f. 048v - 049

OverviewTranscribeVersionsHelp

Facsimile

Transcription

Status: Complete

Sa force ne le movoit on
Et se tendret tout environ
Lune et lautre par prendre a li
De chascune envers le mi
Seles estoient .i. seul pois
Si avroient auques leur pois
Ausi tost lune comme lautre
Et nature ne feroit autre
Chascune vers lautre vendret
Si comme il apert ci endret
Et se le pois enmi estoit
Par de desouz quant il cherroit
Cele qui plus pesant seroit
Cele vers le mileu vendret
Et les autres tot entor li
Si con ceste figure ci
Sen pouroit en tant geter sus
que plain seroient li pertuis
Ausi coume il furent avant
Si vous en soufise aitant

[Image: A diagram of a circle inside another circle, representing the earth. The two concentric circles are divided into four quarters like a cross. There are four dots at the center of the circle, and on at the end of each arm of the cross (label: terre perciee en quatre)]

[Image: A diagram of a circle inside another circle, representing the earth. The inner circle is divided into four quarters like a cross. There is a dot in the space between the two circles at the end of each arm of the cross (label: terre perciee en croiz)]

Coument la terre est roonde
Environ le monde

Ore oez apres sil vous plest
coument la terre roonde est
Qui pourroit tant en haut monter
En lair qui peust esngarder
La terre par vax et par montaignes
Et la hautece des lointaignes
Et si sembleroit tout de voir
Envers la terre autant avoir
Coume il feroit du cheveu
Doume qui seroit sus pomel bleu
Mons ne vallees ne hautesce
De tout le mont la roondece
La terre covient roonde estre
Que plus de bien i peust estre
Si vous dirorons apres pour quoi
Le monde est roont en droit soi
Du mouvement du ciel et des
Planetes et de la quantite de la terre

Notes and Questions

Nobody has written a note for this page yet

Please sign in to write a note for this page