f. 065v - 066

Lors baaille et gemit et pleure
Tant que aucune foiz vient seure
Autre olifant pour lui aidier
Et quant nel pueent redrecier
Si gemissent et font dolour
Et li petiz qui vont entour
Mucent et par desouz le lievient
Tant que aucune foiz lenlievent
Einsi eschapent de mort
Aucune foiz fe par tele effort
Mes quant nel pueent relever
Si leur covient lessier ester
Et sen vont gemissant ades
Et ceus qui repost sont apres
Les prennent par leur estrument
Ainsi prent len les olifans
U flun dynde qui a non ganges
Ou anguiles sont a grans remges
Qui ont bien .ccc. piez de lonc
Que lenmenme a grant besoig

Mainte autre beste non chereuse
Est en ynde orrible et hideuse
Dragons serpens et autres bestes
Qui chevex ont en piez en testes
Ilec li basilique sont
Qui si veⁿⁱmeus regart ont
Que du regart deus seulement
Ocient il oisiax et gent
Teste de coc cors de serpent
Nule beste a lui ne se prent
Rois ^est desus autres serpenz
Con sont bestes lyons serpens
Si est blans rouges cha et la
La terre par la ou il va
Navra james herbe ne flor
Nes li arbre perissent touz
Se trueve beste nautre chose
Morte voir approchier ne lose
Si ra en cele region
Serpens a cornes de mouton