BnF. Département des manuscrits. Français 2173

[Column A]

. C . mesnies p[our] lui servir & chascuns de cele mesnie Tenist . x . autres en mesnie & porp[ri]s g[ra]nt p[our] son manoir Si pouroient il bie[n] chevoir Dedenz le firmam[en]t trestuit & si avroit encor de vuit Pl[us] q[ue] tretuit ne p[our] prendroient P[our] aus esbatre sil voloient Si puent bie[n] savoir les genz Q[ue] m[ou]lt est Damedex puissanz & m[ou]lt p[ar] est de noble afere Q[ua]nt si hautes choses set fere [Com]me est li soulaus & li cielz Tiex sires doit bie[n] estre Dex Q[ui] set fere si noble choses Com nos veons ou ciel encloses Dont m[ou]lt le doit chascuns am[er] Q[ue] bien puet chascuns bo[n] penser Q[ue] ce desus est m[ou]lt gentils Q[ua]nt ce desouz est si soutils Car ce quest desouz est pl[us] granz Q[ue] ce desous . c ^m . tanz & pl[us] que[n] ne pouroit penser P[ar]nombre que[n] seust mostrer Car cest chose sanz nul t[er]mine Q[ue] nule p[ar]t ne se define P[our] coi ne ne puis pas entendre [Com]m[en]t q[ue] riens puise p[our] prendre Cest q[ue] desus le firmam[en]t Ou p[ar]adis son leu p[our] prent

[Column B]

Ne raemplir p[our] riens q[ui] soit Se li biens Dex ne li plaisoit Mes Dex est si plainz de touz bie[n]s Quil aemplit toute autre riens Q[ua] nul bien puise prendre p[ar]t & le mal dou bie[n] se dep[ar]t Q[ui] veut le laisse de toz biens Ausint co[m]me ce ne fust riens Dont son dist q[ue] pechies rie[n]s nest P[our] ce q[ue] toz biens vils est & cors & ame fait si vuit Q[ue] lun avec lautre destruit Car maus vient toz jors avoie[n]t & li biens toz jorz en croissant Por ce nest maus ne pechiez riens Car avoient vient co[m]me siens Nule riens nest q[ua] droit doit estre Fors ce q[ui] premerains puet estre Dou bien se fet bo[n] tenir p[re]s Car il amende tout ades & q[ui] le bien volentiers fet Li biens em p[ar]adis la tret A force & estre li estuet Car aillors demourer ne puet En p[ar]adis lestuet venir P[our] lieu prendre & raemplir Len ne pouroit ta[n]t de bie[n] faire Q[ue] ades ni trovast so[n] repaire Car cil leus na point det[er]mine Ne nus biens ni defaut ne fine & est toz plainz sanz riens de vuit

[Column A]

Touz plains de joie & de deduit Dont chascuns tous sires fera Q[ui] v[er]s Dex le deservira Denfer vos repuis ge tant dire Ou il na fors duel & martire Q[ui] ne pouroit pas estre emplis Se toz li mons estoit peris & tuit en enfer en a lassent Ne p[our] chose q[ue] il portassent Q[ue] ne feissent male fin & q[ue] a des narsissent sanz fin Si a ce dit p[our] ce briement Q[ue] len fache veraiem[en]t Q[ui] nest riens q[ue] lempuisse ente[n]dre Q[ue] au povoir Dex se puisse prendre De nule riens tant soit il plains Li glorieus li souerains De g[ra]nt poissance & de g[ra]nt biens Quen ne povroit co[m]parer riens Car cest cil q[ui] tout establi Mes puis q[ue] dit vos avo[n]s ci La grandesce dou firmam[en]t Q[ui] toz jorz est en movement Ou les estoilles fixes sont Si entendez ou ciel a mont Oue les ne se movent point Ainz sont a des en un seul poi[n]t Si co[m]me uns hons q[ui] se muast Dacun leu & aillors a last Li premiers leus ne se mouroit Mes cil q[ui] ades sen iroit

[Column B]

Si com p[ar] un cercle environ Ou il revenist jusq[ue] en son Souvent iroit de leu en leu Tant q[ui]l vendroit au premier leu Mes li leu ne se moveroient Q[ua] des en un point se cendroient Ansint de cel ciel entendez A[ue] nus leus in est remuez Destoilles ne de firmam[en]t Ainz se tienent tour finem[en]t Cel ciel convient ente[n]dre bie[n] Cil qui sont astronomien Cest cil q[ui] dient q[ui] nos rent La bloe color q[ui] sestrent A mont en lair q[ua]nt nos veons Q[ue] li airs est purs environ & est de si g[ra]nt a trempa[n]ce Q[ui] ni puet avoir violance Cil ciex enclot le firmam[en]t Or dirons nos esp[ar]tement Q[ue] cest que[n] puet de sus ente[n]dre P[ar] oir ni puet len rie[n]s prendre Ne p[ro]ver ce cest voir ou non P[ar] nul art de demontroison Si co[m] de ce quem puet veoir Car sens doume nia povoir Mes toute voies vos en dirons Ce q[ue] en aucun livre trovoz Q[ue] aucuns philosofe en penseret Q[ue] aucune raison itroverent De sus ce ciel selonc aucuns

[Column A]

Est uns autres cel toz q[om]muns Environ a mont & a val Si co[m]me coulor de crital Blanc clerc & noble & m[ou]lt fin & lape lon ciel cristalin De souz celui ciel tout en tor Est uns ciel de propre color Si co[m] li devin vellent dire & la pellent le ciel empire Cil est plainz de toutes biautez Pl[us] q[ue] nus q[ui] ci soit nomez & est p[ar]tout lair clers & biaus .vii. tans pl[us] q[ue] nest li soulaus De celui ciel chairent jus Li mal angle dorguel [com]sus La sont li saint angle tretuit Dou celestie[l] p[ar]adis. xxi. Se p[ar]adis voles entendre P[or] ce quest desus p[or] aprendre Sanz pechie fere le ponez Car li leus est bie[n] eurez Ni puet avoir selonc raison Se bien & toute joie non Car li biens de la trinite Ou Dex siet en sa majete Mes la faut entendemenz do[m]me Car nus ne[n] puet savoir la so[m]me & la le co[n]vient estre a droit Mes il est si p[ar]tout q[om]muns Q[ui] veoir le puet on chascuns

[Column B]

Q[ui] env[er]s lui de servi la & il voit & ca & la P[ar] tout voit & p[ar] tout regarde Con cil qui toz biens a en garde Dont example prendre povez Par] aucun q[ue] p[ar]ler oez & si ot sa p[ar]ole toute Chascuns q[ui] cele p[ar]t es coute Toute lentendent p[lu]sorz genz Ensemble & en seul tens Chascuns toute la p[ar]ole ot Ausint povez a un seul mot Q[ue] pl[us] sorz oient chascuns tot & en toz leuz igalment est Q[ue] la clartez q[ui] dou seu nest Quen lumine un chose & autre Ausint tost lune co[m]me lautre Metez pl[us] sors choses en tor Ausint tost vendra lesplendor A ce le qui sera de ca Com a lautre q[ui]ert de la Q[ua]nt ces choses ont tex v[er]tuz Bien en doit avoir on cor pl[us] Cil q[ui] tout fist & tout crea & qui toz biens de dens lui a Som paradis estent p[ar] tout Con cil q[ui] sires est dou tout Em p[ar]adis sont tuit li angle Tuit li saint & tuit li archangle Q[ui] devant Dex chante[n]t tretuit Dloire & loenge & g[ra]nt deduit

[Column A]

Q[ui] nest nus qui peust entendre Ne cuers dome ne pouroit ente[n]dre Quest p[ar]adis ne com grant joie Cil i ont a cui Dex lotroie Li mieudres clers de tout le mo[n]de Tant co[m]me il dure a la reonde Li pl[us] soutilz li mieuz p[ar]lanz [Com] q[ue]s fuit en t[er]re vivanz Ne qui james estre i peust Se .iii.langues p[ar]lans eust Dont chascune p[ar]last p[ar] soi & eust .iii. cuers dedens soi Le pl[us] soutil quem pouroit p[re]ndre Encors do[m]me p[our] miex entendre & chose peust avenir Quen semble peussent venir Dedenz son cors & puis peusent Pl[us] en ser animaus q[ue] il seussent Touz jors a paradis de scrire Chascune langue peust dire Lentention de chascun cuer Ne portoit il pas a nul fuer Conter em p[ar]ole ne [n] rime De la g[ra]nt joie la milleme Q[ue] li pl[us] poures i aura Honis soit q[ui] la ne sera Car cil qui est em p[ar]adis Ne non droit pas estre atoz dis De tout le monde rois puissanz Por faire tre toz ses q[ue] manz Pl[us] convient q[ui]l fust un sol jor

[Column B]

Fors de p[ar]adis a se jor La est la vie p[ar]durable La est chascune chose estable Ainsint q[ue] james ne faudra Ne james mors ne la saudra Car sanz fin i sera toz dis & si aura pl[us] de delis Q[ue] nus hom ne pour roit penser Tant i seust son tens user

[Image]

Por enfer & p[or] paradis E entendre lonc nostre delis & planetes & firmament Ceste figure vos present Des or finerons cest roumanz Puis q[ue] oi avez au co[m]menz De Dex p[our]quoi le mont forma & p[our]coi lo[m]me tant ama Q[ui]l le forma a sa semblance & de bien & de mal poissance Ap[re]s p[our]quoi il nel fist tel Q[ui]l ne feist pechie mortel C[om]ment q[ue]l entrova p[re]miers Les .vii. arz & de lors mestiers Pius des .iii. manieres des genz Quem posa en lancien tenz Image description: Circle in red ink. Inside the reader is instructed in the same red ink: p[re]nez la derreane figure por ceste ci si verez tote lima ge dou mu[n]de.

[Column A]

Coum[en]t clergie est recouvree Tant q[ue] ore est en France trovee De nature co[m]ment ele oeure Div[er]sement en chascune oeure Q[ue] cest & q[ue] le creature Savez oi de la feture Dou monde & la devision Des .iiii. elemenz environ Q[ui] setient ou firmament Co[m]ment lat[er]re finement Setient ou mileu tout p[ar]mi & la petitesce de li Env[er]s le ciel tre tout en tor C[om]m[en]t li soulaus fet son tor & li autre planetes ausi Ce avez vos p[re]miers oi Ou secont vos est de visec Lat[er]re ou ele est abitee De la mape mo[n]de tout lestre Premiers dou p[ar]adis t[er]restre Dinde les div[er]sitez g[ra]nz Des arbres des bestes des genz Des oisiaus & daucun poissons & des choses q[ue] nos avons Ou en fers siet li dolereus De la paine au maleureus Q[ui] laienz sont mis entorm[en]t Ap[re]s dou secont element Cest leue des fluns de fontaine[s] Chaudes froides males & saine[s] Q[ui] sont en div[er]ses contre[e]s

[Column B]

Comment la mers de vient salee Coument la t[err]e crolle & muet Pius de lair co[m]me[n]t vente & pluet De s tempestes & des tonnoirres Dou seu & de cheans estoilles & lair pur des planetes .vii. & coument li bisextes nest Dou firmam[en]t & de son tor & des estoilles tout en tor Ou .iii. avez oi le corz Co[m]ment il est & nuiz & jorz De la lune & puis dou soleil Co[m]ment il lirent a p[ar]eu Com[en]t chauscu[n]s p[ar]t sa plendor Aucune fois & nuit & jor Des eclises qui lor avienent & des v[er]tus q[ue] les soutienent De la g[ra]nt eclipse Jh[es]u Dont Saint Denis c[om] v[er]tis su De la v[er]tu dou firmam[en]t & des estoilles ensem[en]t Co[m]m[en]t len mesura le monde Le ciel & lat[er]re reonde De Tholomeu & de ses sens DAdan & daucune autre gens Coum[en]t clergie fu sauvee P[or] le deluge & controuvee Des genz qui fure[n]t de bo[n] sens & des m[er]ueilles q[ua] son tens Fist V[er]giles p[ar] sa clergie P[or] coi fu monoie establie