| Page 171Lxxvii
purgations et trop plus grandes que d'une bien forte
medicine que l'en prend pour medichiner Une aultre
fontaine a devers orient dont l'en fait feu gretoiz avec
aultres mestions que l'en y met lequel feu quant il est
espris est si chault que l'en ne le poeut estaindre d'eaue
fors d'aisil d'orine ou de sablon tant seulement. Les sa'
rasins vendent celle eaue moult chierement plus que
l'en ne fait bon vin. Aultres fontaines fourdent en
moult d'aultres lieux qui guerissent du mal des yeulx
et de plente de plaies. Aultres fontaines sont qui a
l'omme rendent sa memore. aultres oublianche. aul-
tres qui refrainguent luxure. aultres qui lengressent
et esmeuvent. aultres qui font enfans porter aux fem-
mes qui lunz n'en ont. Et aultres qui les font brehai-
gnes si quelles n'en poevent nulz porter Il est aulcuns
fleuves qui font les brebis noires. et d'aultres en est qui
les font aussi blanches comme liz. D'aultre part sont
inoult d'estangs ou nulle rien qui soit ne poet na-
gier ne homme ne chien ne aultre beste que tantost
ne s'en aylle au fons. Il en est d'aultres ou nulle rien
ne poeut effondrer. Ainchois flote continuellement
Translation | Page 171
Translation |