31v

[Column A]

A ce[st] respont uns des autorz
Q[ui] de tel chose set les torz
P[ar] douce t[er]re devient douce
Q[ue] la toute t[er]re la douce
& si li tout p[ar] sa nature
Samertume & sa sausseure
En eue qui salee sort
P[ar] dedenz t[er]re amere cort
Eue lamertume retient
Ainsint douce & salee vient
Autre eue sort salee & noire
Q[ue] aucuns vont p[our] poisons boire
& font purgations m[ou]lt g[ra]nz
Souventes foiz a maintes ge[n]z
Ceste eue qui sort noire & clere
Cort p[ar] t[er]re noire & amere
& de g[ra]nt poureture plaine
Si est m[er]veille sele e[st] saine
En autres leus sort eue chaude
Si q[ue] a poi quen ne si eschaude
Q[ue] len bains naturelz apele
& si a Ais la Chapele
& a Plumieres labaie
Q[ue] en Lororaine est establie
Dedenz t[er]re en mainte cav[er]nes
Chaude eue co[m] feu en lant[er]nes
Si co[m] la t[er]re a maintes vaines
Q[ui] de soufre sont toutes plaines
Ou il naissent aucu[n] vent fort
P[ar] eue q[ue] enz cort & fort
& se deboutent si forment

[Column B]

Q[ue] li soufres ait & esprent
Ausint co[m] ce fust uns chauzforz
& cele eue q[ue] a son cors
P[ar] tiex vaines & p[ar] tex leuz
De vient ausint chaude co[m] feus
& sil avient duacun efforz
Devant q[ue] leue sor deforz
En fla[m]mee se ist sordant
Si co[m]me poiz em pot boulanz
Mes co[m] pl[us] loig den q[ui] sen cort
Mainz ardans & mainz chaude fort
Tant q[ue] en la fin redevient froide
Car nest si chaude ne refroide
Fors q[ue] li feus quen enfer art
Q[ue] en nule fin ne prent dep[ar]t
Dedenz t[er]re amainz autres leus
Plains dordes bestes venimeus
Si q[ue] leue q[ue] p[ar] la vient
Toute venimeuse de vient
& fort en avains leus sor t[er]re
Mes qui en boit sa mort vet q[uer]re

De div[er]ses fontaines
Autres fontaines sont aillors
q[ui] souvent muent lors coulors
& autres dont miracles est
Q[ue] len ne set pas dont ce nest
En la t[er]re de Samarie
En a une q[ue] se varie
& change sa color en len
Au mains .iiii. foiz ce dit en
En premier vert enp[re]s sanguine