CHANTILLY, Bibliothèque du château, 0477 (1469) (Reproduction intégrale)

ReadAboutContentsHelp

Pages

contregarde - f. 001
Complete

contregarde - f. 001

Ce est limage dumonde Ce est le livre de clergie en rommanz qui est apelez lymage du monde partout a .lv. chapistres. et .xxviii. figures sanz ce ne puet estre li livres legierement entenduz. Si est devise en .iii. parties La premiere partie contient xiii. chapistres et .vii. figures sanz le prologue. Le premier chapistre est de la poissance de dieu Le secont pour quoi dex fist le monde Le tiers por quoi il fist home a sa semblance Le quart pour quoi dex fist houme tel qui peust pechier Le quint pour quoi et coument les .vii. ars furent trouves et de leur ordennement Le siste des quatre manieres

[image: Historiated initial ("C") with Christ in glory, seated on a throne with a raised right hand in blessing and holding a tripartite globe] [image: Border decoration in blue, red, purple, and orange on the low and left margin representing a stylized dragon shaped like an 'L']

Last edit almost 4 years ago by henryravenhall
f. 001v - 002
Complete

f. 001v - 002

de gens que li philosophes poursivoient au monde. et coument clergie vint en france. Le setiesme de la maniere des .vii. ars Le uitiesme de nature coumeent ele oevre et que ce est. Le nueviesme de la forme du firma-ment Le disiesme coument li .iiii elemanz sont assis u monde. Le .xi. coument la terre se tient en mi le monde Le .xii. quele est la roondece de la terre Le treziesme pour quoi dex fist le monde roont entour Le quatorziesme de lisnelete du cours du firmament et de .vii. planetes La seconde partie contient xix. parties et ix. figures Le premier chapistre si est coment la terre est devisee en .iii parties. et quel part ele est habitee

Le seconz de la mamonde et ou ele coumence. Si est daise la grant et de paradis terrestre et out il siet et de inde la meneur et de la diversetes des genz et des bestes et des contrees dayse la meneur et des poisetsons et des arbres et des oisiaus qui la sont Le tiers est deurope et de ses relegions Le quart daufrique et de ses relegions Le quint des isles et de leur choses La siste deurope et daufrique et de la maniere des bestes et des oisiax Le .vii. des choses et des diversetez coumunes Le .viii. ou enfer est et quel chose ce est

Last edit almost 4 years ago by henryravenhall
f. 002v - 003
Complete

f. 002v - 003

Li nueviesme pourquoi li aue salee queurt parmi la terre Le .x. pour quoi li aue est douce salee noire chaude et envenimee sourt Lonziesme ou la mapamonde fenist et des diverses fontaines Le .xii. coument la terre crolle et fent en mainz leus Lle .xiii. coument la mer devient salee ausint Le .xiiii. de lair et de sa nature Le .xv. coument les nues poisent. nois gelees. escrois tampestes tonoirres esparz aviennent Le .xvi. coument livent nessent Le .xvii. du feu et des esteiles qui semblent queles queurent et du dragon que ce est Le .xviii. du pur air et coument

les planetes i sont assises Le .xix. du tour du firmament La tierce partie contient xxii. parties et x. figures Le premier chapistre ce est du firmament Le secont pour quoi len ne voit les esteles de jour Le tiers coument la terre est ce qui nous desfent le jour que le soleil nous rent Le quart pour quoi la lune rechoit diversemement lumiere Le quint coument les esclipses de la lune aviennent Le siste de lesclipse du soleil

Last edit almost 4 years ago by henryravenhall
f. 003v - 004
Complete

f. 003v - 004

Le .vii. de leclipse qui avint en la mort de jhesu crist Le .viii. de la vertu du ciel et des esteles Le nueviesme ce que avient par la lune et du soleil Le disiesme pour quoi et coument len mesura tout le monde Lonzieme du roi tholomer et de ses philosophes Le .xii. coument len sauva les clergies pour le deluge Le .xiii coument len trouva les clergies apres le deluge Le .xiiii. des vertus que virgiles fist par astronomie Le .xv. ce est le tour du firmament Le .xvi. coument les esteiles et

le soleil contiennent de grant et de haut chascun en dret soi Le .xvii. de la grandeur et de la hautece des estileiles Le xviii. du nombre des esteiles et des ymage queles fourment u ciel amont Le .xix. de la grandeur du firmament. et du ciel qui est pardesus Le .xx. du celestiel paradis et de son estre Le .xxi. du ciel cristalin et du ciel empire Le xxii. est li recorz et les recapitulations des choses devant dites Qui bien veut entendre ce livre et savoir coument il doit vivre Et aprendre cele clergie

Last edit almost 4 years ago by henryravenhall
f. 004v - 005
Complete

f. 004v - 005

Dont mieuz vaudra toute sa vie Si lise tout premierement Et apres ordeneement Si quil noblie rien devant Et entende ce qua devant Si pourra le livre aprendre Car autrement nu puet entendre Qui entendre a ce comcommenz si puet aprendre en ce romanz Grant partie de la feture U monde comment par nature Fu fet de dieu et acompliz Et coument il fu establiz Dont il nous fist si grant bonte Que ja riens neusson este Dont fusson ausi com perdu Coume ce qui onques ne fu Si prion au coumencement A dieu le roi omnipotent Quen livre nous doint entendre

Tel bien et tel savoir aprendre Qui nous conduie et nous amaintb Et nous doint sa grasce et samor Em paradis la ou il maint a Qui conquerre puisson lonor Pour quoi dieus Fist le monde Quant diex fist le monde premier ne li estoit /.mestier /.mie Quautant ot apres comme avant Diex fu apres diex /.devant /.fu Il ne sen amenda de rien Conques ni li failli nu bien Tout a. et tout tient en sa main Il not onques ne soit ne fain Tanz anz tant mois et tantes eures Tout ades en bien se demeure A lui de rien mestier ni est Quanconques fu sera et ert Et est devant ses eulz de ades

[marginalia: The scribe signals that lines 2 and 4 in fol. 5r must be inverted by marking them with "b" and "a" on the left margin, respectively, and with a shwa on the right margin.]

[Line 9: the scribe has indicated an interlinear correction, which means the text should read “ne li estoit mie mestier”]

[Line 11: the scribe has indicated an interlinear correction, which means the text should read “Diex fu apres diex fu devant”]

Last edit almost 4 years ago by Laura Ingallinella
Displaying pages 1 - 5 of 155 in total