f. 055v - 056

Dame de cele regyon
Autant tient despasse cist leus
Coume cil fet des autres deus
Pour ce aise la grant a non
Et dure des septemtrion
Par oriant jusqua midi
Si con ceste figure ci
Lautre partie prist son non
du roi qui europe ot non
Pour celui fu ele apelee
Europe est si aduree
Doccident en septemtron
Et marchist aise environ
Lautre est aufrique qui sestent
Des midi jusquen oriant
Aufrique denfer est nomee
Ainsi en .iii. parz devisee
Ceste figure en est mostree
Par ces .iii. pars qui sont nomees Ci comence
tient chascune mainte contrees la mapemonde

[image: from line 4 to line 7, T-O map represented within two concentric circles, with the interior circle and divisions traced in red (label: Orient / occi- / dent).]

[image: from line 14 to line 18, a circle drawn around another circle. The interior circle is divided into four by two diagonal lines. The interior circle and divisions are traced in red (label: Orient / midis / occident / septem- / trion).]

Et maintes longues regions
Dont nous dirons auques les nons
Et des bestes les nons daucunes
Qui u pais sont plus communes
Et dirons daucunes les fourmes
Qui plus veues sont par homes
De gens de bestes de poissons
Qui sont en celes regions
Si con li livre le devise
Dont ceste mape fu or prise
De paradis terrestre et de ses
Fluns qui enz nessent
La premiere regyon daise
est paradis qui est plain daise
Si plain de joie et de soulas
Que nes un hon ni puet estre las
Nenviellir de nule partie
Leens est li arbre devie
Qui en avroit mengie du fruit
Ne mengeroit la jour ne nuit