Untitled Page 3

SOMMAIRES DU LIVRE DE JEAN D'IBELIN. 11

LXI. Por quei home de qui l'on se claime en court où il est present ne se deit partir de la court
sanz respondre au claim ou demander jor.
LXII. Por quei celui à qui l'on met sus mallefaite en court ou à qui l'on requiert aucune chose ,
il deit respondre ou neer la, se l'on l'offre à prover 1 .
LXIII. Coment et por quei celui à qui l'on met sus mallefaite en court et il la née et l'on ne li
euffre à prover ainz que la court s'en parte , l'on ne li peut riens demander.
LXIII bis. Ci dit que chascun sage doit mout eschiver plait à son pooir, et sur que tout à son
seignor plus que à autres.
LXIV. Que l'on deit dire et faire qui viaut recouvrer saisine de ce de quei l'on l'à dessaisi.
LXV. En quel cas force de Turs tolt saisine , et en quel cas elle ne la tolt.
LXVI. Quant le plaideor deit acuillir la preuve à sei et quant doner à son aversaire , et coment
l'on deit prover la negative.
LXVII. Coment l'on se deit defendre d'acuillir la preuve à sei , quant son aversaire viaut que il
preuve à sien ce que il a et tient come sien.
LXVIII. Coment et por quei et par qui l'on deit prover en la Haute Court.
LXIX. Coment l'on deit estre garni de previlege ou de recort de court.
LXX. Qui viaut prover par garenz , quels et quanz ces garenz deivent estre.
LXXI. Quel genz ne pevent porter garentie en la Haute Court.
LXXII. Que deit faire celui contre qui l'on viaut prover par previlege 2 .
LXXIII. Quant l'on viaut prover aucune chose par recort de court, que celui deit dire et faire
contre qui l'on viaut ce prover.
LXXIV. Coment l'on deit garenz enpeescher, et coment rebuter, et coment torner.
LXXV. Quant chevalier porte garantie contre home qui n'est chevalier, coment il le peut rebuter
ou torner.
LXXVI. Quel terme l'on a d'amener ces garenz , selon le leuc que l'on les a voués.
LXXVII. Quant l'on a amenés ces garenz à court, que l'on deit dire et faire, et que les garanz
deivent dire et faire à la garantie porter 3 .
LXXVIII. Por quei le garent vif peut porter garentie por le mort, et coment il la deit porter.
LXXIX. Qui conut devant gent qu'il deit à aucune persone dette ou qu'il est son plege ou que il
ait autres covenans à lui, et celui à qui il dit que il est dune des dittes choses tenus n'est là
present, se la ditte conoissance li deit valeir.
LXXX. Des quels choses l'on se peut clamer par l' assise de quei assise tolt le jor.
LXXXI. Des quels choses l'on ne se peut clamer par 1'assise ou par 1' usage de aerdre sei de
bataille.
LXXXII. Quels genz pevent faire apiau de murtre à qui l'on est tenus de respondre.
LXXXIII. Quant l'on deit plaideer de murtre soutilment 4 , et quant selonc le cors usé.
LXXXIV. Quel soutillance il a en plait de murtre.
LXXXV. Quel chose est murtre, et por quei l'on le deit saveir; et que deit faire et dire celui qui
viaut faire apiau de murtre.
LXXXVI. Que deit faire celui qui le murtre a presenté à court , ce il seit que le murtrier est aresté.
LXXXVII. Qui viaut faire apiau de murtre, et le murtrier est present en la court, que il deit faire
et dire quant il l'apelle.
LXXXVIII. Quant l'on viaut faire apiau de murtre par champion , coment on le deit faire.
LXXXIX. Qui est, en fers ou en liens, amené en la court, et on se claime de lui de murtre ou
d' aucune autre mallefaite, qu'il deit dire au seignor ains que il responde.
XC. Qui viaut faire apiau de persone qui ait esté tué autrement que en murtre , qu'il deit faire
por metre sei en dreis gages.
XCI. Quant on se claime de murtre et il a joint 5 homecide o le murtre, coment 1'apeleor s'en
peut partir sanz bataille.
XCII. Se aucun apelle autre de murtre, et il n'est de ciaus vers qui l'on se peut defendre de
respondre , coment l'on se deit defendre.
XCIII. Coment et por quei 1'apiau d'omecide est grief à mener à bataille , se le defendant s'en seit
garder ; et coment l'on le deit faire , et coment l'on se deit garder.

1 Se l'on l'offre à prover. B.D.E.T. manque dans A. — 2 B. Garentie. A.D.E.T.. — 3 D.E.T. Les mots et que les ga-
ranz, etc. manquent dans A. — 4 B.D.E.T. manque dans A. — 5 Joint au claim. B.