Pages That Mention platon
CHANTILLY, Bibliothèque du château, 0477 (1469) (Reproduction intégrale)
f. 078v - 079
En contre aise en a .iiii. Mes du conte vodron abatre Que toutes pas nes nomeron Une en i a delos anon Qua pres le deluge apparut Premierement quant el descrut Une iautre i a qua non melot Pour la melodie quen i ot Des douz chanz des oisax parlans U perron croist le marbre blans Si est lisle qui a non paumes Dont sebile fu qui meismes Prophetisa en jhesu crist Lonc tens aincois que il venist A roume ou ele fu mandee En cel isle fu cultivee La maniere des poz de terre Quen fet encore en mainte terre De ce tens fu pitagoras Un philosophe qui les cas
Et les poinz trova de musique Un autre en a en aufrique Sardenne ou une croist tost Quen menjue si meure tost Une a non boscura Ou serpenz ne coulueevra na Une en i a et longue et lee La ou la fonde fu trovee Et cele a non bacares Si iest lisle demores Qui en ami le jour na point donbre En cele a .i. puis qui par nonbre Apie dele .c. de parfont Dont li souleuz luit au fonz Une autre i a qua non cilla Ou ciclopien furent ja Si con platon nos va disant Dont ceus parlent qui vont lisant Qui /.bons/. fu clers et de grant pris En cele isle a plus de porpris
[Line 19: the scribe has indicated an interlinear correction, which means the text should read “Qui fu bons clers et de grant pris”]
f. 151v - 152
D[?] et aucunes autres gens Coument clergie fu sauvee Par le deluge et retrouvee Des gens qui furent de grant sens Et des merveilles qua son tens Fist virgiles de sa clergie Par quoi fu monoie establie Des philosophes qui aloient Pour aprendre ce quil veont Des philosophes autresi Et de platon qui respondi Combien lune terre solaux Ont de grant chascun endret ax Et des esteles leur estage De leur nombre de leur ymages De haut de grant le firmament Du bloi ciel qui desus sestent Du ciel empire et cristalin Si avez oi en la fin De paradis et de son estre
Et de dieu qui partout puet estre De sa gloire de sa bonte De ce vous avons nous conte Et rendu aucune reson Au plus briefment que nous poon Car nont cure de longue glose Les genz dore ainz aiment chose Qui sont bries con cil dedenz Sont de nature de brief tens Brief sont li cors brief sont leur vie Car en pou deure sont fenies Et touzjours plus brieves seront Jusquatant qua noient vendront Car ce siecle si nest noienz Ausi sen vet i coume li venz Et defenist de jour en jour Saucun i fet aucun sejour Que tant est plain de vanite Quil ni a rien de verite Cil qui plus demorer i quide
BnF. Département des Manuscrits. Français 14964
2v
por le deluge Li disismes comment on retrova clergie apres le deluge Li unsismes des merveiles que virgiles fist par astronomie Li .xii. comment et por quoi monnoie fu establie Li .xiii. des philosophes qui cerchierent le monde por aprendre Li .xiiii. de philosophie, et de la response platon. Li .xv. combine la terrre a delonc environ, et combien despes parmi Li .xvi. combien la lune et li solaus contient de grant, et de haut, cascuns endroit soi Li .xvii. de la grandor et de la hautesce des estoiles. li .xviii. de la grandor dou firmament, et dou ciel qui est desus Li .xix. dou nombre des estoiles et delor ymages. li .xx. dou ciel cristallin, et dou ciel empire. li .xxi. dou celestre paradis, et de son estre Li .xxii. si est li recors ou la recapitulations de ces choses li prologues Qui bien vielt entendre cest livre Et savoir comment il doit vivre Et aprendre tele clergie Dont miex vivra toute sa vie Si lise tout premierement Et apres ordeneement Si quil ne lise riens avant Sil nentent ce qui est devant Ensi porra le livre aprendre
[initial: 22nd row, opening initial /Q/, 2 lines, in blue with red pen flourishing]
28v
Tant endist, icil philosophes Et tant en redist aristotles Qui fu ses clers, que ce estoit Principes, que vertu dounoit Es choses destrer et movoir Et cui diex dona tel pooir Si com on voit quant riens se muet Qui estre et movoir se puer* Maint livre de nature enquist Aristotles, qui ce endist Puis endirent autre pluisor Que ce est vertus de chalor Qui fait estre chascune chose Si nen dirai ore autre glose Sil en sievirent miex platon Que aristotle en sa raison Ensi endirent lor samblant Et asses endirent autant Selonc ce que on empuet dire Car ce ne puet nus contredire Mais nus nentent bien que ce soit Fors diex qui tout oit et tout voit Qui premiers le vaut establir Por toutes choses acomplir Si puet on bien par ce savoir Que molt est diex, de grant pooir Et molt est grans, chose de lui Quant tel chose fist sans anui Qui est de si poissant afaire Por ce vaut il meismes faire
[* scribal error, should read "puet"]
105r
Por connoistre, lui et son estre Quels il est, et quels il doit estre Si qua ce, se puisse mener Que tous se puist adieu doner Qui bien connoist, lui et sa vie Si set toute, philosophie Car tout cil philosophe sont Qui diaus droite connoissance ont Dont platons respondi aucun Qui li demanda, en commun Sire platon quaves apris Qui tant aves vostre tans mis Et estudie, por aprendre Quels biens, nous faites vous entendre Car nous dites aucun bon mot Et platons qui plus que nus sot Lor dist si com a cuer dolent Quil navoit riens apris, fors tant Quil se sentoit, et jor et nuit Ensi com un vaissel tout vuit Tant lor en respondi platons Et sestoit li plus sages hons De plus grant science parfonde Con seust lors, entout le monde Nen diroient or pas autant Maint, ancois feroient samblant Quil seussent toute clergie Por los avoir, cil mals les guie Et si lor met, foles ententes Rien plus que bestes, nont ententes