Page 447

OverviewTranscribeVersionsHelp

Facsimile

Transcription

Status: Complete
Show Translation

l'ome ne le veut proyer par son sairement, le plait en est aussi come dou seignor à un autre home.

X. Le X° chapistre. De l'ome qui requiert à son seignor qu'il tient, et dit que de est de son fyé.

Se l'ome requiert à son seignor chose que il tiegne, et l'ome dit que ele est de son fié, et que il ou ses ancestres en ont été saisis et tenanz come de partie de leur fié, et il n'en a privilege ne recort de cort, il doit prover la teneure par deus loiaus garanz de la loy de Rome. Et le seignor puet faire lever l'un des garanz à un tel home come le garanz est chevalier ou serjant. Et se la querele est d'un marc d'argent, il y aura bataille. Et en ce ne garentist mie la foy, quar ce n'est mie de la querele, ce n'est que de la saisine. Quar se ilen avoit la saisine conquise, si la porroit il perdre par aucune raison.

XI. Le XI° chapistre. De l'ome qui requiert au seignor de son fyé.

Se l'ome requiert à son seignor chose que il die que est de son fié et que il l'a requise en court, et le seignor ne li veaut rendre ne ne la moine par sa court, et amprès ce le seignor le fait semondre d'aler à son servise, il puet dire au seignor en la cort: "Je n'accuill mie votre semonse, ne acueillir ne la veull, se la court ne l'esgarde, treusques vos m'aiez rendu tel chose, de quoi je sui merme de mon fié, dont je vos doi servise, ou que vos m'aiez fait avoir l'esgart de vostre court. Et selonc ce que je ai dit, je m'en met en l'esgart de la court." Le droit est tel: que il ne li doit faire servise tant que il li ait fait des deus choses l'une. Et laquele des deus choses que li seignor li face, ou rendre li ou mener par sa court, il doit ravoir son servise de qui en avant. Et se le seignor ne fait conte de son servise et veut chose tenir, l'ome puet venir en la court et dire: "Seignors, vos savez coment je ai requis mon seignor que il tel chose qui est de mon fié me rende ou me maint par sa court, se il veut riens dire contre ma requeste, et si veez coment il me moine, pourquoi je vos requier et semons come mes pers que vos me mainteigniez à droit." Lors les homes de la court doivent dire au seignor: "Sire, nos i requirons que vos cestui qui vostre home," ou nostre, "partinez à droit et li faciez l'une des deus choses que il vos requiert, et de ce vos donons jour de trois quainzaines, qui sont dis sept jours." Et le seignor ne l'amende dedenz le terme nomé, les homes de la curt doivent venir devant lui et dire li: "Sire, sachiez que treusques à tant que vos aiez fait à vostre home, tel, qui est nostre per, l'une des deus choses que il vos requiert, que nos ne ferons rien pour vos." Et se le seignor passa trois quinzaines, qui sont dis sept jours, sanz amender la chose, les homes de la court doivent celui metre en la saisine de cele chose dont le oontens a esté.

XII. Le xii° chapistre. Dou seignor qui a pris et arresté son home.

Se le seignor a pris et arresté aucun sien home, les homes de la court se

Notes and Questions

Nobody has written a note for this page yet

Please sign in to write a note for this page