Arenga Pronunciada

ReadAboutContentsHelp

Pages That Need Transcription

1
Complete

1

ARENGA PRONUNCIADA

EN EL PRIMER ARCO DE LA CAJA DE LA AGUA POR UN JOVEN VESTIDO DE INCA EL DIA DEL ARRIVO DE S. E. EL PRESIDENTE DE LA REPUBLICA A ESTA CAPITAL EL DIA 19 DE MAYO DE 1839.

*

¡Hatun Apu Auqui!

Chayamunñan punchau cay chica sinchi llaquiscca Ccoscco llacctayquita ccahuarinayquipac, ccamparmanascca ricucuspaicu inti ñoccaycupac tutayarccan; Yana-ccocha auccanacuy punchaumanta, huateccaycuc maquinman urmaspa qnimsa huata llalli huaccaspa ccam qquespichiccniycuta suyarccayquicu.

Bolivia Amarroc qquesachasccan, llapa llactacuna, llapa allichac churiyquicuna, orccocc ccasanta muspaspa, chiri huayrata muchuspa, mama yayanta, huauqque pananta saqqnerispancu, ccaccacc quitcumpi, sachac sonccompi sallccahuan cusca causarccancu.

Cay munasccayqui huaccha llacctaiquipirí manan imatacho tarimunqui llaqui phuyuc ppintusccan hueqque parapi tucusccata, yahuar mayohuan llapa huatay-huasi ccarpasccata, ayacuna patapi Aucca Santa-Cruzpa qquiraunin churasccata, llacctan amachaccta herro chellccocunahuan mayttusccata; ñan cunancca, teccse muyuc Mancoccapaccpa churincuna ccochoricunñan saminchascca Chile runacunacc suyun uccupi cunan punchau hamusccayquimanta.

Noccarí cusicuyniypa raphrampi huayra icho ppahuamuni ccaccac qqueqquen uqquimanta chaquiyquiman ullpuicuspa huauqqueicunamanta rimarec, ccampunimari casccanqui tucuy llaqui chincarichec, Yungay niscca llacctapi llapa cussi apaycamuc.

¿Suyascca Hatun Auqui GAMARRA? ccampaccmi unanchascca cascca cay puncuta quicharispa cay millay chellccocunata pascaspa, sumac cussi causaita LIBERTAD nisccata, inticc ccanchariyninta llapa llacctapi mosoccmanta mutmuchinqui; phuyu uccupi cunancama muspac churiyquicunari cussicui simita apaycachancca

Can Ccosccoc Huaminccantari hanac pacha Apu Dios causayniyquita tucuy hayka unanchasccayquitahuampas saminchancca huiñaypa huiñaynimpac.

Cuzco 1839—Imprenta de la Beneficencia por P. Evaristo Gonzalez

Last edit 7 months ago by Digitizing Peru's Print Revolution
2
Blank Page

2

This page is blank

Last edit 10 months ago by SethCL
Displaying all 2 pages