25v

[Column A]

Carl malement lont retenu
Cele part sont une autre gens
Crestiens en dex bien creans
En bataille poissant & fort
Q[ue] sarazin doutent tant fort
Q[ui] ne lor osent riens mes fere
Ains lor sont dous & debonaire
& sont tout enclos environ
De gens mescreans & felon
Cele gent sont bon crestien
& ont a non Georgien
Car Saint George apelent tosjors
En batailles & en estors
Vers sarasins tousjors la ovre[n]t
Sor tous autres sains & e[n]norent
Si ont tuit reses lor courones
Dont li clerc les portent reondes
& li lai carrees les ont
Q[ua]nt le sepulcre aourer nont
Li sarrazin nes osent p[re]ndre
P[our] paiage ne riens sorvendre
Quil doutent q[ua]nt il revenissent
Q[ue] chier aus autres len endisent
Les gentils dames dou pais
Sarment sor un cheval de p[ri]s
& se conbatent au paiens
Aveques les Georgiens
Tous lor langages & lor lois
Sont a maniere de grisois
d[e]s poisons dYnde
En la mer dInde a u[n]s poissons
a piaus ne lues & a poils lons

[Column B]

Dont les gens vesteures font
Uns poissons i a echinus
Mendre dun pie q[ue] tex v[er]tus
Q[ue] lanes en coi il se prent
Ne puet aler nariere navant
Si a autres poissons maris
Q[ue] les gens apellent daufins
Q[ua]nt la tempeste doit venir
& les nes sont p[re]s de perir
Si a perent de leue fors
& se jouent aus ondes lors
Li pl[us] g[ra]ns poissons de la mer
Q[ue] sent balaine clamer
Si g[ra]ns & si merveilleus est
Q[ue] h[er]bes & t[er]re sor lui tant nest
Q[ui] semble q[ue] ce sort un mont
Dont la gent q[ui] p[ar] la mer vont
Sont aucune fois deceu
Quil cuident t[er]re avoir ven
Si font tant q[ue] la se sont tret
& q[ua]nt il ont fait lor atret
Lor feu lor loge lor autre estre
Con cil q[ue] a t[er]re cuident estre
Cele q[ua]nt lapercoit & sent
Lor feu sen met soudainement
& se fiert en eue p[ar]fonde
Si q[ue] tout a p[re]s lui afonde
Nef & gent ausint sont peri
Cil qui cuident estre gari
Petite bouche a cil poissons
Ne menuit fors petis poissons

[Initial: Column a, line 30, a 2-line initial E in blue with pen flourishing in red.]