69r

Qui clarte donne, par de hors
Et si ne voit on pas son cors
Ensi luist li solaus parmi
La lune, qui est desous li
Et nous rent la clarte dou jor
Tant com seur terre fait son tor
Mais la nue, qui espoise ades
Sa samblent tous jors pres
Tant que noire, et moiste devient
Lors sen ist laigue, qui en vient
Dusque, terre ensi naist la plueue
Et quant est toute, aval cheue
Par quoi la moistor se restanche
Lors pert la nue, clere et blanche
Qui legiere est, et monte en haut
Tant quen la fin, toute defaut
Por le chaut dou solail amont
Qui le desesche, et le confont
Lors revoit on, lair cler et pur
Et le ciel bleu si comme asur
De terre naist et plueue et nue
Si com dun drap, quon essue
Qui moullier est, et sesche lors
Et en ist une, moistor hors
Comme fumee, et sen vait sus
Qui lor tenroit, sa main desus
Une vapor, lors sentiroit
Qui samain, li amoistiroit
Et sele duroit, longement
Il verroit tout apertement