Blanche_Jousting_Letters (Collected Manuscripts)

Complete

1

A tres excellente et tresnoble princesce dame Blanche fille a trespuissant prince roy dalbion A phebus la principale planete du firmament a tresexcellente princesse dame blanche fille au trespuissant prince roy dalbion saluz et tresparfaicte dileccion / commme nous qui par nostre continuel cours enuironnans le hault cercle du firmament voyans par nostre clere inspeccion la gouuernance de toutes choses terriennes sachant de certain que tout ainsi commence suer la lune prent sa course et lumiere de noz droit aussi tost la clarte du monde prennent nourreture et liesce de vostre court Royal comme de la vostre droit fontaine donneur et de noblesce Nous desiranz lencresse de nostre tres ame enfant de nostre chambre Ferombraz de la fontaine luy enuoyons deuers vostre haustesce pour veoir le contenement de vostre court royal et pour apprendre le fait des batement darmes, Vous en priant que vous plaise co[m]mander aucun de voz honnourables ch[eva]l[ie]rs estans en v[ost]re feste a deliciter n[ost]re dit enfant de six ronps/coups de lance auecques rochez dassises en haultes selles sanz estre liez ou atachiez afin que nostre dit enfant puisse reto[r] ner deuers nous le meulx a prins de lesbatem[en]t dessus dit [or dessusdit?] comme nous affions tres entierement en vous Et si chose soit devers nous que faire povons a vostre aise ou consolacion Nous la vueilliez certiffier par nostre dit enfant et nous la comper li rois de tres lie et joyeulx cuer vostre excellent et honnorable estat en honneur joye et parfaite prosperite garde? et gouverne le createur de toutes creatures Donne en nostre merveilleuse mansion du firmament plain destoilles -

Last edit about 1 year ago by lmorreale3

Not Started

Blanche_Jousting_Letters

Pages

1

2

3

4

5