BnF. Département des manuscrits. Français 2173

ReadAboutContentsHelp
Français 2173

Pages

6r
Complete

6r

[Column A]

Q[ue] le saprouchoit dou souleil Jusq[ua] tant quendroit lui estoit & puis diluec se dep[ar]toit Si q[ue] a dessen eslonioit plus Tant quele estoit ausint desus [Com] ele avoit este devant & lors sen raloit ap[ro]chant Puis sem p[ar]toit puis sen raloit Ainsint jor & nuit sen aloit Torniant & fesant son tor Avec le firmam[en]t entor Ausint co[m] ele fait encores Sanz riens muer mes la g[ra]nt dores Pensent plus a un autre afaire Por lor chaitif cui rien gras faire Q[ui] si tost se trait a la fin Por trop meng[er] p[our] boivre vin Metent cors & ame a essil Ausint ne faisoient pas cil Car ne queroint fors meng[er] Tant q[ui]l peussent alegier Le fain p[our] cors soustenir & lor vie en sante tenir Si q[ue] de lor sens se peussent Aidier si co[m] mestier eussent P[our] venir a la droite sente De la gloire Dex dont li .xxx. Vivoient lors pl[us] longuem[en]t Q[ue] ne font orendroit li cent P[ar] contenance vaine & fole Nentendoient pas la p[ar]ole

[Column B]

Q[ue] [Jesus] Crist dist au deable Q[ui] le cuida tenir p[ar] fable Q[ua]nt il li dist q[ue] pain feist Des pierres Dex tantost li dist Li hom ne vit pas de pain fol Q[ui] le ventre li fait saol Mes il vit de toute p[ar]ole De coi la bouche Dex p[ar]ole Se bien ceste chose entendoient Plus volentiers en aprendroie[n]t Les p[ar]oles qui de Dex vienent Mes les granz rentes q[ui]l retiene[n]t Lors vies lor cors amenuisent P[our] les mengiers qui ta[n]t lor nuise[n]t Q[ue] nature nel puet soufrir Dont plustost les couvient morir Ainsint li g[ra]ns avoir lor emble Lors cors & lors vies ensemble & mainent p[ar]durable mort Dont maint en sont dampne a mort Q[ui] [con]seillier ne se povoient Q[uant] m[er]veilles meng[e]s amoient Ne vivoient pas [com]me cil Q[ui] por aus oster de p[er]il Sestudioient en clergie Et sauvoient ainsint lor vie Q[ui]l voloient si vivre lors Q[ui]l peussent soustenir lors cors Tant co[m]me au siecle se vivoiet Si co[m]me cil q[ui] bien savoient Q[ue] pou lor duroit ceste vie

Last edit over 3 years ago by jag919
6v
Complete

6v

[Column A]

Si navoient nule autre envie Fors q[ue] de querre tel science Dont il eusent sapience De counoistre le souverain Q[ui] tout avoit fait de sa main & penserent bie[n] en lor senz [Com]me genz de noble p[our]penz Q[ue] ja navroie[n]t counoissance De dex ne de sag[ra]nt poissance Se de ses euvres neq[ue]roient Tant [com]me savoir em porroie[n]t Ja ne counoistra len le mestre Se len ne counnoist de son estre & de ses eures quex eles sont Q[ui] de lui tesmoignage font Car p[ar] leure counoist le[n] lestre De louvrier & quiex il puet estre P[ar] leure counoist len lovrier P[our] ce sen voudrent essaier Aus oures dex premierem[en]t P[our] avoir plus legierem[en]t Counoissance de som povoir Et q[uant] plus pouroient savoir De ses oeuvres & de ses senz Tant avroient mieudre p[our]pens Damer lor verai creator Qui avoit fait si noble ator Co[n] ciel estoit q[u]il veoient & les estoilles qui lui soient & si m[er]veilleuses v[er]tuz Dom il le priseroient plus

[Column B]

& tant complus le p[ri]seroient Plus volentiers len serviroient & ce fu lor ententions De dex counoistre & ses raisons Q[ue] bien sorent de verite Q[ue] dex lor avoit senz doune P[our] raison & nature q[ue]re Des choses dou ciel & de la t[er]re Tant co[n] plus savoir empeussent Autrem[en]t bien pense eussent Car nuiz ho[m] de ses haus secrez Tant soit sages hom ne doutez Ne pouroit enq[ue]re raison Ne de ses miracles sil non Car tout set p[ar] fine droiture Mes de ce les qui p[our] nature Sont faites en ciel & en t[er]re Puet bien li ho[m] raison enq[ue]re Daucune sil est de bo[n] senz Et en clergie met son tenz Puis q[ue] raison avoient quise P[our] lor g[ra]nt estuide & aprise P[our]coi touz li mondes fu faiz Si [com] adevant est retraiz Si penserent q[ue] bien porroient Pius q[ue] de tout raison avoient De p[ar] dex qui done avoit Raison aucun lonc quil savoit Au mains de celes q[ui] peussent Veoir aus eiauz [com] loig q[ue] fussent Ainsint voudrent raison avoir

Last edit over 3 years ago by BJPR
7r
Complete

7r

[Column A]

De ce quil veoient mouvoir Les estoilles dou firmam[en]t & reluire si clerement Fu ce quil les mist en entente Au premier de q[ue]re sciente Si sorent bien q[ui]l en q[ue]roient Plus tost des choses quil veoient Q[ue] de cele dont nule pert P[ar] lune lautre trouvee ert P[ar] cete furent il es meu De q[ue]re ce quorent veu Le firmam[en]t ainsi movoir Tant quil en eussent le voir & distrent q[ue] m[o]lt bie[n] faisoit Savoir de ce q[ue] dex plaisoit & de ses oeures naturez P[our] miaus croire q[ue] il fust dez Car len ne puet trover raison De dex sep[ar] sez oevres non Li viel preudome ancien Q[ui] de ce sa penserent bien Norent de nul autre avoir cure Fors da prendre science pure [N]e furent mie couvoiteus Davoir & mains i ot de ceus Q[ue] de lor avoir sa p[ar]curent Si c[om]me sage q[ue] il furent Q[ue] tost i pouroient penser Aucune foiz p[our] bie[n] garder Ou en despendre mestre cure Quil despendisent a mesure

[Column B]

Ou p[our] autres eures assez Q[ue] cil ont qui sont amassez Si lor peust ainsint toloir De lor aprendre aucun loisir Tantost ainsint le dep[ar]toient Q[ue] li un emmer le getoient Li autre le clamoient cuite Si sen aloient [comme] hermite Li autre le lor de p[ar]toient Ainsint plusor sendep[re]toient Si co[n]miauz lor estoit avis Q[ue] mainz ipensasent toz dis Ne ne retenoient sanz plus Fors tant solement p[our] lor v[is] & vouloient bien retenir Aucunes genz p[our] lor servir Si quil nel couvenist entendre A nule riens fors a la prendre Lors si faisoient lors maisons Ausint co[m]me religions Ensus de genz & se metoient Entelleu quensemble veoient La semaine . iij . fors ou . iiij . P[our] eaus solacier & esbatre & rendoient chaucuns raison Selonc la soue entention Tant quil avoient esprouve Ce q[ue] chaucuns avoit trove & fesoient de celui mestre Q[ui] plus connoissoit de lor estre & q[ui] estoit pl[us] de g[ra]nt sens

Last edit over 3 years ago by BJPR
7v
Complete

7v

[Column A]

Si les lisoient p[ar] assens & cil recordoit lors raisons De chaucun vant les co[m]paigno[n]s & ensemble les concordoit Si q[ue] chaucuns si acordoit Lors metoit chaucuns en escrit Ce q[ue] li mestres avoit dit Ainsint furent p[re]miers clergies Controuvees & avunties Tant penserent si [comme] miaus pore[n]t Q[ue] de p[ar] dame Dex en sorent G[ra]nt p[ar]tie de ce quen est De qui toute science nest Mes ne fu mie si p[ar] temps Oncor i treuvent bie[n] lor te[m]ps Car cil qui premerain estoient Tout ce q[ue] a lor temps entedoient Si en fesoient les escriz Si co[mme] miaus lor estoit avis P[our] ce q[ue] cil q[ua]pres venissent & entremetre sen vousissent Tenissent lors escriz ap[re]s & q[ue] issent touz jors ap[re]s & aissint cil ap[re]s le firent Tout ce q[ue] trovere[n]t & virent Mistrent en compilations & [con]corderent lors raisons Tant firent chascuns en lor te[mp]s Q[u]il mistrent pl[us] de .iim. anz Ancois quil eussent aquises Les .vi. ars & ensembles mises

[Column B]

Mes bie[n] tindrent a emploie Ce q[u]il orent traveillie Car il savoient p[ar] lors sens Quanq[ue] il veoient en lor temps En t[er]re p[ar] sens de nature Q[ua]nt metre i voloient lor cure Si ne sem[er]veilloient pas Q[ua]nt il avenoit aucun cas Merveilleus en ciel ou en t[er]re Car bien les avoient enq[ue]re La raison p[our]coi ce estoit Puis q[ue] p[ar] nature avenoit & si en amoient Dex plus Q[ua]nt veoient teles v[er]tus Dont il veillerent mai[n]te nuiz Si lor estoit m[o]lt g[ra]nt deduiz Q[ua]nt si haute chose trouvoie[n]t Dont env[er]s Dex tant sai[n]t estoie[n]t Q[ue] il counoissent v[er]ite & laissoient la vanite De cest siecle q[ui] si pou vaut P[our] avoir joie q[ui] ne faut Dont maint q[ui] philosophe fure[n]t A tort & sanz forfet moururent P[our] droiture q[ui]l anuncoient Aus g[ra]nz seignors & les blasmoient Lor mauvestie & lor ordure & lor preschoient droiture & cil croire ne les voloient & q[ui] honte avoir i cui doie[n]t De ce q[ue] si les blasmoit hom

Last edit over 3 years ago by jag919
8r
Complete

8r

[Column A]

Les faisoient mestre em p[ri]son Ouil les fesoient ocirre Dont cil soufroient le martire P[our] droiture & por verite Dont il erent en charite Si com li saint q[ui] mort soufroient P[our] la loi q[uant] vantier voloient Si ot de tex qui p[ar] lor sens P[ro]phetisoient le saint tempz & la venem[en]t jh[es]ucrist Si come v[ir]giles qui dist Qui fu au tens cesar de roume Do[n]t mai[s]t de vindren puis preudo[m]me Dist q[ue] une novelle lignie Sestoit dou haut ciel eslaissie Q[ui] en t[er]re feroit v[er]tuz Dont deables seroit conclus Dont sainz pol q[ui] vit les escris Qui m[o]lt p[ui]s a lui & ses dis Dist de lui a cuer irascu Ha quel ge teus se rendu Se tu eusses tant vescu Tant q[ue] ge fuse a toi venu Autres philosophes i ot Dont chascuns dist aucun lo[r] mot Mais ne pouons or pas ci lire Touz les biens q[ue] om pouroit dire Preudomme furent & vaillant Q[ua]nt clergie mistrent avant Car se p[ar] clergie ne fust La ne seust hom q[ue] dex fust

[Intercolumn Text at ll 12 and 19]

[Column B]

& sil ne fussent si preudo[m]me James neust on si g[ra]nt co[m]me De clergie ce[st] len a ore Si peust len m[o]lt bie[n] encore Trouer ap[re]s sil fussent tel & il feussent autre tel [Comme] cil firent p[re]mierem[en]t Mes clergie vait anoient Si q[uant] poi quel ne perist toute P[ar]coi les genz ne voient goute A bien & les autres aprendre Car cil qui deussent entendre A donner essample de bien Ce sont cil q[ui] mains font de bie[n] & se p[ar] lor folie avient Q[uant] nul clergie ap[re]s ne tient Ne nus a droit ne si alie Ne quierent fors savoir la lie Car nus ne quieit forz ta[n]t savoir Quil empuisse aquester avoir & q[ua]nt il a avoir assez Si valt pis q[ue] devant assez Car avoirs sorp[ul]s si fort la Quil ne puet entendre fors la & mai[n]t poure q[ui] aprendroient Volentiers se pouoir avoient Ni puent pas ainsi entendre S[i] lor vivre quil no[n]t ou pre[n]dre Ne nont de coi avoir nul livre Ainz lor couvient q[ue]re loir vivre Car li riche ont tout si saisi

Last edit over 3 years ago by BJPR
Displaying pages 11 - 15 of 112 in total