f. 073v - 074

Et ont tous reses leur corones
Dont li clerc les portent roondes
Et li lai quarrees les ont
Quant le ^sepulcre aorer vont
Li sarrazin nen osent prendre
Nul paage ne rien seur vendre
Il doutent tant qui revenissent
Que chier autres nel vendissent
Les gentis fames de pais
Sarment sus les chevax de pris
Et se conbatent aus paiens
Avecques les georgiens
Touz les langages et les lois
Sont en maniere de greiois
Des poissons dynde
En la mer dynde a .i. poissons
qui on piax dont le peul est lons
Dont les gens vesteures ont
Pour eus vestir quant pris les ont
Uns poissons i a ethimus

Mendre dun pie sont tel vertus
Que la nef a quoi il se prent
Ne peut aler arrier navant
Si a autres poissons marins
Que les gens apelent dapins
Quant la tempeste doit venir
Et les gens sont ^# de mourir ^{# pres}
Si saperent de leve lors
Et se jevent aus ondes lors
Le plus grant poisson de la mer
Que len seut balaine clamer
Si grant et si merveilleuse est
Que terre et herbe seur li crest
Qui samble .i. isle et un mont
Dont la gent qui par mer vont
Sont aucune foiz deceu
Quant terre ^/.avoir ^/.cuident veu
Si font tant que la se sont tret
Et quant i ont fet leur atret
De feu deloges et dautre estre