page_0003

chamoine ayant de par mesdits seigneurs hr charge et gouverne-
ment desdits relicques el sanctuaires, le lundy après le dymenche
de 'letare', XXVII jour de mars lan mil cinq cens et treize, que fut
après le décès de feu monsieur M° Nicolas de Parts, aussi chanoine,
qui as paravant avoit la garde et gouvernement d’icelles relicques.
(D'une autre écriture.) « Pour ce que ledit inventaire ne fut en-
tièrement parachevé par les dessus nommés commis, a esté
ramué et mis bien on long par nous subscripts anditeurs des
comptes de ladite esglise, présent ledit Bonnyer, en la manière
que sensuit.

El premièrememt.
Le précieux chief de mons saint Mammès notre patron, cou-
ronne d’une couronne d’argent doré, en laquelle a quatre florons
revestus de pierres, entre lesquelles, ou floront étant sur le front
devant, a une belle grande esmeraude richement enchassée en or.
Et plus bas, venant sur ledit front, a ung camayeul pareillement
enchassé en or. Au dessus duquel a trois grosses perles en floron
et aux deux coustés desdites perles a deux petites esmeraudes. Et
alentour de ladite couronne il y a pluseurs autres pierres, assavoir
ung camayeul au cousté dextre, et alentour de ladite couronne il
y a quattre cornalignes et xliiii autres pierres de plusieurs espes-
ses, et trois chatons wydes.
Item audit chief a ung sceptre de cuyvre doré, auquel pend
une petite chaine qui a seulement dix chainons d’argent, une petite
croix d'or, en laquelle a cinq pierres de diverses couleurs.
Item audit sceptre a deux anneaulx d’argent, et a chacun an-
neau a une pierre, en forme de cornaligne, bien enciennes.
Item audit chief pend a une chaine d’argent ung petit reli-
quiaire d’argent doré, fait en forme de chasteau, et dedans iceluy a
ung sandal, ouquel sent enveloppées deux pièces dos sans escri-
teau.
Item au col dudit chief pend une petite croix d’or, a ung petit
ryban de soye rouge, en laquelle y a cinq petites pierres, les quattre
semblans a dyament et celle du mylieu semblant a ung ruby.
Item et depuis a esté pendu au col dudit chief une petite croix
de coral, garnie aux iiii bouts dargent doré, avec ung crucifix et
une Nre-Dame aussi dargent doré, estimec xl. f. Et a icelle pend