
in ītocā Apanecatl niman ōmpa qui-