f. 079v - 080

Queurope naufrique toute
Mes fu puis trestoute deroute
Si con diex fu quele fondi
Et sest la mer boutee enmi
Une autre ille i a quen ne puet
Aler car la mer si iest
Et aucune foiz est perdue
Si lapele on lisle veue
Cele ille trova seint brandain
Qui mainte merveille vit ain
Si con la vie le devise
Qui savoir la veut ^/.lase ^/.si
Et de cha ra mainte bele isle
Cele de chipre et de sezile
Et autre^s maintes par la mer
Quil ne covient pas ci nomer
Et si ne vous merveilliez mie
Caucune foiz avez oie
Que vous soit sauvage et diverese
Car dex en qui touz bieus converse

A fet mainte merveille en terre
Dont nus ne puet reson enquerre
Tant con ce siecle est fax ou voire
Pour ce ne covient rien mescroire
Nes pas mieuz se li hons rien croit
Mes que contre la foi ne soit
Mes quil i puisse au cunbien aprendre
Car bon fet fere al ome entendre
Dont nest pas esbahiz sitost
Autre foiz quant parler en ot
Ainsi come il nos semble ci
Quil ait grans merveilles iqui
Ausi ressem^ble ceus dela
Quil ait grans merveilles de cha
Mout forz et mout diverses sont
Pource que ^pou veu en ont
Si ne se doit merveillier mie
Li hons qui lit a la foie
Riens dont il ne set reson rendre
Car ades puet li hons aprendre