BnF. Département des manuscrits. Français 2173

[Column A]

Tant com nos aions cors mortel Cele clarte dont dit avon qui a aers esperitals non Dont li angle prenent ator Environe tretout entor Les .iiii. elemens q[ue] Dex fist Q[ue] lun p[ar] delez lautre asist Cest feus & aers & eue &] t[er]re Dont li uns en lautre seserre & li uns lautre ainsiut soutient Q[ue] la t[er]re ou mileu se tient Li feus qui est premierement Enclost cest air entierement & cist aer enclot leue ap[re]s Quentor la t[er]re setient p[re]s Tout ausint [com]me e[n] voit de leuf Q[ue] laubun enclot le moiel & emmi le moiel sabesse Une goute si come gresse Qui de nule p[ar]t ne se tient & la gresse qui la sortient Nen i touthe de nule p[ar]t Ausiut est p[ar] itel esgart La t[er]re enmi le ciel asise & surmem[en]t en sus mise Q[ue] siest longue en haut [comme] bas Ausint com li poinz dou co[m]pas Qui tout emmi le cercle est mis Cest adire ou pl[us] bas asis Car de toute forme a compas & li poinz emmi le pl[us] bas

[Column B]

Ausint sont li .iiii. element Li uns en lautre entierement [image] Si q[ue] la t[er]re est toute en mi Q[ue] autant a douciel desouz li Touz jors co[m]me il ap[art] desuz Ceste figure em nostre lus Por ce q[ue] la t[er]re est pesanz plus que mis des .iiii. elemenz Se tient ele pl[us] bas emmi & ce quest legier entor li Car q[ue] plus poise pl[us] bas tret & quanq[ue] poise a li a tret P[our] ce nos couvient jondre a li & quanqui est a tret a li Tout a des dev[er]s le milieu Ou que ele soit nien quel leu Se tel chose avenir peust Queu milieu sus t[er]re neust Eue ne riens qui destornast Voie quel p[ar]t q[ue] len alast Len pouroit aler environ Toute la t[er]re ou beste ou ho[mme] Sus & jus quel p[ar]t q[ue]l vouroit Ausint co[m]me une mosche iroit Entor une poume reonde

[Image description:] Five concentric circles drawn in red ink, with labels in dark brown ink, from the innermost to the outermost circle: t[er]re; eue; air; feus; li airs pure.

[Column A]

Ausint pouroit p[ar] tout le mo[n]de Uns hom tant co[m] la t[er]re dure Al tout enter p[ar] nature Si que q[ua]nt desouz nos vendroit Il li smbleroit tout a droit Q[ue] nos fuissiens p[ar] desoz lui Sico[m] nos sembleroit de lui Car lez piez v[er]s les nos tendroit & la t[er]re ^teste v[er]s le ciel droit Ausint [com]me nos faisons ci Les piez souz t[er]re v[er]s lemi & sil aloit ades avant Droit devant lui il iroit ta[n]t Q[ui]l reuendroit ou leu premier Dont il se prist a eslongier En la peemeraine estature Ou aussint fust p[ar] aventure Q[ue] .ii. homes se deseuraissent Li uns de lautre & sen alassent Li uns ades v[er]s oriant & li autres v[er]s occident Si q[ue] audui igalment alassent Il couvendroit quil senco[n]trasse[n]t En celui leu dont il se murent & puis la ou premera[ment] il furent Si revendroient p[ar] devant Ambedui ainsint [comme] devant Car lors avroit chascuns son tor Fait p[ar] sus t[er]re tout entor Ausint co[m]me entor une roue Q[ue] u[n]e sus t[er]re setendroit coie

[Column B]

Ainsint ensus la t[er]re iroient Com cil qui ades se trairoient Droit v[er]s le mileu de la t[er]re Car touz poinz dev[er]s lui se serre [image] & q[ue] pl[us] poise pl[us] se tret & plus p[re]s dou mileu se tret Car q[ua]nt pl[us] cheve lo[n] dedent Pl[us] trouve len t[er]re pesant P[our] entendre ces aleures Povez veoir en ces figures Mes p[our] la chose miex entendre povez un autre essample prendre Se la t[er]re p[ar]cie estoit P[ar]mi le mileu tout endroit Si q[ue] len veist tout p[ar]mi Le ciel dautre p[ar]t desoz li & len getast une p[ar]che enz Ou une ploumee pesanz Q[ua]nt emmi la t[er]re vendroit Ele se tendroit iluec droit Q[ue] pl[us] ne pouroit avaler Ne quele pouroit haut mo[n]ter Fors tant q[ue] p[ar] son for cheoir Douroit li poiz aucu[n] pooir Q[ue] le charoit ou pl[us] p[ar]font

[Image description:] Two diagrams, side by side. The diagram to the left is made of two concentric circles, drawn in red ink. The inner circle is labelled "terre" in brown ink with red bleeding through. The outer circle is marked with four symbols in red ink, occupying the four cardinal directions; the one on the top is flanked by two additions in brown ink: "ho[c] q[ui] ua". The diagram to the right is made of two concentric circles, drawn in red ink, with two symbols on the bottom, and four on the top.

[Column A]

Mes tantost revendroit amont Tant q[ue]le seroit toute emmi Ne james ne mouvroit de qui Car lors seroit ele igaument P[ar] tout en sus dou firmament Q[ue] ades tornoie nuit & jor & p[ar] la v[er]tu de son tor Ne puet riens a passer a lui [Image 1] Q[ui] poise ainz se tret de lui Dont assez povez la nature Entendre p[ar] ceste figure Ou sen .ii. lieus estoit p[ar]tie Dont uns p[er]tuiz feist trenchie & lautre ausint emmie croiz & iiii. home esteussent droiz Aus .iiii. chiez des .ii. p[ar]tuiz Li uns desouz lautre desuz & gitast chaucuns sa piere enz Q[ue] q[ue]le fust petite ou g[ra]nz Chascune vendroit jusq[ue]n mi Sanz jamez remuer diqui Sa force ne len ostoit on & setendroient environ Lune a lautre p[our] prendre leu Chascune dev[er]s le mileu

[Column B]

Se les estoient dun seul pois Si vendroient eles a une fois Ausint tost lune co[m]me lautre Chascune v[ers] lautre vendroit [Image 2] Si come il ap[ar]t tiendroit & se lor pois ou mi nestoient Desouz eles q[ua]nt eles charroient Celequi plus pesanz seroit Pl[us] tost ou mileu setendroit & les autres .iiii. entor li Si co[m] ceste fugure est ci [Image 3] Sempouroit ou tant git[er] sus Q[ue] plain seroient li p[er]tuis Ausint co[m]me il fure[n]t avant Bien i pouroit ou metre tant Or eoez ap[re]s sil vos plet [Image 4] coument la t[er]re reonde est Quitant pouroit en haut mo[n]t[er] En lair quil peust es garder La t[er]re p[ar] vaus & p[ar] plaignes Les hautesces des g[ra]ntz mo[n]taignes & les granz valees p[ar]fundes Les flos de mer & les g[ra]nz ondes Li sembleroient tout devoir Env[er]s la t[er]re mains paroir

[Image 1 description:] Diagram composed of two concentric circles drawn in red ink. The inner circle is divided in two hemispheres by two parallel red lines, forming a path for a circle, drawn in the outer circle in brown ink and repeated in the center of the inner circle. The inner circle is labelled in brown ink "terre partie." [Image 2 description:] Diagram composed of two concentric circles drawn in red ink. The inner circle is divided in four sectors by a cross-shaped section, leading four brown circles from the outer circle to the center of the inner circle. There is no text. [Image 3 description:] Diagram composed of two concentric circles drawn in red ink. The inner circle is divided in four sectors by a cross-shaped section, with circles in brown ink in each tip of the cross. There is no text. [Image 4 description:] Diagram composed of two concentric circles drawn in red ink. The inner circle is divided in four sectors by a cross-shaped section, filled with circles in brown ink. There is no text.

[Column A]

Q[ue] ne feroit un cheveus doume Sor soi & desus une pome Mons ne valees ne hautesces Ne tout la t[er]re reondesces Ne q[ue] li pigno[n]s en la gaule Ou les fronces en la noif taille La t[er]re couvient reonde estre Q[ue] pl[us] de biens i puissent nestre Si vos dirons ap[re]s porcoi Li mondes est reons en soi Dex forma le monde reont Car de toutes formes q[ui] sont Tant aient div[er]se maniere Ne puet estre nule si planiere Netant p[our] prendre p[ar] nature Com fait la reonde figure Car de toutes est la pl[us] ample Dont prendre povez tel essample Il nest nul hom tant soit soutil En euvre netant ententis Q[ui] ja peust p[our] nule rien Faire dautre tant de merrien De metail de pierre ou de fust Nul vaisel qui si ample fust Qui tant tenis en nul endroit Q[ua]nt cil qui touz reonz seroit Ne qui en lui tant p[our] preist Ne figure q[ue] nus feist Ne se pouroit ausint muvoir De toutes p[ar]z senz veut avoir En nul sens quem peust ente[n]dre

[Column B]

Q[ui] ne li couvenist p[our] prendre Autre lieu q[ue] celui devant Fors la reonde soulement Q[ui] tout entout se puet movoir Si q[ue] autre leu ne puet avoir Fors le premier ne passer roie Dou leu ou ele se tient coie Dont veoir povez la nature P[ar] une carree figure Mestre desouz une reonde Une aure q[ue] ne soit reonde Si leffaites torner au deus Li angle prendront div[er]s leus De cele qui reonde niert Q[ue] la reonde pas ne quiert [Image] Oncore i a une autre chose Il nest rens souz le ciel enclose Tant soit de div[er]se faiture Q[ui] ja se peust p[ar] nature Si tost movoir co[m] la reonde Por ce fist dex reont le monde Q[ue] miaus se peust aco[m]plir & de toutes p[ar]z a emplir Car il ne vout riens laisier vuit Ainz vout quil tornast jor & nuit

[Image description:] Diagram composed of two superimposed squares in red ink, one placed on a 90-degree angle, and a circle, also in red ink. There is no text.

[Column A]

Car movem[en]t couvient avoir Ou ciel qui tretout fait movoir Isnelement mouvoir couvient Celui dont touz moveme[n]z vie[n]t Car touz movemenz dou ciel muet Sanz le ciel riens mouvoir ne puet DEx dona ou ciel movem[en]t qui vait si tres p[ar]fitement Plus q[ue] nus ne povroit penser Mes il ne nos puet pas sembler P[our] sa grandor ne qui feroit Daucun homme qui le verroit De bien loig un cheval courant P[ar] sus une montaigne g[ra]nt & si ne li sembleroit pas Quil alast a paine le pas & q[ua]nt pl[us] loig de lui seroit Mainz tost aler li sembleroit & li ciaus li est si en sus Q[ue] sune pierre estoit la sus Si haut co[m] les estoilles sont La pl[us] pesant de tout le mont & fust de metal ou de plom & preist acheoir de som Cest chose p[ro]vee & seue Q[ue] le ne seroit pas cheue Jusq[ue] a t[er]re dedenz .c. anz Tant [est] loing & lons & si g[ra]nz Q[ue] tretoute la t[er]re entor Nav[er]s le ciel point de grandor Ne q[ue] li poinz q[ue]nmi seroit

[Column B]

Av[er]s le pl[us] g[ra]nt cercle auroit Q[ue] nus peust sor t[er]re faire I a si g[ra]nt nel sauroit p[our]traire Se uns hom ert ou ciel la sus Qui regardast v[er]s t[er]re jus & t[er]re fust tretoute ardans Entor co[m]me uns charbons fla[m]ba[n]z T[er]re mendre li sembleroit Q[ue] la mendre estoille que[n] voit Ou ciel de t[er]re ca aval Fust ou en mo[n]taigne ou en val & p[ar] ce bien puet len savoir Q[ue] tout couvient le ciel mouvoir Car faire li couvient un tor Entor la t[er]re chascun jor Sicome ap[er]cevoir povons P[ar] le souleilg q[ue] nos veons Au main lever v[er]s orient Au soir coucher v[er]s occident & puis ap[re]s en lendemain Aussint le reverrons au main Car lors a il p[ar]fet un tor Q[ue] len claime naturel jor Q[ue] nuit & jor en lui co[n]tient & aussint vait soulauz & vient Q[ue] ja daler naura repos Avec le ciel sico[m] li clos Q[ui] est fichies en une roe & torne q[ua]nt ele tornoie Mes p[our] ce q[ui]l a movem{en}t Contre le tor dou firmam[en]t