31r

[Column A]

Qui sont mises en cel abisme
Q[ue] nus nen diroit le ·m·disme
En t[er]re a maint autre leus
Q[ui] sont orrible & perilleus
Q[ue] en la t[er]re q[ue] en la mer
Et en maintes illes de mer
De feu et de froidure orible
Q[ui] m[ou]lt sont cruel et penible
Si sont maintes mo[n]taignes g[ra]nz
De soufre nuit et jor ardanz
Ou maint home a g[ra]nt enco[m]brier
Et tout p[our] ses maus espurgier
Si nos puet bien a tant soffire
A p[ar]ler de ceste matiere
Car nus raconter ne pouroit
Le mal q[ue] maves hom recoit
Q[ua]nt de cest siecle est departis
Car touz jors vait de mal em pis
Si nos enterons ore a tant
Puis q[ue] le premier element
Q[ue] cest la t[er]re avons descrit
Si co[m] nos trovons en escrit
Si dirons dou se cont ap[re]s
Cest leue qui si cort ades
Puis de lair & ap[re]s dou feu
Dont chascuns tient sompre leu

Comment eue cort par la terre
Leue si est la mer p[ro]fonde
Q[ui] environe tout le monde
& de luu tout li flueve vienent
Q[ui] p[ar] la t[er]re lors cors tienent

[Column B]

Tant q[ue] en la mer sont revenu
& la dont movent revenu
Ainsint sen vait la mer toz jorz
Tornoiant & sesant ses torz
P[ar] la t[er]re en tele maniere
Q[ue] tant co[m]me eue est p[lu]s legiere
Q[ue] t[er]re nest tant se tient plus
Pres dou mileu no[n] pas en sus
Les pais devise et dep[ar]t
& p[ar] toutes t[er]res sesp[ar]t
La mer qui en t[er]re sespant
& p[ar] fontaines uet sordant
De lieu en autre son cours somme
Autre sint co[m] li sanz de loume
Sen vait p[ar] les vaines dou cors
& p[ar] aucun leus en ist hors
Ainsint cort leue p[ar] les vaines
De la t[er]re & sort p[ar] fontaines
Dont il avient p[ar] tout ades
Qui cercheroit ou loig ou p[re]s
Soit en montaigne ou en valee
I trouveroit eue douce ou salee

Co[m]m[en]t eue douce & sale noire chaude & e[n]venimee sort
Toutes eues sont de mer nees
& les douces & les salees
Quex q[ue] le soient toutes vienent
De la mer & la sen revienent
Dont aucuns pouroit dema[n]der
Puis que toutes viene[n]t de mer
Q[ui] si amere ou salee est
Coumment cest q[ue] douce eue e[st] nest