BnF. Département des manuscrits. Français 2173

ReadAboutContentsHelp
Français 2173

Pages

11r
Complete

11r

[Column A]

Esamble q[ui]l ont fait ainsi Con cil cui ca arieres firent Q[ui] lor clostures se mistrent Ensus de genz p[re]mier enq[ue]rre V[er]ite dou ciel & de t[er]re Si en a Dex fait g[ra]nz bontez A ceiaus qui sont en lors citez En lor chastiaus & en lor viles Car il ne servent pas de guiles Ainz se painent de sermo[n]ner P[or] les autres a bie[n] mener Car se ne fust p[ar] lor bontez Ie cuit bie[n] q[ue] crestientes Fust ore malem[en]t asaillie De mescreanz [et] malbaillie Sil se tienent en lor emp[ri]se Com cil q[ui] la cure ont jus mise Dou siecle sanz baer ariere Il ont assez bone maniere Dom a pov[er]te se sont mis P[or] Dex & p[or] touz ses amis [et] maint autre au mo[n]de si so[n]t O ceaux qui voient q[ui] bie[n] font Si en devons Dex gratier & nos cuers m[o]lt esleecier Ta[n]t q[ue] p[ar] droit en puisson traire Au saint ceaux p[or] n[ost]re bie[n] faire Dont Dex nos doint si bo[n] povoir Q[ue] tuit puissons estre si oir Mes de ce lairons ore ester Puis q[ue] avez oi raco[n]ter

[Column B]

Coument les ars furent trouvees P[ar] ceaux de bones renoumees Si uos dirons de lor afaires Vn petit q[ue]les sevent faire Sanz eles muert toz senz humai[n]s [et] toute euvre faite de mains Toute prouesce & aspretez Toz bienz & toute humanitez P[or] ce me semont ma matire Leuvre de chascune descriure & puis la {na}ture dou monde Coument est fais a la reonde Mes des vii arz diron avant Q[ue]n ne doit pas giter a vent {3-line high red initial with blue pen-flourishing} La premeraine des vii arz dont il nest pas seuz li quarz Au tans dore si est gramaires Sanz la q[ue]le nus ne vaut gaires Q[ui] de clergie velt entendre Car pou puet len sanz lui ap[re]ndre Gramaires si est fondem[en]t De clergie & coume[n]cement Ele est la porte de science P[ar] coi len vient a sapience Des letres est gramaire escole Q[ui] ensaigne & forment p[ar]ole Soit en latin ou en rouma[n]z Ou en toz langages p[ar]lanz Q[ui] bie[n] savroit toute gramaire Toutes p[ar]oles savroit faire P[ar] parole fist Dex le monde

Last edit over 3 years ago by jag919
11v
Complete

11v

[Column A]

Car sentente est p[ar]ole munde La seconde art si est logique {2-line high blue initial with red pen-flourishing} que[n] apele dialetiq[ue] Ceste demostre voir [et] faus P[ar] coi len counoist bie[n]s [et] maus Q[ui] bien savroit logiq[ue] toute Bien [et] mal proveroit sa[n]z doute P[our] bie[n] fu criez p[ar]adis [et] p[our] mal enfers establis La tierce retoriq{ue} a non {2-line high red initial with blue pen-flourishing} q[ui] est droiture de raison [et] ordenance de p[ar]ole Quele ne soit tenue a fole De ceste sont li droit estret P[ar] coi li jugem[en]t sont fet Q[ui] esgarde sont p[ar] raison En cort de roi [et] de baron [et] forjugies choses males De cest art furent decretales A tretes [et] decres [et] lois Qui mestier ont en toutes lois Q[ui] retoriq[ue] bien savroit Il counoistroit [et] tort [et] droit P[ar] tort faire est li hom p[er]duz [et] p[ar] droit sa vie ses vertuz La quarte a no[n] arismetiq[ue] {3-line high blue initial with red pen-flourishing} ceste vient ap[re]s retoriq[ue] [et] emi les ·vii· ars sest mise Car sanz lui ne puet estre ap[ri]se Nule des arz p[ar]faitem[en]t Ne bien seue entierem[en]t

[Column B]

Deuant q[ue] len sache ceste art Car toutes i prene[n]t lor p[ar]t Ne ne pouroient estre sanz li P[or] ce sest ele mise emmi Des ·vii· arz [et] q[ua]rre son nombre De ceste moevent tuit li no[m]bre Par coi tout corrunt [et] tout nest Car nule riens sanz no[m]bre nest Mes poi voi co[m]ment ce puet estre Qui des ·vii· ars na eu mestre Tant quil en sache adroit rie[n]s dire Si ne povons pas ici lire Car qui velt espondre tel chose M[o]lt li couvient faire g[ra]nt glose Q[ui] arismetiq[ue] set bie[n] Il verroit ordre a toute rie[n] P[ar] ordre fu li mondes fez [et] p[ar] ordre sera desfez La quinte a no[n] gyometrie {3-line high red initial with blue pen-flourishing} q[ui] pl[us] vaut a astronomie Q[ue] nule qui ci soit noummee P[ar] lui est ele mesuree Car ele compasse [et] mesure Toute riens ou il a mesure P[ar] lui puent len savoir lestors Des estoilles qui uont touzjors [et] la grandor dou firmam[en]t Souleilg lune t[er]re ensem[en]t P[ar] lui set len de v[er]ite De toute riens la qua[n]tite Ja si soutive ne sera

Last edit over 3 years ago by BJPR
12r
Complete

12r

[Column A]

P[or] que lenvoie desque la Qui bien entent geometrie Voit mesure en toute mestrie P[ar] mesure fu fais li mondes & hautes choses & p[ar]fondes {2-line high blue initial with red pen-flourishing} La siste si a no[m] musique Qui se forme darismetique De ceste muet toute ate[m]pra[n]ce & de lui fisiq[ue] savance Car ausint co[m] musiq[ue] acorde Tout ce q[ue] en son cuer acorde & a co[n]cordance ramaine Tout ausint fu si q[ue] se paine De ramener a main Q[ui] se destempre en cuer humain Q[ua]nt aucuns malades enco[m]bre Mes ele nest mie dou no[m]bre Des .vii. arz de philosophie Ainz est uns mestiers q[ui] salie A cors doume de mal saner & de maladie garder Tant co[m]me il se maintie[n]t en vie & p[or] ce liberauz nest mie Car ele sert dou cors garir Q[ui] aucune foiz puet perir & nule riens liberaus nest Ne franche q[ui] de t[er]re nest & p[or] ce science q[ui] sert Au cors humain fra[n]chise pert Mes celes q[ui] a lame servent Liberau no[n] au cors deservent

[Column B]

Car lame doit liberaus estre Si co[m]me chose de noble estre [Com]me cele qui de Dex muet & a Dex retorner sen vent & p[or] ce arz liberaus sont Car lame toute franche font & ensaignent quanq[ue] en doit faire P[ro]prement a chascun afaire I ceste est la droite raison P[or] quoi arz liberaus ot no[m] Q[ue]le fait ames liberaus & delivre estre de toz maus De ceste ot musiq[ue] le no[m] Qui si bien sacorde a chascun Q[ue] p[ar] lui concordees furent Les vii arz si co[m]me eles dure[n]t De ceste sont li chant estret Q[ui] en sainte iglise so[n]t fet Toute acordance destrum[en]t & des .vii. vois acordem[en]t Q[ui] de musiq[ue] a la science De toute rie[n] a lacordance Toute riens q[ui] de bie[n] se paine A concordance se ramaine {3-line high red initial with blue pen-flourishing} La vii est astronomie Q[ui] est fix de toute clergie Ceste ensaigne raison e[n]q[ue]re Des choses dou ciel [et] de t[er]re Q[ui] par natures faites sont Ja si loigtiegnes ne seront Q[ui] astronomie set bie[n]

Last edit over 3 years ago by jag919
12v
Complete

12v

[Column A]

Il set raison de toute rien Dex dist toute rien p[ar] raison Q[ue] a chascune douna son don P[ar] ceste art fu premiers enq[ui]se Toute autre science [et] ap[ri]se [et] decrez [et] dumitez P[ar] coi toute crestientez Se co[n]vertist a droite foi De servir le souverain roi A cui touz biens sadone [et] lie Cest Dex qui fist astronomie [et] ciel [et] t[er]re [et] les estoilles Co[m]me cil qui est li droiz voiles De tout le monde gov[er]ner Car riens ne puet sanz lui durer Cest li hauz astronomienz Q[ui] set touz mauz [et] set toz bie[n]s Com cil qui fist astronomie Quen souloit tenir p[or] amie Car cest uns arz de m[o]lt noble est[re] Qui bien sages em pouroit estre Car cest la science q[ui] soit P[ar] coi len counoist pl[us] adroit Coum[en]t li monz est compassez [et] dautres choses m[o]lt assez P[or] lui sele furent trouvees Les autrez arz deva{n}t noumees Sanz eles q[ue] nuz ne pouroit Savoir astronomie adroit Tant fust sages ne posteis Q[ue] ausint co[n] hache ou autre ostiz

[Column B]

De macon ou de charpentier Est estrumenz a son mestier Tout ausint p[ar] droite matiere P[ar] raison p[ar] droite maniere Sont les ·vii· arz li estrumenz Dastronomie [et] fondemenz [et] p[ar] lor sens [et] lor maniere Li preudome ca enariere Roi duc p[ri]nce [et] g[ra]nt seignor Metoient [et] paine [et] labor En savoir les arz de clergie P[or] entendre astronomie Tant q[ui]l en savoient g[ra]nt p[ar]t Dastronomie par lor art Selonc la volente devine Maint g[ra]nt afaire mai[n]t couvine Q[ui] avenoient p[ar] le monde Si ne p[ri]soient ne q[ue] une onde Q[ui] p[ar] leue sen va si glant Tant q[ue]le se vait defaillant Con cil qui les raisons savoient Des choses quen t[er]re avenoient Si estoit costume a cel tens Q[ue] nus nert sers a autres gens Ne nus hauz ho[m] ne nus vilains Tant fust de g[ra]nt richesce plai[n]s Vousist riens des ·vii· arz aprendre P[or] les gentilz q[ui] tuit entendre I voloient li p[ri]ncipal Q[ue] frans fussent [et] liberal Si lor mistre[n]t p[ar] tel raison

Last edit over 3 years ago by BJPR
13r
Complete

13r

[Column A]

Les ·vii· arz liberaus a non & adroit car si franches sont Q[ue] lame tou(t)e franche font & sont si adroit ordenees & si entierem[en]t donnees Quen ni puet riens oster ne metre Tant sen seust ho[m] entremetre P[or] chose quil i transmuast Q[ue] toutes nes desfigurast Eles sont si faites adroit Q[ue] nus hom riens ni remordroit Tant fust sages en tout le mo[n]de De sens de science p[ar]fonde Paiens iuis ne crestiens Ni pouroit contrester de riens Q[ui] les ·vii· arz adroit sauroit E en toutes lors creuz seriot Q[ue] nus nel pouroit contrester De chose quil uosist prouer P[ar] raison uiue proueroit Quanquil uodroit & tort & droit Si est fox q[ui] cuide sauoir Adroit nule chose de uoir Q[ui] a clergie sap[ar]tiegne P[ar] nule chose qui auiegne Se p[ar] miracle nauenoit De Dex qui tout faire pouroit Se des vii ars ne set encois Car tout ne li uaudroit un pois A ce quil peust riens p[ro]uer Ne faus ne uoir a demostrer

[Column B]

Car en toutes lois sont creues P[ar]tout ou eles sont leues Nus nest tant soit de lois diu[er]se Q[ui] sil entre autre gent co[n]u[er]se Mes quil sache riens des vii arz Quil ne pruet drois de toutes parz En toutes corz en touz usages P[ar]tout dist raison co[m]me sages Qui qil soit sil estoit paie[n]s Q[ue] nus iuis ne crestiens Li puisse de riens co[n]tredire De nule riens q[ui]l ueille dire Ne p[ar] lois ne p[ar] decretales Ne p[ar] raisons bones ne males Ne p[ar]coustumes q[ui] or sont Ne p[ar] iugement q[ui] les ont Toutes loiz aus vii arz se tiene[n]t P[ar]tout les croient & retienent Ou il ait gens q[ui] riens en sachent Car toutes raisons si atachent P[ar] touz leuz p[ar] toutes saisons Sont ades uoires lors raisons Ne sont pas sciences muables Car touziors mes seront estables Si laisserons deles atant Puis q[ue] oi avez ci deuant De lors senz & de lor afaires Si nos deuons ap[re]s retraires Nature quele ele est briem[en]t Q[ui] Dex cria premierem[en]t Ainz quil feist nule autre riens

Last edit over 3 years ago by BJPR
Displaying pages 21 - 25 of 112 in total