f. 074v - 075

Con cil qua terre cuident estre
Mes quant le poisson le feusent
Si sesmuet si soudainenement
Si se fiert en la mer parfonde
Si quapres lui trestot afonde
Nes et gens trestout sont peri
Quant il cuident estre gueri
Petite boce a ce savons
Ne prent fors que petiz poissons
Autres i a con de puceles
Testes et cors jusquas mameles
Lautre poisson eles doisiax
Et ont leur chant et bon et biax
Seraines ainsi ont a non
Li un dient que sont poisson
Li autre les veulent clamer
Damoiseles et apeler
Des arbres dynde
En ynde sont ^/mout ^/arbre grant
paumier et mout soef olant

[Line 19: the scribe has indicated an interlinear correction, which means that the text should read “En ynde sont arbre mout grant”]

Et portent dautes .i. fruit plain
Et portent poumes de pomier si plain
Longues qui bones odeur ont
Cent en tiennent en .i. mont
Dont les fueilles qui en sont nees
Sont .ii. longues et une lee
Autres pomes i a bien grancs
Dont le mors dun home apert ens
A touz les denz, si la cleme on
Poume des denz par tel reson
Autres i sont pomes portans
Beles dehors tendres dedens
Les vignes i sont si portant
Cune seule grape est si grant
Que .ii. homes en sont chargie
De porter a leur col a pie
Petiz arbres i plante on
Chascun qui ^porte le coulon
Si i croist une grant
Qui portent le cucre dedenz