6

As he lay ano[th]er tyme ; in his reste any[z]t
He se[z] [th]e ioye of heuene ; [and] [th]e place [th]erinne wel bri[z]t
Angles he hurde also singe ; a murie song [th]er ninne
[th]at me singe[th] [z]ut in holi churche ; whan me do[th] [th]e masse singe
Kirieleysson . christeleyson ; was [th]e murie note [and] sons
[th]is holi man [th]at [th]is ihurde ; ne [th]o[z]ge hit him no[z]t longe
[para] Wel an[z]te he to heuene come ; after his ende day
Whan he [th]e while he was alyue ; so moch of heuene isay
Harpe he louede suy[th]e wel ; [th]eren he cou[th]e ynou[z]
Al day he sat in sola[z] ; [and] a lay [th]eron drou[z]
[para] [th]e harpe he heng bi [th]e wowe ; [th]o hit was tyme to ete
[th]o hit was [z]are [th]erto ibrou[z]t ; he sat adoun at his mete
Of heuene he gan [th]enche sone ; of [th]e ioye [th]at was th[er]re
Of [th]e ioyfulle blisse [th]at [th]er was ; of hale wen [th]at [th]er were
He sat as he were ynome ; so moche [th]eron he [th]o[z]te
His harpe he heng bi [th]e wowe ; of wham he licte ro[z]te
Bigan to cu[th]e his holi [th]o[z]t ; ded treo [th]e[z] hi were
[para] As oure louerdes wille was ; as hi hurde all [th]at [th]er were [th]ere
Al bi him silue he gan to harpe ; amurie steuene iwis
[th]at ine sige[th] [z]ut in holi churche ; [th]at an englisch is [th]is
Alle halewene soule glade beo[th] ; [th]at in heuene beo[th] ido
[th]at suye[th] oure louerdes way ; [and] for him schadde also
Here blod for his suete loue ; [th]erfore hi schulle wone
[and] kynges beo bouten ende ; wi[th] crist godes sone
[th]is anteyn [th]at murie is ; [th]at folc ihurde alle
Hou[th]e harpe song albi him silf ; [th]er he hong bi [th]e walle
Fair gra oure louerd him schowede [th]ere ; whan [th]e dede treo
So schulde singe of [th]ulke ioye ; [th]at he scholde niuere beo
Louerd ihered beo [th]e grate ; [and] [th]i mi[z]te also
[th]at [th]u woldest her alyue for him ; such miracle do
[para] [th]o [th]is holi man hadde ylyued ; an vr[th]e meni adai
[and] his endedai was ne[z] icome ; as he him silue isai
A holi [th]ursday he wor[th] sik ; as hit ful in [th]e [z]ere
He let offende his freond ; [th]at specials to him were
His men [th]at in seruede ek ; he let hem clipie also
[and] for [z]af hem al here trespas ; [th]at hi him hadde misdo
[and] assoilledes hem of here sinne ; [and] in godes bendes lay
And so he lay al [th]ulke tyme ; [and] also [th]ane friday
{[bottom marginalia:]si thos ??}
{[left side marginalia in late hand unreadable]}

As he lay anoþer tyme ; in his reste anyȝt
He seȝ þe ioye of heuene ; ⁊ þe place þerinne wel briȝt
Angles he hurde also singe ; a murie song þer ninne
þat me singeþ ȝut in holi churche ; whan me doþ þe masse singe
Kirieleysson . christeleyson ; was þe murie note ⁊ sons
þis holi man þat þis ihurde ; ne þoȝge hit him noȝt longe
¶ Wel anȝte he to heuene come ; after his ende day
Whan he þe while he was alyue ; so moch of heuene isay
Harpe he louede suyþe wel ; þeren he couþe ynouȝ
Al day he sat in solaȝ ; ⁊ a lay þeron drouȝ
¶ þe harpe he heng bi þe wowe ; þo hit was tyme to ete
þo hit was ȝare þerto ibrouȝt ; he sat adoun at his mete
Of heuene he gan þenche sone ; of þe ioye þat was th[er]re
Of þe ioyfulle blisse þat þer was ; of hale wen þat þer were
He sat as he were ynome ; so moche þeron he þoȝte
His harpe he heng bi þe wowe ; of wham he licte roȝte
Bigan to cuþe his holi þoȝt ; ded treo þeȝ hi were
¶ As oure louerdes wille was ; as hi hurde all þat þer were þere
Al bi him silue he gan to harpe ; amurie steuene iwis
þat ine sigeþ ȝut in holi churche ; þat an englisch is þis
Alle halewene soule glade beoþ ; þat in heuene beoþ ido
þat suyeþ oure louerdes way ; ⁊ for him schadde also
Here blod for his suete loue ; þerfore hi schulle wone
⁊ kynges beo bouten ende ; wiþ crist godes sone
þis anteyn þat murie is ; þat folc ihurde alle
Houþe harpe song albi him silf ; þer he hong bi þe walle
Fair gra oure louerd him schowede þere ; whan þe dede treo
So schulde singe of þulke ioye ; þat he scholde niuere beo
Louerd ihered beo þe grate ; ⁊ þi miȝte also
þat þu woldest her alyue for him ; such miracle do
¶ þo þis holi man hadde ylyued ; an vrþe meni adai
⁊ his endedai was neȝ icome ; as he him silue isai
A holi þursday he worþ sik ; as hit ful in þe ȝere
He let offende his freond ; þat specials to him were
His men þat in seruede ek ; he let hem clipie also
⁊ for ȝaf hem al here trespas ; þat hi him hadde misdo
⁊ assoilledes hem of here sinne ; ⁊ in godes bendes lay
And so he lay al þulke tyme ; ⁊ also þane friday
{[bottom marginalia:]si thos ??}
{[left side marginalia in late hand unreadable]}