29r

OverviewTranscribeVersionsHelp

Facsimile

Transcription

Status: Complete

[Column A]

Chargiez semiait co[m]me .1. taons
Q[ua]nt bien se sent charchiez de fruit
Chantant & menant sou deduit
Se mal li velt farre autre beste
Si met ensemble piez & teste
& se tient si en reondel
Les aguillons entor sa pel
Q[ue] beste ne si ose enbatre
P[our] assaillir ne p[our] conbatre
Li aigniaus qui onq[ue]s ne vit
Le leu si doute & si guenchist
& austres bestes riens ne doute
Ainz se fiert entre les & boute
De la maniere des oisiax
Li aigles p[ar] les ongles prent
ses puonciaus & q[ua]nt il sent
Celui q[ui] fermem[en]t se tient
Si laime & osoi le tient
Celui qui se tient foiblem[en]t
Laisse ne garde ne semprent
Q[ua]nt viaz si cole si haut
Q[ue] les nues passe & si achaut
Ou soulau tient ta[n]t sa veue
Q[ue] toute la arsse & p[er]due
& ses pennes brulees sont
Lors chiet aval tout en un mo[n]t
En une quil a choisie
Ainsint renouvelle sa vie
& son bec brise a une pierre
Puis li vient bes nouians ariere
Q[ua]nt torterele a perdu

[Column B]

Son malle q[ue]le a co[n]neu
James autre malle naura
Ne sor vert arbre ne sarra
Ainz semiait sus les arbres ses
Au sint co[n]gernussant agdes
Lo truce fer menjue bien
Ne ia ne li grevera rien
Q[ua]nt la tempeste doit venir
Si prent li harrons a fouir
& sen vole de sus les nues
P[our] les tempestes & les pluies
Q[ua]nt la choue treuve or nargent
Si lemble & levait repounent
& si semble qui ot savoiz
Q[ue] le parout aucune foiz
M[ou]lt biaus aude estre li corbiax
& mieuz chantanz q[ue] nus oisiaux
Se ses puons voit biaus de rien
James jor ne lor fera bien
Q[ua]nt len regarde le paon
Si torne se queue environ
& set ausint co[m]me une roue
P[our]ce quil ot q[ue]l en le loe
& sorguellist de sa biaute
& q[ua]nt ses piez a regarde
Qui sont lait si laisse cheir
Sa querie ausint co[mme] p[our] couvrir
Si ostoir & li espreurier
Q[ue] lenduit p[our] aler proier
& li demesches li a porte
A son seignor qui li en norte

Notes and Questions

Nobody has written a note for this page yet

Please sign in to write a note for this page