CHANTILLY, Bibliothèque du château, 0477 (1469) (Reproduction intégrale)

Est li cieus que len voit si plain Des estoile quen fet ferain Con cil qui en est dret voilles Cil cieus qui est si esteles Cest le firmament qui tornie Et de qui la gent est mout lie Et si tres douce melodie Quil nest nul sil avoit oie Qui james vousist chose fere Qui a dieu venist a contrere Tant beeroit apourseoir La ou il poist plus veoir Touz jours et avoir longue soie Si tres joieuse et enjoie Dont aucun furent qui disoient Que li petit enfant looient Quant il rient en leur dormant Quil dient quil oent chantant Les angres dieu em paradis Qui les ont en tel joie mis

Mes de ce ne set nus de voir Fors dieu qui tout a aseoir Qui les estoiles u ciel mist Tel pooir a voir leur emprist Quen terre na chose durese diverse Ne dedenz mer tant soit parverse Qui u ciel ne soit figuree Par estoiles et compasee Dont ne puet nus savoir le nombre Fors dieu qui par lui seul les nombre Et de chascune set le non Con cil qui tout fist par reson Des estoiles quen puet veoir Puet on bien le nonbre savoir Et querre par astronomie Et cest une bele mestrie Na riens u ciel tant soit petite Quen terre nait sa vertu quise En herbe en fruit et en flor Soit de feture ou de color

Ou de quel chose que ce soit ^{#que estoile ni ait nessance} Na riens en terre questre doit Ne qui en lui preigne nes ^sance# Par nature soit male ou ^bone Itele coume dex li dou^ne Por planetes et Firmament Ceste figure nos present Mes puis quen ce segont escrit Avons le firmament descrit Si vous en diron la mesure Pour miex entendre la figure De ce quest sus le firmament Et de paradis ensement Ci coumence la tierce partie Du firmament En iceste tierce partie finerons ceste astronomie Et vous dirons premierement Coument ^/.et jour^/. nuit les sorprent

[image: concentric circles of the celestial system (labels, from centre outwards: terre, lune, venus, solleil, mars, jupiter, saturnus, firmament)]

Pour les esclipses fere entendre Et autres choses pour aprendre Le soleil entre nuit et jour Fet environ la terre .i. tour. Et vet igaument chascune eure Tant conbien sus terre demeure Si avons du jour le deduit. Quant desous est si avons nuit Sicoume il vet tornoient Une chandele toute ardant Entour la teste ou en son poig Ou entor une pome au loig. La partie qui plus ardoit Envers la chandele seroit Seroit enluminee ades Et cele qui mains seroit pres Et dautre part seroit oscure Einsi le soleil par nature Fet sus terre jour et nuit nestre Par devers lui fet le jour estre

Et dautre part le let onbrage Einsi lesse omrbre cele part Ou il ne puet avoir regart Et cest li ombres de la nuit Qui du jour nous tost le deduit Mes pour ce que le soleil est Plus grant assez que terre nest Vet li ombres agreslissant Si que si quen la fin vet a noient Et la mesure du clochier Agu quen fet en .i. mostier Mes que la terre et li solaus Fussent de leur grandeur igaus Li ombres neust point de fin Ainz fust igaument sanz defin Et si fust la terre plus grant Et alast li ombre en croissant Dont nous poez veoir lesquas En ces trois ii Figures ci bas

Pour quoi len ne voit le^s esteles Ce poez prover par figure de jour prenez [?] aucune chose oscure Qui puisse retenir lumiere Sicome fet ou fust ou pierre Quautre chose qui soit einsi Que ne puisse veoir parmi Et devant voz euz le metez Contre ce que veoir volez Ciel ou terre quanque vous plest Ce cele chose plus large est Que en r voz .ii. euz na de loig Ele vous suira pres ou loig A veoir plus deriere li Quele na de large entor li Et se la chose est toute igaus

[image: three circular diagrams showing the sun casting shadows on the earth; it is supposed to illustrate the shadows cast according to varying the relative sizes of the earth and sun, but the only difference is actually in the sun's position, moving from upper left to upper right, possibly through conflation with the preceding discussion of the sun's movement around the earth (labels on each: solleil, terre)]

Au loig quest entre nos et aus Autant vous ensuira devant Con cel chose avoit de grant Se la chose a mains de grandor Quentre voz euz na de grandor Mains covendra veoir ades Quele nest^# loig ou pres ^#large De ce que contre veoir voudres Et quant la chose en plus pres Prez de vos euz tanz porrez plus Veoir a lautre pardesus Tant que veoir la porroiz tote Ainsi est du soleil sanz doute Qui la terre passe en grandor Si quil voit tout ^{le ciel} entor Et les estoiles cleres rent Quanquil en a u firmament Tout ades desus et desouz mes celes qui sont deso^uz nos De jour ne poons nos veoir

Car il nous entost le pooir Pour la clarte qui est si grant Sicon des chandeles ardant Quen sus desus nous par nuit veons Sun grant feu entre nous et eles Feust lors qui rendist lumire Il nous tossist veoir derriere Les chandeles de nostre esgart Qui leur remetroit dautre part Le feu loig derriere noz dos Si porrion veoir tantost Devant nous les ardanz chandeles Autre ^tel vous di de^s esteles Quen ne puet veoir le o jour Tant con le soleil fet son tour Souz terre mes quant desus est Si les veons tant quil renest Celes de jour sus nous sont En este celes iseront En eles yver par nuit desouz nos

Celes deste sont desus vos Que celes quen este veons En yver veoir ne porrions Car le soleil qui va entour Nos tost de cele respladou*r Qui sont pa jour la ou il est Tant quen sus de li le retret Mes toutes sont enluminees Quel part queles soient tournees Ades de nuit et de jour Quanque le soleil va entour Haut et bas resplandist ades Pur ce que de la terre est pres Quanque li ombre puet porprendre Ne puet le soleil clarte rendre Que nous poon par la figure Entendre ce que vous asseure Einsi li ombres le descrest Par le soleil qui plus est pres De la terre et fenist en loig

Et clure de terre plus loig Que la terre ne soit en haut Et sus la lune se defaut La terre est ce qui nous desfent le jour que ^le soleil nous rent Se la terre estoit clere en li Que len peust veoir parmi Len verroit le soleil touz jouz Par desus terre ou par desouz Mes quanquele est oscure en li Le nous tost a veoir ainsi Et fet lombre venir avant Qiu entour sen vet tornoiant Encontre touz le soleil touzjours Et et fet tout autrement le cours Entour la terre coume il fet Con cil quades contre li vet Quant le soleil au matin nest Li ombres en occident est Et quant il est endret midi