f. 104v - 105

Et con grosse est et li air ses
Si sen vient tout ardant ades
De feu aucunes estanceles
Qui semblent esteles noveles
Dont les gens dient que se sont
Esteles qui corant senvont
Jusqua la terre dont souvent
Avient que cil qui vont disant
Qui par nuit ^par la terre vont
Maintes foiz trovees les ont
Et les voient toutes ardanz
Cheoir jusqua terre dedenz
Et quant viennent pour li prendre
Si truevent ausi coume cendre
Ou aucune fueille pourrie
Dun arbre qui seroit moillie
Si ne croient pas bien adret
Cil qui cuident questoile soit
Estoile ne puet pas cheoir
Car toutes les covient corir

En leur cercle ades igaument
Nuit et jour ordeneement
Du dragon et que ce est
Le dragon est une autre chose
fors cune vapours est enclose
Qui une foiz sassemble en haut
Et qui sovent esprent par chaut
Et quant espris espris est si sesmuet
Et sen vet plus tost quele puet
Coume feu qui seroit hauciez
Tant qua la terre est abessiez
Ainsi sen vet ce feu volant
Quau derrenier vient a noient
Tiex choses sont senefiances
En terres daucunes muances
Du feu vos avons briefment dit
Et les .iiii. elemens escrit
Coument lun ou lautre est assis
Et con dex les a establiz
Le plus legier u plus haut leu