f. 070v - 071

Et u bois dynde fames sont
Qui les barbes si larges ont
Que a leur mameles sarrestent
Et de piax de bestes se vestent
Et dep vivent de bestes savuages
Que il pranent par les boscages
Si sont home et fame tout nu
Si come beste tout velu
En terre et en eue habitent
Et quant il voient autres gent
Si se fierent en li aue lors
Si que poil nen pert par dehors
Autres ^{i a} grans con geanz
Veluz compors et touz gesanz
Si i a autres fames beles ^b
Fors tant que denz ont come chien
Et habitent en ebiien
Une grant regyon i a
Qui .xliii. pueples a
La sont oisiax plain de deduit

[Line 15: The scribe has inserted a letter “b” at the start of the line to indicate the addition of the following line, added to the bottom of the page and preceded with a letter “a”: blanches con nois et sont pareles ^a ]

Dont les plumes luisent par nuit
Cele part sont li papegai
Et ne sont pas plus grant dun jai
Tuit vert et luisent ce dit on
Dont le plus gentil ce dit on
Et ont en chascun pie .vi. dois
Et li vilain nen ont que trois
Queue a longue coume pie
Bec corbe et langue fornie
Qui le norrist dedenz .ii. ans
Si aprent a parler aus gens
Une autree la pellicanus
Qui au est ausi coume thenus
Quant ses piions let et sen vient
Pour pestre si coume il covient
Sel trueve mort ce li est vis
Lors fiert son bec enmi son pis
Tant que li sans enraie hors
Dont li piion revivent lors
En ermenie a une gent.