Page 123

naist nommee aspiz qui ne poeut estre deceu ne
pris se nest par doulz chant. Car il en ot trop vo
lentiers le son. Mais si tost quil en ot le chant
il boute sa queue en ses oreilles affin quil ne loye
et se trait ensus du chant doubtant quil ne soit de
ceu. Aultres serpens ya nommez Tygres que l'en
prend tous vifz a force dengins. et de ceulx fait on
le triacle qui deffait et oste aultre venin. Aultres
vers y naissent qui ont deux bras si longs et si di
vers qui ilz abatent et occisent les elephans. Cest
ver vit moult longuement et quant il est viel et
il se sent foible il se consume par inver et se laisse
affamer si oultreement que pau lui remaint de
son corps. Adont se boute parmy ung pertruis
moult estroit daulcune pierre et sen bout hors
a si tresgrant destresse que sa pel y remaint toute
entiere. et puis lui revient arriere une aultre pel
Et ainsi reforme son eage comme saige beste quil
est. Plente ya daultres serpens qui ont maintes
pretieuses pierres es testes et es yeulx. lesquelles sont
de tresgrant vertu pour ceulx qui les poevent avoir