4

bellion de ladicte eglise, et aussi en la presence de Jehan Coullon,
Jehan de Mez et de Guillaume Coignart, maistres et gouverneurs pour
ceste presente année, et Estienne Laignelet et Jehan de la Beue, qui
avoient esté maistres de l'année precedant, et aussi en la presence de
messire Phelippe Laloyer et de messire Jaques Poyvre, tous deux
chanoines de la dicte eglise, furent trouvées les choses qui cy aprés
s'ensuient.

Et premierement :

1. —Uns vestemens de cinq garnemens qui sont d'un samit d'estive
vermeil, c'est assavoir chasuble, thunique, damatique, ij estolles,
ij fanons et ij chappes de cuer; et tous les trois garnemens fourrez de
toille ardant et iij aubes parées avec les emis et sont les ij aubes et
iij emis parez d'un parement à fleur de lis sus un champ d'asur losengé
de guelles et le tiers aube est paré d'un parement sur un champ blanc
semé de fleuretes de broderie et losengé de guelles.

2. —Item, une chapelle de cinq garnemens, c'est assavoir chasuble,
thunique et damatique, ij estolles, ij fanons et ij chappes de cuer; et sont
d'un drap d'or à orfrois et à ychiquier brodé de guelles, semé
de petis chasteaux d'or; et sont la chasuble thunique et damatique
fourrez de cendal ynde et les ij chappes de toille noire avecques
iij aubes, iij emis parez de mesmes.

3. —Item, une autre chappelle de cinq garnemens d'un drap d'or,
c'est assavoir chasuble, thunique et damatique, ij estolles, ij fanons
et ij chappes de cuer, ij aubes, ij deux emis parés de mesmes; et sont
les diz garnemens fourrez de tholle asurée et les orfrois sont faiz au
tavel de l'ouvrage de Paris, et est l'aube à souz dyacre paré d'un viez