f. 045v - 046

OverviewTranscribeVersionsHelp

Facsimile

Transcription

Status: Complete

Et la terre u mileu vient
Le feu qui est premierement
En clost cest air parfetement
Et lair enclost li aue apres
Et puis la terre se tient pres
Tout ausi con len voit de luef
Que laubun enclost le moeul
Enmi le moieul si coume cresse
Qui doune partie setient
A cele gresse qui la vient
Si ni touche que dune part
Einsi coume est par tel art
La terre enmi le ciel assise
Et si igaument dedenz mise
Ausi est lonc et haut et bas
Con len puet veoir du compas
Qui enmi le monde iert assis
Et u plus bas leu iert conquis
Car de trere forme a compas
Senmi le mileu estoit mis

Si seroit il enmi tous dis
Einsi sont li .iiii. element
Lun en lautre entierement
Si que la terre est toute enmi
Atant a souz ciel come ci ¶ du monde /.mileu
Coument la terre se tient u/.

Por ce que la terre est pesant
plus que /.des /..nul .iiii. element
Se tient ele plus bas enmi
Que quant plus poise plus bas tret
Et plus vers la terre se tret
Por ce nous covient joindre a li
Et quanque est atret a li
Se tel chose avenir peust
Que nus hons sus terre neust
Ja nule rien qui destournast
Et touz jours cele part as alast
Len pourroit aler environ
Toute la terre beste ou hon
Hons vis quele part quil voudret

[Image: Large diagram on center-left of page from lines 6-13. Consists of concentric circles representing the earth and its elements. Label (top to center): airs purs, feus, airs, eue, terre]

[Lines 5 & 6 (rubric): The scribe/rubricator has indicated an interlinear correction, which means the rubric should read “Coument la terre se tient du monde u milieu”]

[Line 8: The scribe has indicated an interlinear correction, which means the text should read “plus que nul des .iiii. element”]

Notes and Questions

Please sign in to write a note for this page

mpkeane

f. 046r, line 8: scribe indicates change in word order to "plus que nul des .iiii. element"