29v

[Column A]

Simples oisiax est li coulons
& norrit bien autrui pijons
En leve losoir a percoit
P[er] lombre dou voler q[ui]l voit
La hupe est uns oisiax crestez
Q[ui] en sepucre & en viltez
Pl[us] volentiers q[ue] aillors demore
Q[ui] de son sanc usast une ore
& alast dormir maintenant
Il li sembleroit en dormant
Q[ue] ennemi v[er]s lui venisent
Qui tuit estrangler le vosise[n]t
Li rosigneus muere en chanta[n]t
& la louete au nomax tanz
Li cinnes est touz blanz dehors
& dedenz noirs p[er] tout le cors
Contre sa mort chante souvent
Ausint avient a mainte gent
De tex choses & de mainte autre
Sen m[er]veille m[u]lt mai[n]t autre
Q[ui] ne voient pas decians ca
Mes q[ue] nos les choses de la
& souvent en veons aucunes
Si sont autres choses q[ue]munes
Dont chascun merveillier se puet
Q[ui] en merveilles penser veut
Des v[er]tuz daucunes chose[s] q[ue]munes
M[ou]lt de choses semblent ap[er]tes
Dont les raisons sont m[u]lt cov[er]tes
& poi sen m[er]veille[n]t la gent
P[our]ce quil les voie souvent

[Column B]

Vis argent est de tel maniere
Q[ue] sor lui sostient fes de pierre
Q[ue] eue pas ce ne feroit
Car la pierre au fonz sen iroit
La froide eue en chaude mellee
La m[ou]lt tost si fort eschaufee
Q[ue] se aucuns i fichoir sa main
James ne sen veroit bie[n] sain
Li rais dou souleilg si noircist
Cuir doume & les toilles blanchit
La mole t[er]re dure fet
& la dure cire remet
De leue froide & dou cristal
Ist le feu damont & daval
Dou fer a la pierre huitez
Saut li feus touz clers alumez
Li venz q[ui] est frois feu esprent
& en flambe le fet pl[us] g[ra]nt
A lame doume q[ui] est chaude
Refroidist chose qui est chaude
Li airs p[ar] movem[en]t refroide
& eue eschaufe qui est froide
La t[er]re quest pesanz en li
Se tient dedenz le ciel enmi
Sanz piler & sanz fondement
P[ar] sa nature solement
P[our]ce est fox qui se m[er]veille
De chose qui ne sa p[ar]eille
En v[er]s lui de mostrer raison
P[our] coi elle est issint ou non
Car il nest si petite chose