| 168vIn use: No
A
Quil ne covient pas ci nomer
Et si ne vous merveillies mie
Salcune cose aves oie
Qui vous soit salvage et diverse
Car deus en qui tos biens converse
A fait mainte merveille en terre
Dont nus ne puet raison enquerre
Pour ce ne doit on riens mescroire
Devant con set
Sest fause ou voire
Nest pas mais se li hom rien croit
Mais que contre la foi ne soit
Mais quil ipuisse alcun bien prendre
Car bien covient a lome entendre
Dont pas nest esbahis si tost
Altre fois quant parler en ot
Ensi com il nos samble ci
Quil ait grans merveilles iki
Alsi resamble ceaus de la
Quil ait grant merveilles de cha
Et moult fort dyverse lor sont
Por ce que poi veu en ont
Si ne se doit merveilles mie
Lome sil o oit al a fie
Rien dont ainc noi raison rendre
Car ades puet li hom aprendre
Nus nest qui puisse savoir tot
Fors deu qui regarde tot
Li jui quant en alcun lieu sont
De nos moult grant merveilles ont
que si sommes petit vers aus
Si com il nos samble de ceaus
Qui plus la moitie sont petit
De nos si com on nos a dit
Li pigmain qui nont que .iii. pies
De grandor se sont merveillies
De ce que nos somes si grans
Si nos retienent pour Caians
Cil qui nont cun doi et .i. pie
Se retienent a merveillie
De ce que nos en avons .ii.
Ensi com il nos refait deis
De lor bestes que nos disons
Et que par lor nons devisons
Ensi devisent il des nos
Par le lor de menbres et dos
Se li conticores pies a
Com li cevals ensi bien dire encore
Quil acors de monoceros
B
Et si se resanblent de cors
Ensi resanblent les nos bestes
Dyverse de cors et de testes
Des diversites qui sont
en europe et en Aufrique
Dautres coses
apar de cha
Dont il nont nule par de la
De vers yrlande sor la mer
Voit on alcuns oisieaus voler
Quen arbre croissent par les bes
Et quant de meurer sont pres
Cil ca terre chiet ne puet vivre
Et cil de terre sont de livre
En yrlande a .i. ille grant
Sans male beste et sans serpent
Qui de cele tere aillors porte
Ja vermine tant par soit forte
Se ele en est avironee
Et sor son dos li est jetee
Jamais le parc ne passera
Mais par force dedens morra
Et qui vermine envenimee
Aporteroit en la contree
Si tost quen la terre seroit
Tot en veant ses eaus morroit
Un autre ia bien loig en mer
U feme ne puet demorer
Nes li oysel qui sont femele
Sen fuient loing trestot de cele
Si ra .i. autres u nules gens
Ne puent morir a nul tens
Mais quant il sont viel et crollant
Et de lor menbres si doillant
Quil ne se puent sostenir
Et quil plus chier a morir
Qui vivre si se vont porter
En autre lieu por de vier
Outre a .i. autre canon tille
Li arbre qui sont en cele ille
Tienent lor foilles enver dors
Este et yver a tos jors
Cele part na cun jor en lan
Dont la nuis dure demi an
.Vi. mois a on tot dis doincure
Puis vient li jors que .vi. mois dure
En yrlande est .i. altres lieus
Qu nuit et jor art comme feus
Com apele le purgatore
Et lapele on ensi encore
C
Sil i vienent alcune gent
Qui ne soient bien repentant
Tantost est ravis et perdus
Com ne set quil est devenus
Sil est confes et repantans
Si va et passe mains tormens
Et sespurge des ses pechies
Com plus en aplus heit gries
Et quant il revenus en est
Riens nule jamais ne li plaist
En cest monde jamais nul jor
Nen rira mais ades enplor
Et gemisent les maus quil font
Et les pechies que les gens font
En cel ille a .i. mont moult grant
De sofre nuit et jor ardant
En bertaigne ra ce dist on
Une fontaine et .i. peron
Quant on jete laighe desus
Si pluet et vente et rechier jus
De la ont gent une maniere
Qui tot ont coes par deriere
Sira on en france veu
Une gent qui furent cornu
Unes femes ra vers les mons
Qui boces ont sos les mentons
Qui lor pendent jus cas mameles
Et sont la tenues por beles
Altres ja qui ont grans boces
Altresi cort quil vont acroces
Et cil qui voient ces afaires
Sovent ne sen merveillent gaires
Miuaus et sors voit on bien nestre
Gens qui domme et de feme ont este
Sans eus a on veu sovent
Et sans mains naistre alcune gent | 168vIn use: No
A
Quil ne covient pas ci nomer
Et si ne vous merveillies mie
Salcune cose aves oie
Qui vous soit salvage et diverse
Car deus en qui tos biens converse
A fait mainte merveille en terre
Dont nus ne puet raison enquerre
Pour ce ne doit on riens mescroire
Devant con set
Sest fause ou voire
Nest pas mais se li hom rien croit
Mais que contre la foi ne soit
Mais quil ipuisse alcun bien prendre
Car bien covient a lome entendre
Dont pas nest esbahis si tost
Altre fois quant parler en ot
Ensi com il nos samble ci
Quil ait grans merveilles iki
Alsi resamble ceaus de la
Quil ait grant merveilles de cha
Et moult fort dyverse lor sont
Por ce que poi veu en ont
Si ne se doit merveilles mie
Lome sil o oit al a fie
Rien dont ainc noi raison rendre
Car ades puet li hom aprendre
Nus nest qui puisse savoir tot
Fors deu qui regarde tot
Li jui quant en alcun lieu sont
De nos moult grant merveilles ont
que si sommes petit vers aus
Si com il nos samble de ceaus
Qui plus la moitie sont petit
De nos si com on nos a dit
Li pigmain qui nont que .iii. pies
De grandor se sont merveillies
De ce que nos somes si grans
Si nos retienent pour Caians
Cil qui nont cun doi et .i. pie
Se retienent a merveillie
De ce que nos en avons .ii.
Ensi com il nos refait deis
De lor bestes que nos disons
Et que par lor nons devisons
Ensi devisent il des nos
Par le lor de menbres et dos
Se li conticores pies a
Com li cevals ensi bien dire encore
Quil acors de monoceros
B
Et si se resanblent de cors
Ensi resanblent les nos bestes
Dyverse de cors et de testes
Des diversites qui sont
en europe et en Aufrique
Dautres coses
apar de cha
Dont il nont nule par de la
De vers yrlande sor la mer
Voit on alcuns oisieaus voler
Quen arbre croissent par les bes
Et quant de meurer sont pres
Cil ca terre chiet ne puet vivre
Et cil de terre sont de livre
En yrlande a .i. ille grant
Sans male beste et sans serpent
Qui de cele tere aillors porte
Ja vermine tant par soit forte
Se ele en est avironee
Et sor son dos li est jetee
Jamais le parc ne passera
Mais par force dedens morra
Et qui vermine envenimee
Aporteroit en la contree
Si tost quen la terre seroit
Tot en veant ses eaus morroit
Un autre ia bien loig en mer
U feme ne puet demorer
Nes li oysel qui sont femele
Sen fuient loing trestot de cele
Si ra .i. autres u nules gens
Ne puent morir a nul tens
Mais quant il sont viel et crollant
Et de lor menbres si doillant
Quil ne se puent sostenir
Et quil plus chier a morir
Qui vivre si se vont porter
En autre lieu por de vier
Outre a .i. autre canon tille
Li arbre qui sont en cele ille
Tienent lor foilles enver dors
Este et yver a tos jors
Cele part na cun jor en lan
Dont la nuis dure demi an
.Vi. mois a on tot dis doincure
Puis vient li jors que .vi. mois dure
En yrlande est .i. altres lieus
Qu nuit et jor art comme feus
Com apele le purgatore
Et lapele on ensi encore
C
Sil i vienent alcune gent
Qui ne soient bien repentant
Tantost est ravis et perdus
Com ne set quil est devenus
Sil est confes et repantans
Si va et passe mains tormens
Et sespurge des ses pechies
Com plus en aplus heit gries
Et quant il revenus en est
Riens nule jamais ne li plaist
En cest monde jamais nul jor
Nen rira mais ades enplor
Et gemisent les maus quil font
Et les pechies que les gens font
En cel ille a .i. mont moult grant
De sofre nuit et jor ardant
En bertaigne ra ce dist on
Une fontaine et .i. peron
Quant on jete laighe desus
Si pluet et vente et rechier jus
De la ont gent une maniere
Qui tot ont coes par deriere
Sira on en france veu
Une gent qui furent cornu
Unes femes ra vers les mons
Qui boces ont sos les mentons
Qui lor pendent jus cas mameles
Et sont la tenues por beles
Altres ja qui ont grans boces
Altresi cort quil vont acroces
Et cil qui voient ces afaires
Sovent ne sen merveillent gaires
Miuaus et sors voit on bien nestre
Gens qui domme et de feme ont este
Sans eus a on veu sovent
Et sans mains naistre alcune gent |
EN