49v

[Column B]

Car monnoie p[ri]sie nest
Fors p[our] lor & largent qui est
Petite & legiere la firent
Cil qui premerain lestablirent
P[our] pl[us] legierem[en]t porter D[es] philosophes
La ou il voloient aler qui aloie[n]t p[our] ap[pre]ndre
Ainsi p[ar] le[ur] mo[n]noie aloient ap[re]ndre
P[ar] le monde ou aler povoient
P[our] voiage ou pelerinnage
Ou p[our] enq[er]re aucun estage
Daucu[n] leu q[ue] savoir voloie[n]t
Dont maint q[ue] filosofe estoie[n]t
Q[ui] tout voloient esp[ro]ver
Aloient p[ar] t[er]re & p[ar] mer
Por miaus la v[er]ite enq[er]re
Des choses dou ciel & de t[er]re
Ne se rostissoient pas tant
Aus g[ra]nz feus co[m] font cil truant
Maint papelart q[ui] au monde sont
Q[ui] nul bie[n] naiment ne ne font
For p[our] avoir le loz du mo[n]de
Ains cerchoient la m[er] p[ro]fo[n]de
& la t[er]re amo[n]t et aval
P[our] miex co[n]noistre bie[n] & mal
Dont il soufrirent mai[n]te paine
P[our] rendre a Dex le[ur] ame saine
& ci ne q[ui]erent fors le nom
De mestre p[our] avoir le no[n]
Au mo[n]de q[ui] si tost le[ur] faut
Mesiax cuers ne puet pe[n]ser haut
Q[ui] t[er]re est & a t[er]re tent

[Column B]
& qui a Dex tent Dex 1atent
Dex meismes dist la p[ar]ole
Q[ui] de t[er]re est si em p[ar]ole
Q[ui] dou ciel vient & au ciel tire
Sor touz autres est li pl[us] sires
Li philosophe q[ui] bie[n] sorent
Ceste p[ar]ole pl[us] chiere orent
Soufrir mesese p[our] aprendre
Q[ue] les ounors de t[er]re atendre
Car mieulx aymoient les clergies
Q[ue] du monde les seignories
Platon q[ui] fu pouissant et mestre
DAthaines relenquist tout estre
Not cure de tel renoumee
Ainz cercha p[ar] mainte contree
& ot pl[us] chier v[er]goigne avoir
& paine p[our] enq[er]re voir
P[our] aprendre q[ue] seignorie
Avoir au mo[n]de ne mestrie
De dire riens de coi certain[s]
Ne fust p[our] conq[ue]re los vains
Apolones qui tant fu sires
Laissa de son regne lempire
& sen ala povres & nus
P[our] aprendre ou pl[us] & vendus
Fu mainte fois destrange gent
Nonq[ue]s ni ot nul si vaillant
Q[ui] lachatast ne q[ui] vendist
[Com] il fu onc force ni fist
En lui achat[er] en lui vendre
Mes quil peust ades aprendre