25r

OverviewTranscribeVersionsHelp

Facsimile

Transcription

Status: Complete

[Column A]

Encore i treve len assez
Dautres choses en cest pais
Dont mainte gent sont esbahis
Ap[re]s vient aise lamenor
q[ui] close est de mer tout entor
Ou il a maintes regions
Dont pas ne dirai tous les nons
En cele siet frise & dardele
La ou Paris ravi Helene
Dont Troie la g[ra]nt fu destruite
Q[u]en la fin de Gresse est contruite
Cele p[ar]t est le Chaonie
& un autre ka no[n] carie
Ou ch[ar]mes cort flueves g[ra]ns
Dont d[e] gravele est dor luisans
De cele p[ar]t dev[er]s la fin
Nos vienent les parles dor fin
Dautre p[ar]t dev[er]s orient
Nos sont autre pere de gent
Q[ui] descendirent de Juif
& sont une gent orde & vils
Nont fame espouse niamie
P[our] ce q[u]il necroient mie
Q[ue] fame se puisse tenir
A un seul home sans faillir
Nont aire de fame fors tant
Quengendrer i puissent enfant
Autres gens ja barbarins
Q[ui] se font clamer Jacobins
Dont Jacob q[ui] lor meitres fu
& sont Crestien corporu

[Column B]

P[ar] les mariages q[ui] font
Aus sarasins q[ui] p[re]s daus sont
& p[our] prenent bie[n] cele gens
.xi. regnes de tous sens
Netroient pas confession
A nul autre homes a dex no[m]
Q[ua]nt il se consfessent a deieu
Pres dans metent en cens ou feu
& cindent q[ue]n cele fumee
Sen aille v[er]s dex lor pensee
Mes nest pas ainsint [com]me il croie[n]t
Saint Johe[n] Bastiste mescroient
Q[ui] les baptisa premerains
Car dire lor couvenoit ains
Tous lor pechies a lui meismes
& puis recevoient baptesmes
Dont Saint Johe[n] meismes dist
Q[ue] q[ua]nt li hom ses pechies dist
A une autre cele v[er]goigne
Q[ui] la de dire sa besoigne
Li est g[ra]nt p[ar]t de penitance
& de ses pechiez aleiance
& plus de piechier se retient
Q[ua]nt il set q[ue] savoir couvient
A un autre tout son a faire
Ains q[ue] v[er]s Dex se puisse trere
Ce dist Sains Johans li baptistes
Q[ue] p[ar] baptesme ti[con]rent cuites
Env[er]s dex de tous nos pechies
P[ar] confession espurgies
Dont cele gent sont deceu

[Initial: Column a, line 4, a 2-line initial A in red with pen flourishing in blue.]

Notes and Questions

Nobody has written a note for this page yet

Please sign in to write a note for this page