24r

[Column A]

Fu astromie trouvee
En cele est la t[er]re de Sable
& puis Tharse & puis Mo[n]t Arabe
De ces .iii. furent li .iii. roi
Seignor qui le souverain roi
Alernt co[m]me Dex req[ue]re
Jh[es]ucrist qui fu nez en terre
La croist mierre & li encens
& si amaint pueple de gentz
La siet assire une p[or]vince
& la regions de Fenice
Q[ui] p[ra]nt non dun oisiax fenis
Dont il ne[n] est touzjorz q[ue]un no
Q[ua]nt muert sien est uns oisiax
G[ra]nt est decors & sest m[ou]lt biax
Ou chief a une creste en son
A la maniere dun paon
Piez & gorge li resplendist
Ausint co[m]me or & si rougist
Comme rose p[ar] sus le dos
& v[er]s la queue est ausiut blos
Comme la ciaus q[ua]nt il est pa^urz
& q[ua]nt eages la fet meur
Lors vet en un mont haut & bel
Quil renouvelle sa pel
Sor cest mont sor une fontaine
M[ou]lt g[ra]nt & large & clere & saine
& aun g[ra]nt arbre desus
Q[ue] lenvoit de m[ou]lt loig en sus
Lors fet sepulcre en son ni
Desus cel arbre tout emmi

[Column B]
Despices & de g[ra]nt oudors
Que[m] ne pouroit trouver meillor
Puis se dresce desus son ni
Q[ua]nt ainsint la fer & forni
Lorz muet ses eles & debat
V[er]s le souleil tant q[ui]l senbat
Ou cors une si g[ra]nt chalor
Q[ui] les prent & arc tout entor
Tantq[ue] touz arz & brulez est
& lors uns autres enrenest
Puis vient Damas & Autioche
Ou il amaint chastel forroche
Palestine & puis Samarie
Sebaste & puis Pantapolie
Ou Sodome & Gomorre furent
.ii. citez qui p[er]ilier durent
Cele p[ar]t est une Mer Morte
Q[ui] nule rien vive ne porte
Ismelite une contree
& cele part quest abitee
De .xii. manieres de genz
Puis si vient Egipte la g[ra]nz
Ou nue ne pluie ne vent
Q[ui] xxiiii. pueples tient
Si a une g[ra]nt region
Q[ui] est dev[er]s septentrion
Ou il ne repere nus homs
Fors fames fieres com lions
Q[ui] v[er]s les homes se combatent
En champ & tuent & abatent
Armees sont [com] chevaliers