46v

[Column A]

Q[ui] devoit avenir au monde [com]m[en]t
P[ar] feu o p[ar] aigue p[ro]fonde le[n] sauva
Puis Aden fure[n]t maintez genz cler
Q[ui] des arz orent le senz gie
Q[ue] Dex lor envoia en t[er]re p[our] le deluge
Dont aucuns i ot q[ui] enq[er]re
Voudrent q[ue] li mond devendroit
& se james defineroit
Si trouverent tot sanz faillir
Q[ui]l devoit p[ar] ·ii· fois fenir
Al une foiz p[ar] feu ardant
Al autre p[ar] eue sordant
Mes ne voit pas a cele fois
Quil seussent dou quel encois
Deue ou de feu & donc si orent
P[ar]tie des clergies quil sorent
Q[ui] ainsint seroient peries
Ne les nestoient garanties
Lors saplaserent de g[ra]nt bien
Co[m]me cil qui penserent bie[n]
Q[ue] ap[re]s le premier finem[en]t
Seroient enquore autre gent
& firent g[ra]ns calunessere
Si g[ra]nz quil peussent p[ou]trere
& taillier en chascune pierre
Au mains lune des ars entiere
Si q[ue]s autres fussent [com]munes
Dont aucuns dient q[ue] les unes
Furent dune fort pierre & dure
Si co[m] marbles de tel nature
Quen eue ne puet empirier

[Column B]

Ne croistre ni amenuisier
Dune fort maniere de tuilles
Entieres sanz jointures nules
Furent les autres lonc latre
Q[ue] feus ne puet de riens malmetre
G[ra]nz coulonnes en ces qui firent
Entaillerent les ars & mistrent
Si q[ue] cil qui ap[re]s venissent
Les trouvassent & apreissent
De ceus q[ui] troverent les clergies ap[re]s le deluge
Ainsint savere[n]t les clergies
Cil qui Dex les ot ensaignies
Tant q[ue] Dex en t[er]re envoia
Le deluge qui tout noia
Fors Noe qu e[n] larche se mist
P[ar] cui li mondes se refist
Lors coumencerent a refere
Lors mesons & lor autre a fere
Mes m[ou]lt rudem[en]t les faisoient
Comme cil q[ui] petit savoient
Petit sorent q[ui] fere durent
Tant q[ue] les clergies refurent
Retrouvees fiorent mians
Ce q[ue] bon estoit avetans [?]
& de lor mans trover refurent
Mes li premiers puis le deluge
Q[ue] sentente en clergie mist
& dou recouvrer sentremist
Ce fu Seym u[n]s des fix Noe
Q[ui] son cuer ot arc Noe
& tant i usa de sa vie