6

un bon orfrois d'or de broderie dont le devant est de la passion Nostre
Seigneur et le derriere ystoire de la vie à la Vierge Marie; l'estolle
et le fanon sont de broderie d'or à fleur de lis et est ladicte chasuble
fourrée de thoille ardant et l'aube est parée d'un drap d'or de brode-
rie ystoire de Nostre-Dame et le drap de la thunique et dama-
tique est semé de testes d'esgles volens; et sont les orfrois fais au
tavel de l'ouvrage de Paris et sont les ij garnemens fourrés de thoille
vermeille et les ij aubes et ij emis parez de mesmes; et la donna Bar-
thelemi Castaignet, dont Dieu ait l'ame.

9. — Item, ij chappes d'un drap de soie blanc semées de lions d'or
à orfrois conponez à fleur de lis aus armes de France et sont fourrées
de toille asuzée (sic).
10. — Item, une chappe de drap de soie noir à un orfrois de drap
d'or fourrée de toille asurée.
11. — Item, une autre chappe d'un bougran noir à un orfrois fait
au tavel de l'ouvrage de Paris, fourrée de toille asurée.
12. —Item, une chasuble de deux bouguerans, l'un ardant, l'autre
noir, à deux petiz orfrois de l'euvre de Paris l'un dedans, l'autre
dehors.

Cy après s'ensuit les bonnes chappes despareillés.
Et premierement :
13. — Une chappe d'un drap d'or dont le champ est violet semé de
lyons vers et vermaulx enmantellés de manteaulx blans à un orfrois
fait au tavel de l'ouvrage de Paris, semé à fleur de lis aux armes de
France.
14. — Item, une autre trés bonne chappe d’un drap d'or de Lucques
ouvrée de fueilliages, dont le champ est noir et le fueilliage d'or à
un orfrois fait au tavel de l'ouvrage de Paris, fourrée de rouge.
15. — Item, une autre chappe d'un ractas 3 dont le champ est vio-