BnF. Département des manuscrits. Français 2173

[Column A]

Des philosofes q[ui] aloient P[or] aprendre ce quil de voient De philosophie autre si & q[ue] Platons en respondi Combie[n] t[er]re une soulaus Ont de g[ra]nt chascuns en droit au[s] & des estoilles les estages De lor nombre & de lor ymages Le haut le g[ra]nt dou firmam[en]t Dou blou ciel q[ui] desus replent Dou ciel empire & cristalin Si avez oi a la fin De p[ar]adis & de son estre & de Dex q[ui] p[ar] tout puet estre De sa gloire & de sa biaute De ce vos avons nos conte & rendu aucunes raisons Au plus briem[en]t q[ue] nos savons Car nont cure de longues gloses Les genz dor ainz aiment bries cho/ses Co[m]me cil qui sont de brief sens Car lor nature est de brief tens Brief sont lor cors brieves lor vies Car empoi de tens sont fenies & toz jorz pl[us] brief de ven dront Ius q[ue] atant q[ua] noient iront Car cist siecles de temps en tens Tres passe autre fint [com]me vens & de fenist de jor en jor Chascuns i fait petit se jor Car tant est plains de vanite

[Column B]

Q[ue] point nia de v[er]ite Cil qui pl[us] de morer i cuide Est souvent cil q[ue] en cois leu vide & pl[us] tost in vert pl[us] tost fait bie[n] Q[ui] tant [com]me il vit face bie[n] Car nus nest qui sathe a q[ue] le ore La mort li doie corre sore Tex se cui de en cor bie[n] esbatre Vanz & puis sa cope batre Q[ue] en mainz de v iors est alez & ou puis den fer avalez Si est sages & bien ap[ri]s Q[ui] ou servise Dex est pris Tant co[m] Dex li preste le sens & il en a loisir & tens Car Dex len rendra si haut don Q[ue] toz biens aura abandon & la joie de paradis Q[ue] Dex nos otroit atoz dis A cui toute pitiez abunde Ci fenist limage dou mo[n]de A Dex commence a Dex prent fin Q[ui] ses biens nos doint a la fin En len del incarnation Au rois a la parition m. cc. & xl. v. anz Fu premiers p[or] sez cist roumanz Vos qui avez oi le scrit Dou filg Damedex ih[es]u crist & puis do mont q[ue] Dex forma Li siecle un autre forme a

Q[ue] vos de ves ap[re]s entendre Q[ui] dou siecle volez entendre Quex chose est & co[m]m[en]t va Touz jors amen & cetera Finito explicit lib[er]

[Image]

Image description: rota diagram with sixteen concentric circles showing the celestial spheres in red ink with labels in dark brown. Stars appear in the circles for the planets and firmament. From the outermost to the innermost circle the labels read as follows: Deus li ciel empire cherubin potestares dominaciones archangeli angli homo virtutes principatus troni seraphin li ciel cristalins li novis mes ciel li firmame[nt]s saturnes iupiter mars solaus venus mercurius lune (moon shape in red ink) feu air eue terre enfer