BnF. Département des manuscrits. Français 2173

[Column A]

La por ce Dex ni perdra riens P[our] nos les fist si les aions Puis que de servir les savons Por coi dex fist home a sa sanbla[n]ce Dex forma lome a sa samblance P[our] ce qui eust remenbrance De ses biens si quil en eust & q[ue] de servir les peust Tout p[ar] droit v[er]s son creator Dont il li fist si g[ra]nt amor Q[ue] sor toute autre creature Le fist samblant a sa figure & li donna naturelment Le pl[us] gentil entendement De lui amer de lui connoistre Q[ue] nule rien qui peust estre P[our] ce quil peust ces biens P[ar]tir plus q[ue] nule autre autre riens Nonques Dex ne fist p[our] autrui Tant de biens [com]me il fist p[our] lui Mes q[u]il deservir le voille & se no[n] drois est quil sen doille Ne fait a Dex point de bonte Qui bien fait p[our] avoir son gre Car son preu fait plus q[ue] lautrui & touz li biens envient a lui P[our] ce le feroit bo[n] amer Car m[ou]lt se puet chaitis clamer Qui p[ar] sa folie desert Q[ue] cele haute gloire p[ar]t Por pechie qui riens ne li monte

[Column B]

& a la fin nen a fors honte Q[ue] apres lui en enfer le tire Ou il na fors duel & martire Dont ja ne sera mes de livre Por si poi co[m]me il a a vivre Ainsint a la joie p[er]due Qui li deust estre rendue Se som pechie ne li tousist & sires en fust sil vousist Se em bien se fust maintenuz De maudire & faire tenuz Car qui bien fait a tant danor Q[ue] li angle en font lor seignor Devant Dex & roi couronne Se puet tenir m[ou]lt p[our] bo[n]ne Q[ui] tant fait co[m]me il vit en t[er]re Quil puisse cele ennor co[n]q[ue]re Por som preu & faire le puet Chaucuns hom tout p[ar] soi q[ui] velt Bien le puet gaaignier ou p[er]dre Au quel qui velt se puet aerdre P[our]coi Dex ^ne fist lome tel q[ui]l ne peust pech[er] Dame Dex douna le povoir home de faire son voloir Bien ou mal lequel q[ui] li plest Car sil eust home tel fait Quil ne peust faire son bon Il li consist aucune rien De som povoir car ne peust Faire mal q[ua]nt il li pleust Ainsint ou il vousist ou non

[Initial: Column a, line 5, a 2-line initial D in red with pen flourishing in blue.] [Initial: Column b, line 23, a 2-line initial D in blue.]

[Column A]

Seust il bien & sanz raison Car ce ne fust mie p[ar] lui Quil feist bien mes p[ar] autrui Quil en eust en talente A force & doune volente & cil porcoi il le feist Le guerredon en deservist Non pas il car petit desert Qui p[ar] force dautrui sa ert Qui me merroit p[our] faire bien Demain em p[ri]son maugre mien Ne le tendroie pas a sage Car il me feroit g[ra]nt outrage Bien leust Dex fait sil vousist Mes itel bien ne deservist Q[u]il fait ore dem tans & p[our] ce fist Dex cex tel genz Q[ue] plus de bien avoir peusent Ja tant autrem[en]t nen eussent Se Dex a fait les angles cex Quil ne puisse pechies mortex Ne mal faire ja si haut don Ne deservissent co[m] li hom Mais qui velt bien droit deservir Si doit tant volentiers servir De cuer delivre p[ar] amor P[our] conq[ue]re si haute ennor Si vost Dex q[ue] li hom cex fust Q[ue] p[ar] droit deservir peust Autant de bie[n]s en son endroit Comme il meismes en avoit

[Column B]

& li douna sens & raison Davoir v[er]s lui entention Q[ue] p[ar] droit servir le devoit Si est fous qui ne sem p[our]voit De bien faire car cuit li bien Q[ue] chaucuns fera seront suen Ainz en aura p[our] un bien cent & p[our] u[n] mal .c. mal autant & fox est qui cuide de rien Bonte faire a Dex de son bien Ou q[uan]t de mal faire se tient Fors ce que Dex plus chier le[n] tie[n]t Car se li mondes se p[er]doit Ja por ce Dex pis neu vaudroit Ne biens quil ait em poete Se tuit li saint qui ont este Au monde & q[ui] jamais seront Neusent fait nul bie[n] au mont Si orent pl[us] chier mal soufrir & lor cors a martire offrir & dampne se fusent tretuit Ja p[our] ce Dex mains de deduit Ne neust ne nen vausist pis Ne riens qui soit em p[ar]adis Mais li saint furent sage & preu & bien sorent faire lor preu Com cil qui lap[er]curent bie[n] Q[ue] li siecles ne valoit rien P[our] Dex a honte & a laidure En cest siecle qui si pou dure P[our] avoir les biens a touz dis

[Column A]

A la joie de paradis Q[ue] avoit laise dou cors muable P[our] estre em paine p[ar]durable Norent cure des biens t[er]riens Qui a la fin ne font fors fiens Ainz pristrent si lefrain aude[n]s Q[ue] em p[ar]adis sont audedens Mainz les tindrent au mo[n]de et a fox Qui orent bien car giez les cox Decedont al sont descarchie Quem p[ar]adis sont herbergie Encor tient len maint sage fou Qui lor paroles p[ri]sent pou Maint favit sont ore e[n] p[ar]adis Q[ue] sil p[ri]sasent les fox dis Des genz tant [com]me au mo[n]de fure[n]t Neussent pas fait ceq[ui]l dure[n]t Lepl[us] perdissent p[our] le mainz Ausint [com] sont orendroit mai[n]s Qui ta[n]t couvoitent avoir loz Q[ue] p[our] la p[ar]ole des fous Laissent a faire les bie[n]s dex Dont il faissent nuex lor preu Nelaissoient pas p[our] delis Dex a servir p[our] paradis Ouil ont joie et toute en nor Com cil quituit en font feignoz & sautrement leussent fait Touz jors eussent honte & lait En enfer ou touz maus habu[n]de Si est g[ra]nt merveille dou mo[n]de

[Column B]

Comme al qui tele gent sont Qui pl[us] de paine souferront P[our] les los des genz aquester Ou p[our] avoir a amasser Quis pou de temps lor demeure & filor faut dedenz une hore Q[ue] por conquerre ne seroient Laise qui ia ne lor faudroient Q[ue] cil ont ore en lor baillie P[our] un petit de dure vie Qui ne semble fors q[ui] deduit A ceus qui detuer isont tuit & a la fin lor est avis Q[ue] por noient ont p[ar]adis Ausint le puet avoir chaucuns & des biens dex estre quemuns & avoir la joie sainti[si?]me Sil ne perist en lui meisme Mais cil qui la joie desirrent De cest monde tant sen empirent Q[ue] nul bien ne puent aprendre Ne alor favement entendre Si ont plus chier laise dou cors Dom il sont mis plus cost de fors & mene a toutes dolors Q[ue] laise de l'ame a toz jors Len ne p[ri]se bien ne savoir Domine sil na asez avoir Qua mis ou deviers asez P[ar] coi de gens soit a lo sez & dient quil est fous & ni ces

[Column A]

Se dolors ne set ou malices Mes tuit cil de Dex sont maudit P[ar] la bouche dou roi Davit Q[ue] au monde se paine de plaire P[our] nule riens quil sache faire Car cest orguials & chose vaine P[our]coi lame nest mie sainne Dont David dist en son sautier De roi len sert Dex au mostier Maudit fait il son tretuit cil & confuz comme genz dessil Qui au monde plaisent de riens Car elloigniez sont de touz biens Et de Dex sostent & descordent Puis que tel sont quil si acorde[n]t Car Dex les a touz en despit & de sa grace les escondit P[our] ce que au monde q[ui]ert lors Vilz fu tenuz & co[m]me fous & puis dist Dex en levangile Qui ne p[ar]ole pas de guile Tuit cil bon eure seront Qui le monde en despit auront & qui des genz seront hais & dechaciez & tenuz vilz Com fol p[our] amor de mo[n] non Car ou ciel en ont guerredon Ci puet veoir planierement Q[ue] se Dex meismes ne ment & v[er]ite fausete nest Q[ue] tuit cil cui li mondes plet

[Column B]

& qui le los dou siecle acuellent Ne puet estre quil ne sen duelle[n]t Fox est qui avoir en quiert poi[n]t Car tuit cil sont en maves poi[n]t Qui point en quierent & p[ro]chace[n]t Car deables en enfer les chace Qui daus font dolereus co[n]roi Ja ni aura si cointe roi Ne duc ne prince si poissant Q[ue] deables nen face autant Com du plus vilg que[n] enfer viegne Sil fait tant q[ue] a son croc le tiegne Vil & ribaut tuit i deviene[n]t Rois & p[ri]nces qui laiens viene[n]t M[ou]lt se puet plaindre de sez mauz Qui ci est rois & la ribauz Q[ua]nt em p[ar]adis puet co[n]quere Plus noble regne q[ue] en t[er]re Car qui Dex sert tant co[m]me e[st] vis Il en est rois em p[ar]adis Q[ue] tuit li saint q[ui] furent onq[ue]z Au monde or le deservons donq[ue]z & si laissont le mal a tant Puis q[ue] avez oi ci devant P[our]coi Dex fist le monde & lome Si vos dirons ap[re]s la forme Dou monde selonc la facon Coument il est faiz environ Mais raisons est q[ue] nos dions Des .vii. arz & de lors raisons Coument eles trouvees furent

[Column A]

P[ar] ceus qui tant bien sap[er]cure[n]t Car p[ar] eles set on les fes Dou monde coument il est fes Si en devons p[ar]ler avant P[our] mieus entendre a des ava[n]t Or dist cist livres em p[ar]tie Q[ui] est estres dautronomie Coument li sages ca arieres Voudrent enquere les maniere[s] Dou monde coum[en]t fes estoit Dont chascuns m[ou]lt se m[er]velloit Q[ua]nt li mondes fu compassez & il jot de genz assez Si regarderent li plusor Le firmam[en]t q[ui] tout en cor Se movoit si semmerveillere[n]t Coum[en]t cestoit dont il veillere[n]t P[ar] mainte nuit & p[ar] jor cler Lors prenoient & es garder Les estoilles qui se levoient V[er]s orient puis se mouvoient Environ p[ar] desus lors testes Ne pensoient pas co[m]me bestes Qui ne quierent fors la pasture Si [com]me or font cil q[ue] no[n]t cure Fors de vivre co[m]me porcel & couch[er] atese lor pel Ainz veiller[en]t p[ar]mainte[s] nuiz Si ne lor estoit pas anuiz Quil veoient si noblement Mouvoir tre tout le firmam[en]t

[Column B]

Les estoilles movoir veoient Jusq[u]atant q[ue] les se couchoient Contre oriant p[ar]dautre p[ar]t Lune hore tost lautre pl[us] tart Ainsint regardoient en tor Le firmam[en]t jusq[ua] un jor Q[ue] se relevoit li soulanz Au matinet clers & v[er]manz Q[ui] la moitie dou jor montoit & lautre moitie descendoit Tant quil se prenoit aucouch[er] Q[ue] la nuit fesoit aprochier & lors revenoient la nuit Les estoilles en lor conduit Tant q[ue] li soulaus revenoit Q[ui] tout le monde enluminoit & sen aloit son droit chemin Tant quil repairoit au matin Si regarderent de la lune Q[ui] si div[er]sement est une Selon ce quele aprert aumo[n]de A lune fois toute reonde & a lautre aparoit demie Ausint [com]me p[ar]mi trenchie A p[re]s cornue de venoit Ainsint de faillant se[n] aloit Tant q[ue] le nestoit pl[us] veue & puis aparissoit cornue Puis demie & puis toute plaine Si con devant & ausint saine Puis sorent bie[n] p[ar] lor art[e]il