26v

[Column A]

& la racine est garingaus
& gingembres & citovaus
La croissent les beles espices
Dont nos faisons a nos delices
Nois i croissent groses co[m] po[m]mes
& autres co[m]me testes doumes
Des arbres quen p[ar]adis sont
Nes avons nos quel fruit il ont
Cil dont eve ot si g[ra]nt en vie
Ne fu pas li arbres de vie
Dont nos avons p[ar]le devant
Des autres arbres jarant
Si delicieus & si g[ra]ns
Q[ui]l semble q[ue] Dex soit laiens
Mes il ja si bone garde
Q[ue] uns angles Dex l'entree garde
Lespee en la main toute arda[n]t
Q[ue] nus ne si aille ap[er]chant
Ne beste ne mans esperis
P[our] laiens avoir nul delis
De Erope [et] de ses contrees
Puis q[u]Aise devise avons
Erope ap[re]s deviserons
Legierem[en]t p[our] tost finer
Li premiers leu se[n] co[m]menie
Constentinoble une p[ar]tie
& puis Corinte [& Macedoine
Thessale Boesme & Sauxone
& puis pire une T[er]re Saine
En cele sort une fontaine
Ou len ne puet ardans esbaindre

[Column B]

Nestaindre nis les vis charbons
En Arcadie a une pierre
Q[ui] ne puet en nule maniere
Estaindre puis q[ue]le est esp[ri]se
Tant q[ue] toute est encendre mise
Puis vient Danemarche & Ho[n]grie
& puis Otriche & Germanie
Q[ui] v[er]s occident amaint regne
Si est Suabe & Alemaigne
Cele p[ar]tie une eue sort
Q[ui] en .vii. flos se p[ar]t & cort
Islande Escose Englet[er]re
Toute France & toute la t[er]re
Q[ui] est des q[u]au mons de Moieu
Tant contient Europe de lieu
dAfriq[ue] e de ses regions
Ap[re]s Europe est Aufrique
dont li premiers leus est en Libe
[Et] puis la t[er]re de Surie
J[e]r[usa]l[e]m & le pais
La ou dex fu & mors & vis
Gresse Roumenie & Tosscane
Gascoigne Roumenie Espaigne
Alixandre & maint bo[n] pais
Autres q[ue] ge ne nos devis
Si a cites & regions
Q[ui] de bestes prenent lor nous
Q[ui] habitent en ce pais
Dont les cites formes ont p[ri]s
Dont rome a forme detion
Troie de cheval ce dit on
Erope siest v[er]s la fin

[Initial: Column a, line 22, a 2-line initial P in blue with pen flourishing in red.]
[Initial: Column b, line 16, a 2-line initial A in blue with pen flourishing in red.]