166v

OverviewTranscribeVersionsHelp

Here you can see all page revisions and compare the changes have been made in each revision. Left column shows the page title and transcription in the selected revision, right column shows what have been changed. Unchanged text is highlighted in white, deleted text is highlighted in red, and inserted text is highlighted in green color.

59 revisions
GrammaticusOF at Oct 08, 2020 01:32 AM
jessehurlbut
jessehurlbut
jessehurlbut
yasmin_ibrahim
yasmin_ibrahim
GrammaticusOF
GrammaticusOF
GrammaticusOF
GrammaticusOF
GrammaticusOF
GrammaticusOF
GrammaticusOF
GrammaticusOF
GrammaticusOF
GrammaticusOF
GrammaticusOF
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Marie Richards
Laura K. Morreale LLC

166v

IN USE: NO

A

Et la vois dun home bien pres
Cors de ceval de sengler teste
Moult a en lui orible beste
Et la coe dun olifant
.ii cornes dune onde de grant
Dont lune sor son dos abat
Tant con de lautre se conbat
Noirs es et beste moult orible
En aighe et en terre penible
Si sunt torel qui tot blou sont
Qui grosse teste et bouce ont
Si large que la fendeure
De lune oreille a lautre dure
Cornes quenviron lui remuet
Quant prise est douter ne la peut
En ynde autres bestes ia
Con apele mantocora
Vis dome et .iii. oreilles ens
Li sont en la bouche de dens
Eus de chievre cors de lion
La coe dun escorpion
Vois de serpent qui par dous cans
Atrait et devore les gens
Et es plus isnele daler
Que nest uns oisieaus de voler
Bues i a qui pies reons ont
Et .iii. cornes en mi le front
Une beste ia de bel cors
Con apele monoceros
Cors de ceval pies dolifant
Teste de cerf vois clere et grant
Coes hautes con porcel ont
Et une corne en mi le front
Qui de longor a .iiii. pies
Droite et ague comme espies
Quant que ele ataint devant li
Desront et de piece parmi
Sele est prise par nul engien
Si se laist morir de desdaing
Mais ele ne puet estre prise
Fors que par une virge a devise
Bien paree con li desceovre
Et cele son giron li oevre
Lors sen vient la beste tantost
A la pucele et si sendort
En son Giron moult simplement
Et lors le prant on en dormant
Unes grans bestes a en ynde
Trop fieres si ont color ynde
Et cleres taches par lor cors

B

Qui sont si crueuses et fors
Tygris ensi les apele on
Et corent de si grant randon
Que quant li veneor i sont
pour prandre altres bestes qui sont
Jamais diluec nescaperoient
Se par la voie ne getoient
Mireors voirre et quant il voient
Lor ymages si les conjoient
Et quident soient lor faon
Si vont entor et environ
Et tant les defrotent as pies
Que quasses les ont et brisies
Et lors ne troevent riens iki
Et cil sen escapent ensi
Alcunes fois pensent ensi
Quant lor formes voient iki
Et sovent en sont si espris
Con les pourroit prandre tos vis
Sira .i. autre beste encore
Con apele le cassitore
Qui quant on le chace pour prandre
Si se castre as dens sans atendre
Et laise a ceaus ce quil enquierent
Ensi a salvete se fierent
Une petite beste i a
Comme soris une boce a
Con a pele muscaliet
Cele part sont li arbre sec
Qui parlerent a alixandre
Une beste ja salemandre
Qui enfu vit et si sen paist
De cele une laine si naist
Dont on fait ceintures et dras
El fu durent si nardent pas
Sira unes soris si grans
Comme cas et fors et corans
Li lion sont en oriant
Pies ont et coe el pis devant
Sont grant force plus caltre beste
Altiere jor vient ses faons paistre
Si com resusciter de mort
Les eus tient overt quant il dort
La trace de ses pies desfait
A sa coe quant il sen vait
Por les veneors qui por prandre
Le chacent pour avoir et vendre
Ne Grieve home petit ne grant
Quant on lasaut il se desfent
Son maistre crient quant bat .i. chien

C

Devant lui et le conoist bien
La lionese a premier an
A .v. faons por cascun an
En a .i. mains jusquen la fin
Vait sa porteure a declin
Laest une beste tant fiere
Petite est et de tel maniere
Que nule beste nest seure
Devant li et a tel nature
Que li lions le doute et fuit.
Car sovent locit et destruit
Un autre cele part converse
Qui a color mainte et diverse
Blance et noire si comme painte
Pantere anon bele est et cointe
Et naist si grans odors enlui
Que les bestes vont apres lui
Quant une fois sest saoule
De sa venison ca trove
Si dort .iii. jours entierement
Et quant sesveille un odor rent
Si souef de sa bouce fors
Que les bestes i corent lors
Por sentir cele grant odor
Fors li serpens qui bone odor
Grieve si quil en muert sovent
Cele beste na selement
Cun faon et quant ele doit
Faoner si a tel destroit
Cas ongles ront sa marist lors
Tant que li faon en sont fors
Mais jamais plus faon navra
Quant ensi desciree la
Une maniere de jument
I a qui conchoivent au vent
En capadoce la contree
Mais nest que .iii. ans lor duree
Cele part sont li olifant
Grant beste et fort et conbatant
Qui sanc lor mostre devant eus
Sen sont plus fier et orgoilleus
Por tot lieus sosent bien enbatre
En ynde soloient conbattre
Cil dynde et de perse sovent
Car bien en porte une tor grant
de fust; plaine de gent armee
Et siest sor son dors fermee
Un boiel ont par de devant
Dont il manguent lorge grant
dont bien prant .i. home et devore

D

Et englotist en petit dore
Li gens alixandres qui fu
Rois et bons clers de grant vertu
Qui sen ala par mainte terre
Plus por cherkier et pour enquerre
Con cil qui conbatre se dut
Qui les olifans orent duit
Et aprist de conbatre aplain
Si fist faire vaiscieax vaiscieausdarcain
Si con home plain de feus
Quil menoient devant eus
Pour conbatre a celes gens
Qui erent avoec les olifans
Et quant holifant getoient
Lor boiel dont les gens tuoient
Si ardoient lor musieaus tuit
Tant que les orent siduit
Caprocher nosoient les homes
Por la samblance de lor formes
Ains metoient lor boiel haut
Car il quidoient que si chaut
Fuissent tot li autre con cil
Ensi esciva cel peril
Alixandres que moult fu sages
Et aquist icels gens salvages
Et donta si les olifans
Qui mal nosoient faire as gens
Olifant vont moult simplement
Ensamble et moult a concordant
Et quant en contrent les chies baissant
Ensi con il les salvaissent
dont li dent que dyvoire sont
De moult froide nature sont
Ligne drap quant desore est mis
Nart pas quant on met carbon vis
Tantost con on desus le met
Pour la froidor quen hyvoir est
Nont faons cune fois lonctans
Que lor ventre portent .ii. ans
.ccc. ans vit la soris douce
Sa compaignie het et saroude
Se la culuevre a li saert
Si labat et la vie en part
Ses faons ariere report
ou bot u culuevre ne sont
De dens aighe faone ades
Car sil estoit de terre pres
Jamais ne se releveroit
Car si os sont entier et droit
Es ganbes des le ventre as pies

166v

IN USE: NO

A

Et la vois dun home bien pres
Cors de ceval de sengler teste
Moult a en lui orible beste
Et la coe dun olifant
.ii cornes dune onde de grant
Dont lune sor son dos abat
Tant con de lautre se conbat
Noirs es et beste moult orible
En aighe et en terre penible
Si sunt torel qui tot blou sont
Qui grosse teste et bouce ont
Si large que la fendeure
De lune oreille a lautre dure
Cornes quenviron lui remuet
Quant prise est douter ne la peut
En ynde autres bestes ia
Con apele mantocora
Vis dome et .iii. oreilles ens
Li sont en la bouche de dens
Eus de chievre cors de lion
La coe dun escorpion
Vois de serpent qui par dous cans
Atrait et devore les gens
Et es plus isnele daler
Que nest uns oisieaus de voler
Bues i a qui pies reons ont
Et .iii. cornes en mi le front
Une beste ia de bel cors
Con apele monoceros
Cors de ceval pies dolifant
Teste de cerf vois clere et grant
Coes hautes con porcel ont
Et une corne en mi le front
Qui de longor a .iiii. pies
Droite et ague comme espies
Quant que ele ataint devant li
Desront et de piece parmi
Sele est prise par nul engien
Si se laist morir de desdaing
Mais ele ne puet estre prise
Fors que par une virge a devise
Bien paree con li desceovre
Et cele son giron li oevre
Lors sen vient la beste tantost
A la pucele et si sendort
En son Giron moult simplement
Et lors le prant on en dormant
Unes grans bestes a en ynde
Trop fieres si ont color ynde
Et cleres taches par lor cors

B

Qui sont si crueuses et fors
Tygris ensi les apele on
Et corent de si grant randon
Que quant li veneor i sont
pour prandre altres bestes qui sont
Jamais diluec nescaperoient
Se par la voie ne getoient
Mireors voirre et quant il voient
Lor ymages si les conjoient
Et quident soient lor faon
Si vont entor et environ
Et tant les defrotent as pies
Que quasses les ont et brisies
Et lors ne troevent riens iki
Et cil sen escapent ensi
Alcunes fois pensent ensi
Quant lor formes voient iki
Et sovent en sont si espris
Con les pourroit prandre tos vis
Sira .i. autre beste encore
Con apele le cassitore
Qui quant on le chace pour prandre
Si se castre as dens sans atendre
Et laise a ceaus ce quil enquierent
Ensi a salvete se fierent
Une petite beste i a
Comme soris une boce a
Con a pele muscaliet
Cele part sont li arbre sec
Qui parlerent a alixandre
Une beste ja salemandre
Qui enfu vit et si sen paist
De cele une laine si naist
Dont on fait ceintures et dras
El fu durent si nardent pas
Sira unes soris si grans
Comme cas et fors et corans
Li lion sont en oriant
Pies ont et coe el pis devant
Sont grant force plus caltre beste
Altiere jor vient ses faons paistre
Si com resusciter de mort
Les eus tient overt quant il dort
La trace de ses pies desfait
A sa coe quant il sen vait
Por les veneors qui por prandre
Le chacent pour avoir et vendre
Ne Grieve home petit ne grant
Quant on lasaut il se desfent
Son maistre crient quant bat .i. chien

C

Devant lui et le conoist bien
La lionese a premier an
A .v. faons por cascun an
En a .i. mains jusquen la fin
Vait sa porteure a declin
Laest une beste tant fiere
Petite est et de tel maniere
Que nule beste nest seure
Devant li et a tel nature
Que li lions le doute et fuit.
Car sovent locit et destruit
Un autre cele part converse
Qui a color mainte et diverse
Blance et noire si comme painte
Pantere anon bele est et cointe
Et naist si grans odors enlui
Que les bestes vont apres lui
Quant une fois sest saoule
De sa venison ca trove
Si dort .iii. jours entierement
Et quant sesveille un odor rent
Si souef de sa bouce fors
Que les bestes i corent lors
Por sentir cele grant odor
Fors li serpens qui bone odor
Grieve si quil en muert sovent
Cele beste na selement
Cun faon et quant ele doit
Faoner si a tel destroit
Cas ongles ront sa marist lors
Tant que li faon en sont fors
Mais jamais plus faon navra
Quant ensi desciree la
Une maniere de jument
I a qui conchoivent au vent
En capadoce la contree
Mais nest que .iii. ans lor duree
Cele part sont li olifant
Grant beste et fort et conbatant
Qui sanc lor mostre devant eus
Sen sont plus fier et orgoilleus
Por tot lieus sosent bien enbatre
En ynde soloient conbattre
Cil dynde et de perse sovent
Car bien en porte une tor grant
de fust; plaine de gent armee
Et siest sor son dors fermee
Un boiel ont par de devant
Dont il manguent lorge grant
dont bien prant .i. home et devore

D

Et englotist en petit dore
Li gens alixandres qui fu
Rois et bons clers de grant vertu
Qui sen ala par mainte terre
Plus por cherkier et pour enquerre
Con cil qui conbatre se dut
Qui les olifans orent duit
Et aprist de conbatre aplain
Si fist faire vaiscieax vaiscieausdarcain
Si con home plain de feus

Quil menoient devant eus
Pour conbatre a celes gens
Qui erent avoec les olifans
Et quant holifant getoient
Lor boiel dont les gens tuoient
Si ardoient lor musieaus tuit
Tant que les orent siduit
Caprocher nosoient les homes
Por la samblance de lor formes
Ains metoient lor boiel haut

Car il quidoient que si chaut
Fuissent tot li autre con cil
Ensi esciva cel peril
Alixandres que moult fu sages
Et aquist icels gens salvages
Et donta si les olifans
Qui mal nosoient faire as gens
Olifant vont moult simplement
Ensamble et moult a concordant
Et quant en contrent les chies baissant

Ensi con il les salvaissent
dont li dent que dyvoire sont
De moult froide nature sont
Ligne drap quant desore est mis
Nart pas quant on met carbon vis
Tantost con on desus le met
Pour la froidor quen hyvoir est
Nont faons cune fois lonctans
Que lor ventre portent .ii. ans
.ccc. ans vit la soris douce

Sa compaignie het et saroude
Se la culuevre a li saert
Si labat et la vie en part
Ses faons ariere report
ou bot u culuevre ne sont
De dens aighe faone ades
Car sil estoit de terre pres
Jamais ne se releveroit
Car si os sont entier et droit
Es ganbes des le ventre as pies