161r

OverviewTranscribeVersionsHelp

Here you can see all page revisions and compare the changes have been made in each revision. Left column shows the page title and transcription in the selected revision, right column shows what have been changed. Unchanged text is highlighted in white, deleted text is highlighted in red, and inserted text is highlighted in green color.

38 revisions
asiebach at Oct 05, 2020 02:18 PM

161r

In use: yes

A
Qui me metroit por faire bien
Demain en prison malgre mien
Jonel tenroie mie a sage
Car il me feroit grant outrage
Bien leust fait deus sil volsist
Mais jatels biens ne de servist
Car il fait ore de nos tans
Et por ce fist deus tels les gens
Que bien plus avoir en peussent
Ja tant altrement nen eussent
Se deus a fait les angles reus
Quil ne puissent pechers morteus
Ne mal faire ja si haut don
Ne deserviront com li hom
Mais qui voldroit tot deservir
Si doit moult volentiers servir
De cuer de livre par amor
Por conquerre si haute honor
Si volt deus que li hom tel fust
Que par droit deservir peust
Al tant de bien enson endroit
Com il meismes en avoit
Et li dona sens et raison
Davoir enlui entencion
Car par droit de servir le doit
Si est fous qui ne se porvoit
De bien faire car tot li bien
Qui cascun fera seront sien
Sien aura por .i. bien cent
Et por .i. mal .cent mals al tant
Fols est cil qui qui de derien
Faire a deu bonte de son bien
Et quant de mal faire se tient
Fors tant que deus plus chier lentient
Car se tos li biens se par droit
Ja por ce deus pis nen aroit
Ses biens quil ait en poeste
Se tot li saint qui ont este
Al monde ne jamais seront
Neussent nul bien fait al mont
Et danpne se fuissent trestuit
Ja por ce deus mains de deduit
Nen eust ne nen valsist pis
Ne qui que soit en paradis
Mais lisaint furent bon et prou
Et bien sorent faire lor prou
Com cil qui apercurent bien
Qui li siecles ne valoit rien
Si orent plus chier mal soffrir
Et lor cors amartire offrir

B

Por deu a honte et a laidure
En cest siecle qui si poi dure
Por avoir les biens a tot dis
Et la joie de paradis
Qui avoir aise al cors muable
Por avoir poine pardurable
Si norent cure de tels biens
Qui en la fin ne sont fors fiens
Ains prisent si lefrain as dens
Quen paradis sont tot de dens
Maint les tindrent almonde fols
Qui orent bien chargie lor cols
De ce dont cil sont des chargie
Quen paradis sont herbergie
En cor tient on maint sage a fo
Qui la parole prisent po
Maint saint sont ore en paradis
Qui sil prisaissent lor fols dis
Des gens quant il al monde furent
Norent pas fait ce quil durent
Le plus par dissent por le mains
En si com font orendroit mains
Qui tant covoitent avoir los
Qui por la parole des sos
Laissent a faire les biens deu
Dont li saint firent mieus lor prou
Ne laissierent pas por delis
Deu a servir por paradis
Ou il ont joie et tote honor
Com cil qui en sont tot segnor
Et sautrement eussent fait
A des eussent honte et lait
En enfer ou tos maus abonde
Si est grant merveille du monde
Comment est que tant de gent font
Ce dont plus paine sofferront
Por le los des gens conquester
Ou por avoir a amasser
Qui si poi de tans lor demore
Et si lor faut dedens une ore
Qui por conquerre ne feroient
Les biens deu que ja ne falroient
Que li saint ont ore en baillie
Por .i. petit de bone vie
Qui ne sanble mais que delis
A ceaus qui dedens se sont mis
Et si lor est a des avis
Que por noient ont paradis
Ensi le puet avoir cascuns
Et des biens deus estre communs

C

Et avoir la joie saintisme
Sil ne perist enlui meisme
Mais cil qui la gloire desirent
de cest monde tant senpirent
Qui nul bien nepuent aprendre
Ne alor salvement entendre
Siont plus chier laise dou cors
Dont il sont mis sitost de fors
Et mene atotes dolors
Qui laise de larme atous jors
Neprisent ne bien ne savoir
Domme silne se set avoir
Al siecle sil na avoir assez
Parcoi soit al siecle alosez
Ains dient quil sont fol et nice
Pource quil ne seiuent malice
Mais tot cil sont dedeu maldit
Par la bouce leroi david
Qui al monde sepainent plaire
Pour nule riens quil sachent faire
Car cest orgoil et cose vaine
Parcoi lame nest mie saine
Dont david dist enson sauter
Decoi on sert deu almoster
Maldit sont dist il tot icil
Et confus comme gent discil
Qui al monde plaisent deriens
Car jete ensont detot biens
Et dedeu sostent et descordent
Puis quil sont tel quil si acordent
Car deus atot ceaux en despit
Et sagrace lor escondit
Por ce cal monde quierent los
Ou il furent mis comme fols
Et puis redit en levvangille
Ou il na fausete ne ghile
Tot cil bon eure seront
Qui le siecle en despit aront
Et qui des gens seront hai
Et de chaciet et en vai
Comfol en lonordemon non
El ciel en aront guerredon
Ci puet veoir plenierement
Que se deus meismes nement
Et verite fausete nest
Que tot cil que li mondes plaist
Et quile le los du monde acoillent
Nepuet estre que ne sendoillent
Cil est folscavoir enquiert point
Car il sont tot en malvais point

D

Qui point enquierent nepor chacent
Car deable en enfer les cachent
Qui daus font dolerous conroi
Ja ni avra si cointe roi
Neduc ne conte si poissant
Que deable nen face altant
Que du plus vil quen infer viegne
Sil fait tant cason croc letiegne
Vil et ribaut tot en de vienent
Roi et prince qui laiens vienent
Moult se puet plaindre deses maus
Qui ci est rois et la ribaus
Car en paradis puet conquerre
Plus noble roialme quen terre
Car quil desert tant com est vis
Il en est rois en paradis
Plus que lisaint qui furent onques
Al monde orle servomes donques
Et silaisons le mal atant
Puis coi avons ca avant
Por coi deus fist le monde et lomme
Si vos dirons avant la forme
Du monde solonc sa fachon
Mais raisons est que nos disons
Des .vii. ars et de lor raisons
Comment eles trovees furent
Par ceaus qui debien sa percurent
Car por eles savon les fais
Du monde comment il est fais
Sien devons parler avant
Por mieux en tendre ades avant

Chi poes oir coment et porcoi
Les .vij. ars furent trouvees

Ordist lilivres en partie
Qu’est estrais dastrenomie
Comment lisage cha ariere
Voldrent entendre lamaniere
Dou monde comment fais estoit
Dont cascuns moult ses merveilloit
Quant limondes fu compasses
Et il iot de gens asses
Si regarderent lipluisor
Le firmament trestot entor
Simovoit si ses merveilloit
Qui cestoit et sien veilloient
Par maintes nuis et par jor cler
Lor prendoient aregarder
Les estoiles qui se levoient
Vers oriant puis se movoient

161r

In use: no

A
Qui me metroit por faire bien
Demain en prison malgre mien
Jonel tenroie mie a sage
Car il me feroit grant outrage
Bien leust fait deus sil volsist
Mais jatels biens ne de servist
Car il fait ore de nos tans
Et por ce fist deus tels les gens
Que bien plus avoir en peussent
Ja tant altrement nen eussent
Se deus a fait les angles reus
Quil ne puissent pechers morteus
Ne mal faire ja si haut don
Ne deserviront com li hom
Mais qui voldroit tot deservir
Si doit moult volentiers servir
De cuer de livre par amor
Por conquerre si haute honor
Si volt deus que li hom tel fust
Que par droit deservir peust
Al tant de bien enson endroit
Com il meismes en avoit
Et li dona sens et raison
Davoir enlui entencion
Car par droit de servir le doit
Si est fous qui ne se porvoit
De bien faire car tot li bien
Qui cascun fera seront sien
Sien aura por .i. bien cent
Et por .i. mal .cent mals al tant
Fols est cil qui qui de derien
Faire a deu bonte de son bien
Et quant de mal faire se tient
Fors tant que deus plus chier lentient
Car se tos li biens se par droit
Ja por ce deus pis nen aroit
Ses biens quil ait en poeste
Se tot li saint qui ont este
Al monde ne jamais seront
Neussent nul bien fait al mont
Et danpne se fuissent trestuit
Ja por ce deus mains de deduit
Nen eust ne nen valsist pis
Ne qui que soit en paradis
Mais lisaint furent bon et prou
Et bien sorent faire lor prou
Com cil qui apercurent bien
Qui li siecles ne valoit rien
Si orent plus chier mal soffrir
Et lor cors amartire offrir

B

Por deu a honte et a laidure
En cest siecle qui si poi dure
Por avoir les biens a tot dis
Et la joie de paradis
Qui avoir aise al cors muable
Por avoir poine pardurable
Si norent cure de tels biens
Qui en la fin ne sont fors fiens
Ains prisent si lefrain as dens
Quen paradis sont tot de dens
Maint les tindrent almonde fols
Qui orent bien chargie lor cols
De ce dont cil sont des chargie
Quen paradis sont herbergie
En cor tient on maint sage a fo
Qui la parole prisent po
Maint saint sont ore en paradis
Qui sil prisaissent lor fols dis
Des gens quant il al monde furent
Norent pas fait ce quil durent
Le plus par dissent por le mains
En si com font orendroit mains
Qui tant covoitent avoir los
Qui por la parole des sos
Laissent a faire les biens deu
Dont li saint firent mieus lor prou
Ne laissierent pas por delis
Deu a servir por paradis
Ou il ont joie et tote honor
Com cil qui en sont tot segnor
Et sautrement eussent fait
A des eussent honte et lait
En enfer ou tos maus abonde
Si est grant merveille du monde
Comment est que tant de gent font
Ce dont plus paine sofferront
Por le los des gens conquester
Ou por avoir a amasser
Qui si poi de tans lor demore
Et si lor faut dedens une ore
Qui por conquerre ne feroient
Les biens deu que ja ne falroient
Que li saint ont ore en baillie
Por .i. petit de bone vie
Qui ne sanble mais que delis
A ceaus qui dedens se sont mis
Et si lor est a des avis
Que por noient ont paradis
Ensi le puet avoir cascuns
Et des biens deus estre communs

C

Et avoir lajoie saintisme
Sil ne perist enlui meisme
Mais cil qui lagloire desirent
de cest monde tant senpirent
Qui nul bien nepuent aprendre
Ne alor salvement entendre
Siont plus chier laise dou cors
Dont il sont mis sitost de fors
Et mene atotes dolors
Qui laise de larme atous jors
Neprisent ne bien ne savoir
Domme silne se set avoir
Al siecle sil na avoir assez
Parcoi soit al siecle alosez
Ains dient quil sont fol et nice
Pource quil ne seiuent malice
Mais tot cil sont dedeu maldit
Par labouce leroi david
Qui almonde sepainent plaire
Pour nule riens quil sachent faire
Car cest orgoil et cose vaine
Parcoi lame nest mie saine
Dont david dist enson sauter
Decoi on sert deu almoster
Maldit sont dist il tot icil
Et confus comme gent discil
Qui al monde plaisent deriens
Car jete ensont detot biens
Et dedeu sostent et descordent
Puis quil sont tel quil si acordent
Car deux atot ceaux en despit
Et sagrace lor escondit
Por ce calmonde quierent los
Ou il furent mis comme fols
Et puis redit en levvangille
Ou il na fausete ne ghile
Tot cil bon eure seront
Qui le siecle endespit aront
Et qui des gens seront hai
Et de chaciet et en vai
Comfol en lonordemon non
El ciel en aront guerredon
Ci puet veoir plenierement
Que se deus meismes nement
Et verite fausete nest
Que tot cil que limondes plaist
Et quile le los du monde acoillent
Nepuet estre que ne sendoillent
Cil est folscavoir enquiert point
Car il sont tot en malvais point

D

Qui point enquierent nepor chacent
Car deable en enfer les cachent
Qui daus font dolerous conroi
Ja ni avra si cointe roi
Neduc ne conte si poissant
Que deable nen face altant
Que du plus vil quen infer viegne
Sil fait tant cason croc letiegne
Vil et ribaut tot en de vienent
Roi et prince qui laiens vienent
Moult sepuet plaindre deses maus
Qui ci est rois et laribaus
Car enparadis puet conquerre
Plus noble roialme quen terre
Car quil desert tant com est vis
Il en est rois en paradis
Plus que lisaint qui furent onques
Al monde orle servomes donques
Et silaisons le mal atant
Puis coi avons ca avant
Por coi deux fist lemonde et lomme
Si vos dirons avant laforme
Dumonde solonc safachon
Mais raisons est que nos disons
Des .vii. ars et de lor raisons
Comment eles trovees furent
Par ceaus qui debien sa percurent
Car por eles savon les fais
Du monde comment il est fais
Sien devons parler avant
Por mieux en tendre ades avant

Chi poes oir coment et porcoi
Les .vij. ars furent trouvees

Ordist lilivres en partie
Qu’est estrais dastrenomie
Comment lisage cha ariere
Voldrent entendre lamaniere
Dou monde comment fais estoit
Dont cascuns moult ses merveilloit
Quant limondes fu compasses
Et il iot de gens asses
Si regarderent lipluisor
Le firmament trestot entor
Simovoit si ses merveilloit
Qui cestoit et sien veilloient
Par maintes nuis et par jor cler
Lor prendoient aregarder
Les estoiles qui se levoient
Vers oriant puis se movoient