f. 058v - 059

Et de leur vies sen issent
Cele gent ont non punain
Et sont ^si petit coume nain
Devers ceus crest le poivre blanc
Mes la vermine i est si grant
Quil i covient le feu bouter
Pour la vermine hors oster
Et quant il est brullez ainsint
Si le trueve on crespi et nerci
Autres ^/.i a ^/.gens quen apele
Groinz et brehains autre plus bele
Qui pour la vie autrui guerir
Se metent u feu pour morir
Si a encore une autre gent
Qui pere et mere et leur parent
Quant viex sont et pres de la mort
Sacrefient ou droit ou tort
Puis si en menjuent les chars
Et tiennent pour felon^st eschars
Touz ceus qui ce ne font de leur

Car il tienent ce a honeur
Et a large^sce et a grant bien
Pour ce le fet chascun du sien
Vers oriant a une gent
Qui le soleil tant seulement
Aorent et pour dieu le tiennent
Pour les grans biens qui de lui viennent
Et pour ce quau monde ne voient
Si bele rien pour cele croient
Autres gens i a si veluz
Qui les poissons menjuent cruz
Et si boivent la mer salee
Si ra devers devers cele contree
Bestes et homes a moitie
Et gens qui ont .vii. doiz u pie
Mout par i a orrrible beste
Qui ont cors dome et piez et teste
Et ^a leur ongles tout arrestent
Et de poil de bestes se vestent
Et ont voiz coume abai de chien