Page 446

que l'ome pert le fié, que il tient de lui, et est forspaïsié toute sa vie de celui reaume, et le seignor est quite de sa foy vers lui; et il n'en est mie quite de la soue foy vers li sien seignor. Et en tout ce, les hoirs de celui n'ont nul damage. Et l'ome doit estre assent quarante jors pour isir dou reaume. Et se aucun de ses pers l'apele de cele faute, dont ilest ataint, il pert le cors et quanque il a, se le seignor veut, car il est encheu en sa merci.

Le seignor ne doit son home arrester, ne metre main sur lui, se ce n'est que il soit ataint et jugié par court, et de traïson ou de murtre. Et lors en puet faire de lui aussi come d'un autre home.

VI. Le siziesme chapistre. De desaisir home de saine ou de teneure.

Le seignor ne doit dessaisir son home de sa teneure sanz esgart ou sanz conoissance de sa court.

VII. Le VII° chapistre. Dou respit de l'omage quant on le requiert.

Se le seignor se plaint à soi et à cort d'aucun qui tiegne fié de lui, dont il li doie homage, et se il dit que celui ne li a fait, ne offert à faire, l'omage que il li doit, dedenz l'an et le jour que il receut le fié; se celui en est ataint, l'amende en est tele: que le seignor puet tenir le fié dont il li est failli de l'omage, tant come les deus vivront. Et le qui muert, la poine faut.

VIII. Le VIII° chapistre. De celui qui tient fyé d'autre que dou roi.

IX. Le IX° chapistre. De ce quant le seignor se plaint de son home.

Se le seigoor se plaint de son home, que il li doit servise, et il li met sus que il li soit defailli de son servise, se il en est ataint par conoissance de la court, l'amende en est tele: que le seignor tient le fié, dont il li est defailli dou servise, un an et un jour. Mais se celui ne vit dedenz l'an, son hoir n'i pert riens.

IX bis. Ancore dou seignor, quant il se plaint de son home.

Se le seignor se plaint de son home, et dit que il tient aucune chose dou sien, qui soit chose d'eritage, se l'ome dit que cele chose est de son fié, et il ne le puet prover par privilege ou par recort de court, se il atrait à son fié, et le puet prover par son sairement et jurer sur l'Evangile que cele chose est de son fié, et atant li remaint quite vers le seignor. Mais un de ses pers l'en puet lever, en l'oure que il a juré, come desloyau et parjur et foy mentie vers son seignor, et en ce afiert bataille, quar le traïson est apparant come de sa foy mentie, en voullant desertier son seignor. Et se il en est vaincu, il est encheu dou cors et de quanque il a. Et les hoirs n'i perdront riens, mais que la querele dont le plaît aura esté. Et se