BnF. Département des Manuscrits. Français 14964

ReadAboutContentsHelp
GAUTIER DE METZ, Image du monde.

Pages

21r
Indexed

21r

Dont diex nous doinst si bon pooir Que nous puissons estre si hoir Mais de ce lairons ore ester Puis que oi aves raconter Comment les ars furent trouees Par ciaus de bonnes renoumees Si vous dirons de lor afaire Un petit queles sevent faire Car deles muet, tous sens humains Et toute oevre faite de mains Toute proesce, et aspretes Tous biens, et toute humilites Por ce me semont, ma matire Luevre de chascune descrire Et puis de nature, et dou monde Comment est fais ala reonde Mais des .vij. ars dirons avant Con ne doit pas geter au vent De la maniere des .vii. ars li .vii. capitles, la premiere ars gramaire LA premerainne des .vij. ars Dont il nest pas seus li quars Autans dore si est gramaire Sans la quele nus ne vaut gaire Qui de clergie vient aprendre Car sans li puet petit entendre Gramaires si est fondemens De clergie, et commencemens Si est la porte de science Par quoi on vient a sapience Des lettres, en gramaire escole

[initial: 20th row, opening initial /L/, 4 lines, in red with blue pen flourishing]

Last edit about 3 years ago by EHebb
21v
Indexed

21v

Comment on doit former parole Soit en latin ou en roumans Et en tous langaiges parlans Qui bien savroit toute gramaire Toute parole savroit faire Par parole fist diex le monde Car sentente est parole monde La seconde ars logique LA seconde ars si est logique Con apele dyalethique Ceste si prueve, voir et faus Par quoi on connoist biens et maus Qui bien savroit logique toute Bien et mal proveroit sans doute Par bien fu cries paradis Et por mal enfers establis La tierce ars rethorique LA tierce rethorique anon Qui est droiture de raison Et ordenance de parole Quele ne soit tenue afole De cesti sont li droit estrait Par quoi li jugement sont fait Qui esgarde sont par raison En court de roi, et de baron Et fors jugie des choses males De cesti furent decretales Estraites, et decres, et lois Qui mestier ont parmaintes fois Il connoistroit et tort et droit

[initial: 9th row, opening initial /L/, 4 lines, in blue with red pen flourishing]

[initial: 18th row, opening initial /L/, 4 lines, in red with blue pen flourishing]

Last edit about 3 years ago by EHebb
22r
Indexed

22r

Qui rethorique bien saroit Par tort faire, est li mont perdus Et par droit sauves ses vertus La quarte ars arimethyque LA quarte anon arimethique Ceste vient apres rethorique Et emmi les .vij. ars est mise Car sans liu, ne puet estre assise Nule des ars parfaitement Ne bien seue, entierement Devant que on sache ceste art Car toutes i prendent lor part Ne ne pueent estre sans li Por ce fu ele mise emmi Les .vij. ars, en cui biens sa ombre De ceste muevent tout li nombre Par quoi trestout keurt, et tot naist Car sans nombre, nule riens nest Mais peu voit comment ce puet estre Qui des .vij. ars na eut mestre Tant quil ensache a droit dire Si ne poons pas tout ci lire Car qui vieut espondre tel chose Molt li convient savoir de glose Quarimethique saroit bien Il verroit ordre, en toute rien Par ordre fu, li mondes fais Et par ordre, sera deffais La quinte ars geometrie LA quinte anon geometrie

[initial: 5th row, opening initial /L/, 4 lines, in blue with red pen flourishing]

[initial: final row, opening initial /L/, 4 lines, in red with blue pen flourishing]

Last edit about 3 years ago by EHebb
22v
Indexed

22v

Qui plus vaut a astronomie Que nule qui ci soit nommee Par li est ele mesuree Car ele compasse et mesure Toute riens ou il a mesure Par li puet on savoir le cours Des estoiles qui vont tous jors Et la grandor dou firmament Solail, lune, terre, ensement Par li set on la verite De toute riens la quantite Ja si lontaigne ne sera Mais que on voie dusque la Qui bien entent geometrie Voit mesure en toute maistrie Par mesure fu fais li mondes Et hautes choses et parfondes La sizisme ars musique LA sisisme ars siest musique Qui se forme darimethique De cesti muet toute atemprance De cesti fusique sa vance Car ausi com musique acorde Tout ce qui en li se descorde Et a concordance, ramainne Tout ensi fusique se painne De ramener nature en main Qui se destempre en cors humain Quant aucuns malages lencontre Mais ele nest mie dou nombre

[initial: 19th row, opening initial /L/, 4 lines, in blue with red pen flourishing]

Last edit about 3 years ago by EHebb
23r
Indexed

23r

Des .vij. ars, de philosophie Ains est .i. mestiers qui salie Acors domme de mal saner Et de maladie garder Tant com il se maintient en vie Et por ce liberaus nest mie Car ele sert dou cors garir Quaucune fois porroit perir Et nule riens liberaus nest Ne franche qui de terre naist Et por ce science qui sert Acors humain, franchise pert Mais celes qui alame servent Liberaument, au monde servent Car lame doit liberaus estre Si comme chose de noble estre Comme cele qui de dieu muet Et adieu revenir se veut Et por ce ars, liberaus sont Que lame toute franche font Et ensaignent com on doit faire Proprement a chascun afaire Iceste est la propre raison Por quoi ars, liberaus ont non Queles font home liberal Et delivre estre de tout mal De cestes est musique lune Qui si bien sacorde achascune Car par li concordees furent Les .vij. ars si com eles durent

[initial: 27th row, opening initial /D/, 2 lines, in red with blue pen flourishing]

Last edit about 3 years ago by EHebb
Displaying pages 41 - 45 of 234 in total