Roll 1B front

Ce sont les chose lou conte de Neverz quil avoit au jor qu'il ala de vie a mort. Ces choses estoient en la main Robet: cest a savoir, premierement ⋅ viii boens emiaus et ⋅ ii ⋅ saffirs et ⋅ i camahe ⋅ et xii ⋅ petiz eniaus dou Pui ⋅ ii ⋅ croisetes dor une viez corroie dor a pelles ⋅ et i chapel dor a pierres et a pelles ⋅ De rechief une corroie dor ⋅ ii bacins dargent a donner laigue ⋅ i henap dargent a pierres et a emaus, que len cuidoit quil fust dor ⋅ Une cope d'argent ^doree cuvesclee ⋅ ii poz d'argent ⋅ ii petis henas dargent a donner dragiée ⋅ i ⋅ orfroi a perles ⋅ et ⋅ ii ⋅ sanz perles ⋅ et iiii ⋅ cuillers dargent ⋅ II. Par la main Odet de Menat i aiguier d'or et une cope cuvesclée d'or ii barriz d'argent, i pot d'argent, i aiguier d'argent, xvii hénas d'argent sanz pié. III. Item par la main Afetie: xl escuelles d'ar gent et xii cuilliers d'argent. It. I texu d'argent doré, que Gararz livra, qui estoit en l'armeure IV. It. par la main Robet, la toile qui fu achetée à Troies, que Simon Ysanbars acheta, dont il i ot x pièces; x pièces de toile, de la toile la duchoise de Bogoinge; xxxvii aunes de toile, en un remenant et xxv aunes en ii autes reme- nanz; vii paire de dras de lit nues, et viii paire de dras linges à vestir, nues; – xxxiiii grans napes ovrées à mangier, nueves, – et viii dou- zaines de petites toailles à mains. V. De rechief xxxvi granz napes nueuves que Afetiez liva, et vi toailles à mains, nueves, et xxiiii napes viez; item xxix cuevrechiés; x paire de petiz ganz, et iii paire de ganz de cerf sangles ; v coutiaus à tenchier ; vi paier de chauces nueves ; unes hueses nueves, et iiii paire de sollers. VI. It. x verz, et une tireteinne cameline, et ii raiez de Provins, à maigniée, et ii remenanz d'un autre roié; xv aunes de saie noire; xiiii pannes de gros vair, et une de menu vair; xiiii dras de atais ; ii chameloz ; iii boqueranz plains, et i ovré ; ii tapiz nues ovrez ; ii espreviers à mettre sor lit, i quarré et i reont, et i drap qui remest de l'esprevier ; iiii paire d'espeons nueus ; iiii quar- riaus de soie ; ii sifflés ; i bacin à rère ; ii coilles de bievre; une langue de serpent; une fiolete de baume: celle fu mise au euvre. Item, une coute pointe de cendel vermoill, et i ceurcot noir. VII. Item; C'est de l'armeure : ii paires de cuiraces nueves ; viii frains nues; et i mors de fain; viii paire d'esperons nues; xi varengles nueuves; iiii cotes à armer, et iii barnières; ii coutiaus et iiii fers de glaive ; ii fracoires nueves; ii testières à cheval, et i picière, et une paire de cuissiaus et de trumelières de fer ; i bacinnet à gorgière de fer; i ganbaison, unes couvertures blanches; i petit ganbaison sanz manches; ii piaus blanches; une paire de coffres; une grant gorgière de fer; une male de cur, et ii paire de bouges; i bahu et i bast; VIII. Et de la Chambre: iiii paies de coffres, et ii cofiniaus à chandoile; iiii males, et iiii bahuz; et iiii baz; IX. Et de la Peneterie ii males, i bahu et i bast; Item une tante que li chastelains de Chastiau- pélerin dona le conte. X. Item de la Botellerie: xvii barriz de fust; et ii bouz de cur, et ii seillons. XI. De la Cuisine: iii grans poz de cuivre, et i petit; iii granz chaudières, et iii petites; ii paelles et i greill ; iii paelles de fer et iii mortiers ; une paellette perciée, et ii forchietes. XII. De la Maréchaucié : li granz chevax grilles, et li chevax qui fu monsegnor Jaque Vidaut ; et li grant palefroiz noirs ; iii bestes mulaces, et i asne qui aportoit l'aigue. XIII. La garnison de l'ostel : ou celier, xxxvi botes de vin ; ou lardier, L lez de char salée, et ix^xx xv gelines, et i mouton ; es geniers, vii^xx x muis de froment et CC muis d'orge. XIV. Les chose de la Chapelle: premièrement le calice ; une croisète ou il a de la veraie croix ; le Saintuaire que li patiarches dona le conte ; le messe et le bréviaire ; une chasuble viez, et aube, et roichet, et ii sorpeliz, et i amit ; i drap d'autel, devant et darrière, estole, et fenoul ; v toalles d'autel, dont l'une tient au drap de l'autel devant; i boiste d'ivoire ; ii toalles à mains ; ii chainètes d'argent; le corporal et l'estui, et ii custodes parées. Item une chasuble neuve de drap d'o, et tunique, et daumatique, et ii chapes neuves, tot de drap d'or; et le drap de l'autel devant et darrière; iii aubes, iii amiz, iii roichez, ii sorpeliz tot nuef, ii estoles, et iii fenouz nues. XV. Item c'est la robe viez: Permièrement, cote et serecot de tieteinne cameline forré de gros vair. Item. Cote et corset d'éclarlate poonnace forré de menu vair. Item. Cote et serecot et corset de tireteinne brune forré de menu vair. I mantel de saie noire, de bièvre, forré de menu vair Une cote et ii serecoz et mantel de saie de bièvre, roige, forré de menu vair. I corset de drap imde, forré de menu vair. Une garnaiche de saie, forré de gris. I serecot de pers forré de loc cevière. I corset de tyreteinne forré de gris. I petit corset de camelot, forré de gros vair. II serecoz de tireteinne et i de vert, sangles. I corset de pers, sangles. Une garnaiche de pers, sangle. Cote et serecot, et corset de tireteinne perse, forré de cendel vert. I corset de camelot, forré de cendel vert. Cote et serecot, et mantel de camelot noi, forré de cendel vermeil. Cote et serecot de camelot imde, forré de cendel noir. IIII doblez à vestir ; iiii chaperons forrez de cendel, et v forrez de vair.